主題：紲拍的台灣話
講師：Dang Hōng-Zing 董峰政/國立高雄餐旅學院
網站：www.dang.idv.tw(鯤島台語文園地)
e-mail：dang1109@yahoo.com.tw
手機仔：0936-351-888
＊本文使用通用拼音自然調＊
前言：台語的音節2217(台南音)；七聲八調；變調
一、七聲八調
台語上大的特色是「八音七調」加上「變調」，所以用台語講話親像咧唱歌。因為，台語本身有伊的「音樂性」。比如講：
「天烏烏」是「So-Mi-So」的調。
「佇溪邊」、「五千箍」、「唸詩經」是「Do-Mi-So」的調。
「買新褲」、「討分數」、「好佳哉」是「So-Mi-Do」的調。
「阿公食西瓜」是「Mi-So Do-Mi-So」的調。
「火車吱吱叫」是「So-So Mi-Mi Do」的調。
「我加汝三歲」是「So-Mi-So Mi-Do」的調。
「八音七調」有峘(gŭan)、有下(gē)、有牽長、有收束等種種的音調，是非常豐富的音樂性語言。比如講：
dong東、dōng洞、dong棟、dòng黨、dŏng同。 /dok毒、dōk督 dok□。
gun君、gūn郡、gun棍、gùn滾、gŭn裙。 /gut滑、gūt骨、gut□。
打馬膠(da-ma-ga)
打馬膠黏著跤，叫阿爸買豬跤，
豬跤箍仔焄爛爛，枵鬼囡仔流喙瀾。
【註】跤(ka)。豬跤箍仔(dī-kā-kō-à)。焄爛爛(gūn-nūa-nua)
枵鬼囡仔(iāu-gui-ghin-à)。流喙瀾(lāu cùi-nūa)。
甜粿過年
甜粿過年，發粿發錢，
包仔包金，菜頭粿食點心。
二、變調 (動態調)
火hùe
火車hue-cia
火車站hue-ciā-zām
火車站長hue-ciā-zam-diòn
長老dion-lòr
我ghùa /是sī /一zit /個ĕ /台dăi /南lăm /市cī /人lăng
我是一個台南市人ghua si zit ē dāi lām ci lăng
伊i /上siōng /愛ai /食ziah /肉bhāh /骨gūt /湯tng
伊上愛食肉骨湯ī siong ài ziah bhà(h) gut tng
三、輕聲調
做人zòr-lăng； zor-lango
過去gùe-ki； gue-kio
驚死giān-sì； gian-sio
後日au-rit； āu-rito
啉一杯līm-zit-bue； lim-zito-bueo
例一：台灣歌謠
歡喜着好 詞：吳嘉祥 曲：吳嘉祥
人生海海敢需要攏了解，
rīn
sing hai hài gam sū iàu long liau gài
有時清醒有時凊采，
u sĭ cīng cèn
u sĭ cìn cài
有人講好一定有人講歹，
u lăng gong hòr， it ding u lāng gong bhài
若勿想赫濟咱生活卡自在，
na
mài siun hià(h) zē， lan sīng uah
kah zu zāi
規工嫌車無夠葩，嫌厝無夠大，
gūi
gang hiām cia bhōr gàu pa， hiām cu bhōr gàu dūa
嫌菜煮了無好食，嫌某傷歹看，
hiām cai zu liàu bhōr hor ziah， hiām bhò siūn
pain kuan
駛著好車驚人偷，大厝歹拚掃，
sai diorh hor cia giān lāng tau， dua cu
pain biàn sau
食甲傷好驚血壓高，嫷某會綴人走，
ziah
ga(h) siūn hòr giān「se ia gau」， sui bhò e dùe lāng zàu
人生短短親像咧cit tŏr，
rīn
sing de dè cīn ciun le cit tŏr
有時煩惱，有時輕可，
u sĭ hūan lòr， u sĭ kīn
kòr
問我到底腹內有啥法寶，
mng
ghua dàu dè bak lāi u sian huat bòr
其實無撇步，歡喜着好。
gī
sit bhōr piat bō， hūan hì diorh hòr
例二．講好話，祝福的話：
行到厝大埕，予恁一家有出名。 (埕diăn、恁lìn)
行到厝大廳，予恁一家好名聲。 (予hō)
大門開開開，予恁錢銀規大堆。 (規gui)
茶杯圓圓圓，予恁富貴萬萬年。
茶杯深深深，予恁翁某會仝心。 (仝găng/gāng)
茶杯捧正正，予恁會得眾人疼。 (眾zing/ziong)
