課程名稱：台語俗諺、激骨仔話佮四句聯仔
講師：Dang Hōng-Zing 董峰政/國立高雄餐旅學院
網站：www.dang.idv.tw(鯤島台語文園地)
e-mail：dang1109@yahoo.com.tw
手機仔：0936-351-888
■參考資料運用介紹一：台灣俗語
一個族群的語言，最能表現特色的，是它的「俗語」。俗語不但是一個族群生活經驗的智慧，亦是一個族群的風土民情與思想信仰的縮影，反映一個族群的特性。所以對這些流傳久遠的「古早話」，有必要進一步了解，讓這些祖先的智慧繼續傳承下去。
台語諺語(俗諺)：
．指流傳佇社會上，定定予人使用的俗話(言)。
．佇語言發展中自然形成，而且流傳落來固定的「語詞」。
．通俗而且成做定論的語詞。
．包含成語、俗語、俚語、歇後語。(依「福全台諺語」講法)
成語：原本是漢語共用的語詞，通常佮歷史典故相關的語詞。遮的成語有一部份使用佇台語的口頭語。但是成語用佇台語口頭語的時，通常用「文音」來唸讀。譬如：「一步登天」、「一決雌雄」、「見風轉舵」、「怨天尤人」、「進退兩難」、「議論紛紛」、「一目了然」、「狼狽為奸」、「高枕無憂」；「近水樓台」；「守口如瓶」。
俗語：流行佇民間通俗的話語。普遍被眾人使用的固定話句。俗語佮成語上大的無仝是，成語來自古冊、經典。俗語來自民間，來自傳統。俗語原則上是用「白音」來講。譬如：「食無三把蕹菜，著卜上西天(一步登天)」、「一時風，駛一時船(見風轉舵)」、「有一好，無二好(一得一失)」、「袂曉駛船嫌溪隘(怨天尤人)」、「進無步，退無路(進退兩難)」、「三色人講五色話」、「家己栽一欉，卡贏看別人」、「緊紡無好紗，緊嫁無好大家」。「一枝草，一點露」，「目珠看粿，跤踏著火」，「父母疼囝長流水，囝想父母樹尾風」。
俚語(li-gù)：屬於用詞卡無講究抑是卡粗俗的語詞。經常是用單句的方式表現。譬如：「放屁安狗心」，「牽豬哥趁暢」、「人呆看面著知」、「鴨仔咧聽雷」、「夭壽短命」、「路傍屍，跤骨大細肢」、「狗母無搖獅，狗公毋敢來」、「看是卜死豬哥，抑是卜死豬母」、「九喙十尻川」、「袂生牽拖厝邊」、「教豬教狗，不如家己走」、「食緊弄破碗」、「一個童乩，一個桌頭(狼狽為奸)」、「蹺跤撚喙鬚(高枕無憂)」、「序大無好樣，序細討和尚」。
歇後語：台語叫做「激骨仔話」、「孽畜(ghiat-tiok)仔話」認真講起來，伊嘛是屬於廣義的「俗語」。是由「話面」佮「話意」兩部份結合起來。譬如：「烏矸仔貯豆油─無地看」、「乞食揹葫蘆─假仙」、「七月半鴨仔─毋知死話」、「矮人爬厝頂─欠梯」、「虎豹象─欠獅」、「西北雨─直直落」、「缺喙食米粉─看現現」、「釘枋模師父退休─會撟(譙) 撟甲袂撟」、「無夠兩錢─錢幾(鬼)。
俏皮話：台語叫做「心適話」，只要話講出來，予人感覺心適、趣味，甚至哈哈大笑，攏屬於「心適話」。所以「笑話」、「俗語」、「激骨仔話」、「食茶講好話」、「雙關語─倒反(bing)話」攏是。譬如：「迄塊桌的人，攏食無偌久矣」，「小姐，我的手續好勢未。阿婆仔，汝的攏好勢矣。小姐我會當倒轉去，阿婆仔自汝安心倒轉去。」
＊當然即款的分類，毋是絕對的，互相多少有淡薄仔關係，並毋是分甲離離離，譬如「諺語」佮「俚語」的分類著見仁見智，這是愛特別說明的。當然嘛有其他
□、俗語表達的形式佮內涵
(一)表達的形式：
(1) 簡單：空喙薄舌。鴨仔聽雷。
(2) 整齊：基隆雨，滬尾風。台北日，安平湧。
(3) 押韻：圓人會扁，扁人會圓。
(4) 造句奇警：錢銀白，心肝烏。
(5) 相疊：三日水流東，三日水流西。有食藥有行氣，有燒香有保庇。