茶杯捧懸懸，予恁囝孫中狀元。 (懸/峘gŭan；囝giàn)
茶杯捧下下，予恁趁錢無地下。 (下gē；下hē)
茶杯捧過來，予恁逐家大發財。 (逐家dak-ge)
茶杯捧過去，予恁逐家有福氣。 (捧păng)
茶米啉落喉，予恁逐家會出頭。 (啉lim)
茶米啉一喙，予恁榮華兼富貴。 (喙cui)
逐家愛用菜，新娘嫁著好翁婿。
逐家愛啉酒，新郎娶著好牽手。 (娶cūa)
燒酒啉一杯，名利財富褿開花。 (褿ziău)
酒菜大喙吞，予小姐嫁好郎君。
燒酒真正芳，予小姐嫁才情翁。 (爻ghău)
燒酒逐家愛，予汝娶著好太太。
燒酒啉乎噍，予恁財富年年加。 (噍da)
逐家食乎飽，囝孫個個攏乖巧。 (攏lòng)
一銅佮一金，翁某會仝心。 (佮gāh)
翁某若仝心，烏土變黃金。
炮聲若霆，囝孫仔起厝佮蓄田。 (蓄hāk)
炮聲若響，囝孫仔前途無限量。
「手牽手天長地久，喙對喙萬年富貴。」
例三、古詩詞
楓橋夜泊 張繼
月落烏啼霜滿天，江楓漁火對愁眠，
姑蘇城外寒山寺，夜半鐘聲到客船。
【註】天tian、眠bhiăn、寺sī、船sŭan/siăn
夜雨寄北 李商隱
君問歸期未有期，巴山夜雨漲秋池，
何當共翦西窗燭，卻話巴山夜雨時。
【註】期gĭ、池dĭ、燭(ziōk)、時sĭ
江雪 柳宗元
千山鳥飛絕，萬徑人縱滅，
孤舟簑笠翁，獨釣寒江雪。
【註】絕zuat、滅bhiat、(翁ong)、雪sūat攏是屬於跤(腳)擋手擋的入聲字。
滿江紅 岳飛
怒髮衝冠，憑欄處，瀟瀟雨歇。
抬望眼，仰天長嘯，壯懷激烈。
三十功名塵與土，八千里路雲和月。
莫等閒，白了少年頭，空悲切。
靖康恥，猶未雪；
臣子恨，何時滅？
駕長車，踏破賀蘭山缺。
壯志飢餐胡虜肉？
笑談渴飲匈奴血。
待從頭，收拾舊山河，朝天闕。
【註】
「歇hiāt」、「烈liat」、「月ghuat」、「切ciāt」、
「雪sūat」、「滅bhiat」，「缺kūat」、「肉riok」、
「血」hiāt、「闕kūat」等攏是屬於跤(腳)擋手擋的入聲字。
例四：台灣褒歌
有關台語的文學性，我着用流行佇台灣民間數百年的「褒歌」來簡單證明台語是有文學的。褒歌又被稱呼做「台灣國風」，伊的特色是「七字仔」、「四句聯」、「全鬥句」，哪親像詩經的「十五國風」一般。比如：
半暝月娘
半暝月娘入紗窗，偏偏照我守空房，
關窗將月緊緊送，送去隔壁照別人。
(暝mĕ/mĭ。守ziù/ziu-。)
佮君約佇
佮君約佇甘蔗溝，蔗葉拍結做號頭，
夭壽啥人共阮敨，害阮一人淪一溝。
(佮君gà-gun。拍結pà-gāt。啥人sian-lăng。敨tàu。淪nng。)
門口一欉
門口一欉相思欉，相思病落毋知人；
先生來看講無望，搭心來看好噹噹。
(毋知人m-zāi-lăng。搭心dà-sim。)
阿君卜轉
阿君卜轉阮卜留，留君神魂用紙包。
等君去後提來敨，日日見君佇阮兜。
(卜轉bhe-dǹg。提來敨teh-lāi-tàu。佇阮兜di-ghun-dau。)
一尾好魚
一尾好魚毋食釣，泅到江中尾直搖，
掠汝袂著予汝笑，堅心做網拋甲著。
(毋食釣m-ziah-dior。泅sĭu。掠liah。袂著bhe-diorh。拋甲著pa-gah-diorh)
千里路途
千里路途無嫌遠，見面親像蜜攪糖，
苦毋時鐘行倒轉，好話未講天先光。
（無bhŏr/bhōr-。攪糖giau-tňg。苦毋ko-m-。未講bhe-gòng）
例五、台灣俗語
俗語是一個族群生活經驗的智慧，亦是一個族群的風土民情佮思想信仰的縮影，反映迄(hit-)個族群的個性，透過祖先的「古早話」予咱會當了解本土文化的源頭。台灣的俗語，除了充滿人生智慧佮哲理外，另外配合語言本身的音樂性，使得台灣俗語到處看會著、聽會著「押韻」的旋律，若像一首短短優美的歌詩。
．鴛鴦水鴨，粉鳥斑鴿，冤家相拍。
．目珠(ziu)看粿，跤(ka)踏著火。
．九頓米糕無上算，一頓冷糜抾去囥(kng)。
．人情世事陪甲夠，無鼎佮無灶。
．卜去烏影，毋去吊鼎。
．大工一下指，小工磨半死。
．食糖算頓，食水久長。
．緊紡無好紗，緊嫁無好大家。緊行無好步，緊走無好路。
．不孝新婦三頓燒，有孝查囝路上搖。
．媠花佇別人欉，媠某佇別人房。
．做雞著筅(cìng)，做人著反(bìng)。
．有錢姑半路接(zīh)，無錢姑喙那覕(bhīh)。
．一箸喙裡哺，一箸佇半路，一箸金金顧。
尾聲─收話尾
有人講語言干礁(只有)是一種溝通的工具而已，會通着好。即款的觀點，對家己的母語來講是相當偏差的。因為語言不止是「溝通的工具」，伊嘛是一種「思考的方式」、「感情的交流」、「族群的標記」、「文化的延續」、「尊嚴的維護」，會使講一個語言就是一個「族群的符號」。
附錄：
將進酒ziōng
zìn ziù 李白Li-bik
君不見黃河之水天上來 gun•but gian•hōng hŏr•zī sùi•tiān siong lăi
奔流到海不復回 pūn liŭ•dòr hài•but hiu hăi
君不見高堂明鏡悲白髮 gun•but gian•gōr dŏng•bhīng ging•bī bik hūat
朝如青絲暮成雪 diāu rŭ•cīng si•bho sīng sūat
人生得意須盡歡 rīn sing•dik i•sū zin huan
莫使金樽空對月 bhok sù•gīm zun•kōng dùi ghuat
天生我材必有用 tian•sing•ngo zăi•bit iu iōng
千金散盡還復來 ziān gim•sàn zin•hūan hiu lăi
烹羊宰牛且為樂 pīng iŏng•zai ghiŭ/ngiŭ•ciaⁿ ūi lok
會須一飲三百杯 hue su•it ìm•sām bik bai
岑夫子 丹丘生 ghīm-hū-zù dān-kiū-sing
將進酒 杯莫停 ziōng zìn ziù bue•bok tĭng
與君歌一曲 u(i) gun•gōr it kiōk
請君為我傾耳聽 cing gun•ui ngò•kīng ni ting
鐘鼓饌玉不足貴 ziōng gò•zùan ghiok•but ziok gui
但願長醉不願醒 dan ghuan diōng zui•but ghuan sìng
古來聖賢皆寂寞 go lăi•sìng hiăn•gāi zik bhok
惟有飲者留其名 ī iù•im zià•liū gī bhĭng
陳王昔時宴平樂 dīn ŏng•sik sĭ•iàn bīng lok
斗酒十千恣歡謔 do ziù•sip cian•zù hūan hiōk
主人何為言少錢 zu rĭn•hōr ūi•ghiān siau ziăn
逕須沽取對君酌 gìng su•gō cù•dùi gūn ziōk
五花馬 千金裘 ngo-hūa-mà•ciān-gīm-giŭ
呼兒將出換美酒 hō rĭ•ziōng cūt•huan bhi ziù
與爾同銷萬古愁 u(i)
nì•dōng siau•bhan go ciŭ
秋風辭ciū hōng sŭ 漢武帝Hàn bhu de
秋風起兮白雲飛 ciū hong•kì heo•bik ŭn•hui
草木黃落兮雁南歸 cor bhok•hōng lok heo•ghān•lām gui
蘭有秀兮菊有芳 lăn•iù•siu heo•giōk•iu hong
懷佳人兮不能忘 hūai gāi rĭn heo•but līng bhōng
汎樓船兮濟汾河 hùan lŏ•sŭan heo•zè hūn hŏr
橫中流兮揚素波 hīng diōng liŭ heo•iōng sò por
簫鼓鳴兮發櫂歌 siāu gò•bhĭng heo•huat dau gor
懽樂極兮哀情多 hūan lok•gik heo•āi zĭng•dor
少壯幾時兮奈老何 siàu zong•gi sĭ heo•nai no hŏr
周南-關雎 詩經 gūan-zu sī-ging
關關雎鳩，在河之洲， gūan-guan zū-kiu , zai hŏr zī ziu。
窈窕淑女，君子好逑。 iau tiàu siok-lù，gūn-zù hon giŭ。
參差荇菜，左右流之， cām cu hing-cai ,zo iū liŭ zio，
窈窕淑女，寤寐求之。 iau tiàu siok-lù，gho bhī giŭ zio。
求之不得，寤寐思服， giŭ zio but dīk，gho bhī sū pik (hok)，
悠哉！悠哉！輾轉反側。 iŭ zaio， iŭ zaio， dian zùan huan cīk。
【編著】
台語實用字典(台北：百合，2003)
台語文天地(台南：鼎雅，2002)
母語的田園(台南：鼎雅，2002)
台語歌仔冊(台南：鼎雅，2001)
台灣褒歌 (台南：鼎雅，2001)
唐詩三百首(羅馬字版) (台南：鼎雅，2001)
漢學仔冊選─昔時賢文、千金譜 (台南：鼎雅，2001)
全鬥句的台灣俗語(台南：鼎雅，2001)
台語囡仔歌(台南：鼎雅，2001)
千家詩(羅馬字版) (台南：鼎雅，2000)