(6) 對偶：乞食身，皇帝喙。三色人，講五色話。
(7) 比喻：目珠看粿，跤踏著火。
(8) 相反語：好心予雷唚。豬毋大，大對狗去。
(9) 呼應：大紅花毋知bhài，圓仔花bhai毋知。
(10) 順序：七坐、八爬、九發牙。
(11) 類似音：有錢食鮸，無錢免食。人食喙嫷，魚食流水
(二)表達的內涵：
思想性：
．食糖算頓，食水久長。
．目珠看粿，腳踏著火。
教育性：
．也著箠，也著糜。
．細漢毋鬱，大漢鬱袂屈(曲)。
文學性：
．初三四月眉意，十五六月當圓，二三四月暗暝。
．九頓米糕無上算，一頓冷糜抾去囥。
通俗性：
．無名無姓，去問鋤頭柄。
．麵線摻鹽汝也罵，豆簽無摻鹽汝也罵。
．豬食豆箍，人食招呼。
．腹肚若ding，目珠皮著冗。
．五時藥，六時石。
□有關男女、翁某的俗語：
Ø 別人妻，睏袂過五更。(ce-gen)
Ø 狗母無搖獅，狗公毋敢來。(sai-lăi)
Ø 一某無人知，二某相卸代。
Ø 細膩烏貓踏破瓦，細膩查某走過社。(hiā- siā)
Ø 掠姦在床，掠賊在贓。(cňg-zng)
Ø 濟牛踏無糞，濟某無地睏。(bun-kun)
Ø 嫷花佇別人欉，嫷某佇別人房，嫷查某是過路人。(zăng-băng-lăng)
Ø 綴母輕鬆，綴父沈重。(sang-dāng)
Ø 嫷人，無嫷命。
Ø 甘願擔蔥賣菜，毋願佮人公家翁婿。
Ø 甘願擔菜賣蔥，毋願佮人公家翁。
Ø 有人嫁翁傍翁勢，有人嫁翁夯翁枷。(se-gĕ)
Ø 死某換新衫，死翁換飯坩。(san-kan)
Ø 死某踏破磚，死翁無人問。(zng-m¤g)
Ø 翁生某旦，食飽相看。(duan-kuan)
Ø 翁佮某，旗佮鼓。(bhò-gò)
Ø 一個某，較贏三身的天公祖。
Ø 睏破三領蓆，翁的心肝摸袂著。
Ø 食袂著硞硞綴，食了嫌漚貨。(due-hue)
Ø 偷食袂瞞得喙齒，偷婿袂瞞得鄉里。(kì-lì)
Ø 娶(cūa)著歹某，較慘三代無烘爐，四代無茶鈷。(bhò-lŏ-gò)
Ø 娶(cūa)著好某卡好做祖，娶著歹某一世人艱苦。(zò-kò)
Ø 無冤無家，不成夫妻。(ge-ce)
Ø 聽某喙，大富貴；聽某令，較好敬神明。(cui-gui；līng-bhĭng)
Ø 毋通聽某喙，若無會頓胸忺吐大氣。(cui-kui)
Ø 驚某大丈夫，扑某豬狗牛。(hu-ghŭ)
□有關飲食的俗語：
Ø 食飽未？
Ø 食飯皇帝大
Ø 先顧腹肚，才顧佛祖。(dò-zò)
Ø 千苦萬苦，攏是為腹肚。
Ø 趕人生，趕人死，趕人食無情(天)理。(sì-lì)
Ø 食肉，食三層；看戲，看亂彈。 ＊亂彈(lān-tăn)
Ø 一頓久久，兩頓相拄。(gù-dù)
Ø 一箸喙裡哺，一箸佇半路，一箸金金顧。 (bō-lō-go)
Ø 九頓米糕無上算，一頓冷糜抾去囥。(sng-kng)
Ø 也著箠，也著糜。(cŭe-mŭe)
Ø 目珠看粿，跤踏著火。(gùe-hùe)
Ø 在生一粒豆，較贏死了拜豬頭。(däu-tău)
Ø 有食有行氣，有燒香有保庇。(ki-bi)
Ø 囡仔人尻川三斗火，會煮飯，也會炊粿。(hùe-gùe)
Ø 囡仔食甲畏，才有通落公婆喙。(ui-cui)
Ø 作料夠，毋是新婦爻。(gau-ghău)
Ø 查甫卜食望人請，查某卜食望生囝。(ciàn-giàn)
Ø 拚贏雞酒芳，拚輸六片枋。(pang-bang)
Ø 狗肉扶起，無扶倒。
Ø 長工望落雨，乞食望普渡。(hö-dö)
Ø 相佮米，煮較有額。 (san gap bhì,
zù kah ü ghiah.)
Ø 相讓食有伸，相搶食無份。(cun-hūn)
Ø 看人食肉，毋通看人相拍。(bhah-pah)
Ø 若是愛計較，趁早拆爐灶。(gau-zau)
Ø 食人一口，報(還)人一斗。(kàu-dàu)
Ø 食人飯，犯人問。(b¤g-m¤g)
Ø 食卜食好，做卜做輕可。(hòr-kòr)
Ø 食少有滋味，食濟無趣味。(bhī-bhī)
Ø 食兄弟，僥伙計，趁錢袂過後世。(dī-gi-si)
□有關金錢的俗語：(自然調)
Ø
人逐(riok)錢會掠狂，錢逐人會財王。
Ø
人親情，錢性命
Ø 大人煩惱無錢，囡仔歡喜過年。
Ø 欠錢怨債主，不孝怨父母。
Ø
牛sàn著無力，人散(san)著白賊。
Ø 生理錢三十年，流汗錢萬萬年。
Ø
有錢使(sai)鬼會挨磨(ē-bhōr)。
Ø
有錢姑半路接(zih)，無錢姑喙那覕(bhih)。
Ø
有錢食鮸，無錢免食。
Ø
有錢烏龜坐大廳，無錢秀才人也驚。
Ø
有錢講話會大聲，無錢講無人聽。
Ø
虱母若生濟著袂癢，錢若欠人濟著袂想。
Ø 食兄弟，僥伙計，趁錢袂過後世。
Ø 借錢滑溜溜，討錢面憂憂。
袂生毋值錢，卜生性命相交纏。
◆對句的台灣俗語◆
．也卜食，也卜掠。 a/ia
bhe ziah, a/ia bhe liah.
．天無雨，人無步。 tin
bhōr hō, lăng bhōr bō.
．歹歹翁，食袂空。 bhai
bhai ang, ziah bhe kang.
．歹年冬，厚痟人。 pain
nī dang, gau siau lăng
．田無交，水無流。 căn bhōr
gau, zùi bhōr lău .
．全家勤，出金銀。 zūan gē kĭn, cut gīm ghĭn.
．佛重扛，人重妝。 but
diong gng, lăng
diong zng.
．是毋是，罵家己。 si
m sī, me
gā dī.
．媒人喙，糊蛻蛻。 h˜ lāng cui, hō lùi lui.
．食人飯，犯人問。 ziah
lāng b¤g, huan
lāng m¤g.
．食進前，萬世窮。 ziah
zìn zĭng,
bhan sè gĭng.
．喙是風，筆是縱。 cui
si hong, bit si zong.
．喙唸經，手摸奶。 cui
liam ging, ciù bhōng ling(ni).
．無是苦，有是惱。 bhŏr si kò, ū si
lò.
．無錢薰，大喙吞。 bhōr zīn hun, dua cùi
tun.
．進無步，退無路。 zin
bhōr bō, te(tue)
bhōr lō.
．聽某喙，大富貴。 tiān bho cui, dua
hù gui.
．卜去烏影，毋去吊鼎。 bhe ki ō iàn, m ki diàu diàn
．食糖算頓，食水久長。 ziah tňg sǹg dng, ziah zùi gu dňg
．一牽成，二好運，三才情。 īt kān sĭng,rī(lī) hor ūn,
san zāi zĭng
．近廟欺神，路頭遠才有親。 gin(gun)
bhiōr kī sĭn, lo tău h¤g zia u cin
各國俗語比較
英語：Hunger is the best sauce.(餓是最好調味料。)
華語：飢不擇食
台語：凊(cìn)飯，等枵(iāu)人。
英語：Hunger has no law.(飢餓之前沒有法律。)
華語：飢寒起盜心。
台語：枵雞毋畏箠，枵人無惜面體皮。
英語：Haste makes
waste.
華語：欲速則不達
台語：食緊弄破碗。緊紡無好紗，緊嫁無好大家。
英語：Late fruit keeps well.(晚熟的水果發育的比較好)
華語：大器晚成
台語：大隻雞慢啼
英語：There is no place like home. (沒有一個地方像家一樣)
國語：金窩，銀窩，不如自己的狗窩
台語：千富萬富，毋值家己厝。美不美故鄉水，親不親故鄉人
英語：Long absent, soon forgotten.(久疏則必忘)
國語：一曝十寒。
台語：三日無餾，bèh上樹。三日無唸喙頭生，三日無寫手頭硬。
英語：Everybody's business is nobody's business.(眾人之事無人管)
國語：三個和尚沒水喝
台語：公廳無人掃，公親情無人叫食晝。
英語：When the cat's away, the mice will play.(老貓一不在，鼠輩就造反)
國語：閻王不在，小鬼跳梁。
台語：先生無佇館，學生起海反。
□台灣俗語舉例說明(採用本調)
•一人一家代，公媽隨人在(zit
lăng zit ge dāi，gong mà sŭi
lăng cāi/bai。)
：指每個人有各自家內的事情。男姓祖先曰「公」，女姓祖先曰「媽」。指隨各人方式來安放、祭拜祖先靈位之意。
•一人主張，毋值兩人思量(zit lăng zù diun，˜ dat
n¤g lăng su liŭn/niŭ。)
：堅持一個人的想法、見解，往往比不上，多一些人來彼此商量討論，來得有價值、有建設性。
•一日走拋拋，一暝點燈膋(zit rit zàu pa pa，zit mě diàm ding lă。)
：指大白天的時候，到處遊蕩，到了晚上的時候，才挑燈夜戰趕工。
成的。
•一代親，兩代表，三代散了了(it dai cin，rī dai biàu，sān dāi•suan liàu liàu。)
：第一代是骨肉至親的兄弟姐妹，第二代囝孫彼此以姑表、姨表來相互稱呼。到了第三代分別散居各地，佇路裡拄著煞變無熟似。
•一句問一句還，無問較清閒(zit gu m¤g，zit gu
hĭng，bhŏr m¤g kah
cing ĭng。)
：有人主動詢問問題，或請求協助時，再適時予以回應或的幫忙。別人沒表示任何的要求時，自己則保持緘默，樂得清閒。
•一年新婦，二年話拄，三年師傅(zit nĭ sin bū，n¤g nĭ ūe dù，san nĭ sai hū。)
：第一年新進家門的婦女，即俗稱「小媳婦」。第二年熟悉環境後，便開始有自己的想法，偶爾會有頂撞的話發生。第三年指時間一久後，狀況完全掌控，就像某種技藝，經三年四個月後就「出師」了。
．人情世事陪甲夠，無鼎佮無灶(rĭn-zĭng se-sū bŭe gah gau，bhŏr diàn gah bhŏr
zau。)
：指人情世故應酬面面俱到。家中廚房鍋鼎不見食物、菜色，指挨餓過日。
．入門看人意，出門看山勢(rip mňg kuan lăng i，cut mňg kuan
suan si。)
：進門之後先觀察對方的心意、想法。離家出門時先掌握路途的情況。
．十二月工，無閒梳頭鬃(zap rī ghueh gang，bhŏr ĭng se tău zang。)
：到了十二月年底時，農事、節慶的工作都要忙著。忙到沒時間打理自己。甚至沒空梳頭髮打扮。
．十囝十新婦，伸一個老寡婦(zap giàn zap sin bū，cun zit ě lāu gùan hū。)
：原本熱鬧的家庭，十個小孩長大後，分別娶了媳婦。在各自獨立門戶後，結果只剩一個孤零零的老人。
．卜去烏影，毋去吊鼎(bheh ki o iàn，˜ ki diau diàn。)
：想到外頭打拚，可是卻遇到壞天氣。為了安全暫不出門，家中卻有斷米之炊之虞。
．卜好三年，卜敗做一時(bheh hòr san nĭ，bheh pàin (bāi) zor zit sĭ。)
：要成家立業，造就一番格局，要花三年以上的時間。要毀家、敗業，只要短時間即可達成。
．卜食好魚，著近海墘(bheh ziah hòr hĭ，diorh gīn zùi gĭn。)
：想吃鮮美肥大的魚(海產)。就要前往靠近海邊的地方。
．三人共一心，烏塗變成金(san lăng gāng zit sim，o tŏ bian sĭng gim。)
：眾人在一起，同心協力。即使無價值的黑泥土(媒炭)，也可以開發成有用的資源。即「眾志成城」。
．三十往後，才知天峘地厚(san zap òng āu，ziah zai tin gŭan dē gāu。)
：過了三十歲以後。所謂「三十而立」。才知道天高地厚。懂得人情世故。
．三日無唸喙頭生，三日無寫手頭硬(san rit bhŏr liām cui tău cen，san rit bhŏr sià ciù tău
ghēn/ngē。)
：學習語言，三天不複習的話，就會覺得發音生疏。學習寫字，一段時間不練習的話，就會覺得運筆不順。
．三年一閏，好歹照輪(san nĭ zit lūn，hòr pàin ziau lŭn。)
：農曆每三年之中，就會有一年閏月的設計，如此一來，便可把三年來不足的天數一次補足。閏月照輪流，人的機運好壞，也會跟著改變。總之不是一成不變的。
．也著箠，也著糜(iā diorh cŭe，iā diorh mŭe。)
：管教小孩需要適度的體罰。提供糜飯養育長大。即悉心照料，愛的教育。
．千富萬富，毋值家己厝(cian bu bhān bu，˜ dat ga
gī cu。)
：在外頭即使有再大的成就，擁有萬貫家財。也不比上有根、有親情的家。金窩銀窩，比不上自己的狗窩。
．千算萬算，毋值天一向(cian sng bhān sng，˜ dat
tin zit ng。)
：精打細算，用盡心機想佔盡所有便宜。結果人算不如天算，比不過老天爺的安排。一切的算計終告白費。
■參考資料介紹運用(二)─激骨仔話
「激骨仔話」有人稱做「孽譎仔話(ghiat-kiat-a-ūe)」、「孽畜仔話(ghiat-tiok-a-ūe)」，北京話叫做「歇後語」。激骨仔話是將真正要講的話故意藏起來，不明講，講者往往只講出前一部份，讓聽的人跟話尾，去想真正的話意。當想著的時，常會哈哈大笑。
．八仙過海 ─隨人變通
．十全欠兩味 ─八珍
．乞食做祀 ─無半撇(piat)(無半盤)
．乞食揹(pain)葫蘆 ─假仙
．大兄坐無正 ─歪哥
．摜籃仔假燒金 討契兄/假仙
．一空掠雙隻 ─好康(空)
．一盤魚脯仔 ─全全頭
．火燒甘蔗園 ─無笚(無合)
．火燒罟寮 ─無網(無望)
．火燒墓仔埔 ─薰鬼
．北港廟壁 ─畫仙(話仙)
．台南迎媽祖 ─無奇(旗)不有
．甘蔗規枝囓(ke) ─無斬節(無站節)
．耳空塞破布 ─假無聽
．西北雨 ─大落
．囡仔人食甘蔗 ─食少吐濟
．和尚划船 ─無髮渡(無法度)
．狗吠火車 ─無路用
．金仔山查某 ─礦區女(控固力)
．阿公仔娶某 ─加婆(家婆)
■參考資料介紹運用(三)─謎猜
「謎猜」是用來影射事情、東西、動物、植物、人抑是文字等，讓人猜的暗語遊戲。
「謎猜」的題目叫做「謎面」，謎猜的答案叫做「謎底」。台灣話的謎猜，除了考驗一個人機巧、詼諧以外，它往往帶有教育兒童的作用。尤其是謎面往往講究「押韻、鬥句」的特色，所以容易默唸、好記。
【謎猜舉例】
．一支矸仔，貯兩粒烏棗，日時開，暝時鎖。→臆身體部位(目珠)
．一枝竹仔直溜溜，有鼻仔無目珠。─針。
．一坵田鬆鬆鬆，幾蕊花紅紅紅。─香爐
．一個老歲(伙)仔，老哀哀，厝前厝後補米篩，胡蠅、蠓仔毋敢來。(蜘蛛)
．一群鴨仔白蒼蒼，二枝竹篙趕入空。─食飯
．一欉樹仔，兩片葉，斡(uat8)來斡去看袂著。→臆身體部位─耳仔
．九個人，十粒頭殼。─基隆
．九橫六直，孔子公想三日。─晶
．二姊妹仔，平峘平大，一個佇內，一個佇外。→臆日常用品一種。(鏡)
．二個賣蚵仔蹛隔壁，二個大姐頭仔喝卜掠。─擤鼻
．八個人扛一面鼓，二個舉竹篙叉佮塗冤家。─蟳仔
．大姊頕垂，二姊粗皮，三姊無骨，四姊無皮。─檨仔、荔枝、芎蕉、蓮霧
．山頂一區秧，無雨無水家己長。─頭毛
．半天起一間廳，起甲無「鑿仔」聲。─鳥仔岫
．四角二面；六齒(起)七面(拿起擦面)─面巾
．我的手攬汝的腰；汝的尻川，放予火燒。─食薰
．青布包白布，白布包柴梳，柴梳包蝦米，蝦米包酸醋。─柚仔
■參考資料介紹運用(四)─盤喙錦
「盤錦喙」華語稱「繞口令」(tongue-twister)，是一種語言的技巧，用聲、韻、調較容易混雜一起的字句，編做一句話，或是編做一段歌詞，要求講和讀的人，一口氣快速唸出來。因為內容字句相當類似，所以若快速唸出來、較會發生錯誤，所以有人將盤喙錦稱做「箍喙舌」，取押韻音律的特色。
【盤喙錦舉例】
基隆加人
一個查甫去基隆賣雞籠
一個查某去基隆賣假人
賣雞籠个佇基隆拄著賣假人个
賣假人个佇基隆卜嫁人
嫁一個翁加一個人
生一個囝加一個人
起跤走
(董峰政)
一個囡仔佇咧吼，雄雄看著一隻狗， (吼hàu)
囡仔起跤走，煞跋倒兼捙畚斗， (跋buah；捙cia)
阿娘外口糴米一斗，轉來卜煮晝， (糴diah；dau)
囡一面哭一面吼，無愛食中晝。
怹娘竹仔枝一下到，囡仔起跤走 (跤ka)
一時心情亂糟糟，勿擱吵，勿擱拗， (吵cà；拗àu)
趕緊轉去恁兜。 (兜dau)
■台灣吉祥話─四句聯仔
踏話頭─
「四句聯仔─講好話」使用的時機是，過年過節、訂婚、迎親、食喜酒、食新娘茶等喜慶宴會、嬰仔度晬、新居落成─入厝等，用來表達著祝福、祈求、感謝、心適，甚至創治的話句，用來製造鬧熱的氣氛。
「講好話」的形式，較完整的形式是一段四句，每一句七字，所以有「七字仔」的講法。嘛有一句五字、一句四字的四句聯仔，有時仔嘛一寡兩句的對聯，予人看做簡化的四句聯仔，毋管任何一種方式，攏講究押韻鬥句。比如：
一、一句七字：
新娘車門扑開開，金銀財寶歸大堆。新娘囝婿行出來，生囝生孫中秀才。
二、一句五字：
一銅佮一金，翁某會仝心。翁某若仝心，烏土變黃金。
三、一句四字：
今夜洞房，燈燭輝煌，好話盡講，女貌才郎。
四、簡體─對聯
新娘聊聊仔行，明年緊做阿娘。
新娘行入厝，家財年年富。
雖然內容有時無古體詩的含蓄，但是四句聯的內容往往佮生活相結合，表現了「心適」、「祝福」、「感謝」、「吉利」甚至「創治」等的特色、尤其是以四句為範圍、每一句字數擱平濟，若像一首七絕仔、五絕仔、四言古詩的詩作，另外擱是「全鬥句」(押韻)，所以嘛那像一首歌，聽起來入耳，予人歡喜。四句聯佇喜慶等鬧熱場所，大聲唸出來，若像珍珠串連，一方面表現講者的口才佮變巧 ，一方面講吉利好聽話，予聽的人感覺心適紲拍，舖排著鬧熱的氣氛，表現了人佮人之間的和諧、友誼。
一、四句聯舉例：
•食喜酒四句聯
兩姓合婚結親情，萬年富貴真好命，新郎新娘搰力拚，早日生著總統囝。
新郎緣投有智慧，新娘可愛又古錐，今暗兩人搡作堆，明年生著李登輝。
新郎體格那虎生，新娘面肉幼棉棉，今暗兩人愛反變，明年生著陳水扁。
新郎勇壯那像牛，新娘才調爻詩詞，今暗兩人勿躊躇，明年生著宋楚瑜。
新郎心適愛拉天，新娘古錐通人見，今暗兩人搰力輾，明年生一個連戰。
新郎新娘真登對，予人看著心花開，今暗燒酒啉乎醉，通好房間做爽快。
新娘可愛真古錐，永永遠遠伴相隨，新郎學問規大堆，將來發達兼富貴。
新娘媠甲那仙女，新郎暢甲笑瞇瞇，今暗兩人結連理，從此過著好日子。
新郎腹內好將才，新娘今日上大牌，感謝月老爻安排，起造幸福大舞台。
新郎看著真古意，新娘體貼捌道理，從此兩人相扶持，大家大官上歡喜。
媠花開佇家己欉，嫷某睏佇家己房，毋免欣羨過路人，翁某相好上好康。
二、食茶、食喜酒講好話
講好話
逐家好，生活無煩惱，名聲通全島，四界受人呵咾。
逐家爻早，好睏無人吵，早頓食飽飽，人人真乖巧。
行到厝大埕，予恁一家有出名。 (埕diăn、恁lìn)
行到厝大廳，予恁一家好名聲。 (予hō)
大門開開開，予恁錢銀規大堆。 (規gui)
茶杯圓圓圓，予恁富貴萬萬年。
茶杯深深深，予恁翁某會仝心。 (仝găng/gāng)
茶杯捧正正，予恁會得眾人疼。 (眾zing/ziong)
茶杯捧懸懸，予恁囝孫中狀元。 (懸/峘gŭan；囝giàn)
茶杯捧下下，予恁趁錢無地下。 (下gē；下hē)
茶杯捧過來，予恁逐家大發財。 (逐家dak-ge)
茶杯捧過去，予恁逐家有福氣。 (捧păng)
茶米啉落喉，予恁逐家會出頭。 (啉lim)
茶米啉一喙，予恁榮華兼富貴。 (喙cui)
逐家愛用菜，新娘嫁著好翁婿。
逐家愛啉酒，新郎娶著好牽手。 (娶cūa)
燒酒啉一杯，名利財富褿開花。 (褿ziău)
酒菜大喙吞，予小姐嫁好郎君。
燒酒真正芳，予小姐嫁才情翁。 (爻ghău)
燒酒逐家愛，予汝娶著好太太。
燒酒啉乎噍，予恁財富年年加。 (噍da)
逐家食乎飽，囝孫個個攏乖巧。 (攏lòng)
一銅佮一金，翁某會仝心。 (佮gāh)
翁某若仝心，烏土變黃金。
炮聲若霆，囝孫仔起厝佮蓄田。 (蓄hāk)
炮聲若響，囝孫仔前途無限量。
今日轎門雙爿開，金銀財寶規大堆。
新娘囝婿入房內，生囝生孫進秀才。
新郎手牽予好，新娘早做老母。
新娘聊聊仔行，明年緊做阿娘。
手牽手天長地久，喙拄喙萬年富貴。
茶盤金金，茶甌深深，新郎新娘愛相唚，即杯甜茶我才啉。
眠床四角，蠓罩空殼，新娘睏袒笑，新郎睏袒扒(pāk)。
今日好日子，兩家結連理。今年先開花，明年才結子。
門當擱戶對，榮華兼富貴。今暗心花開，趕緊送做堆。
逐家緊起行，予怹去輸贏，著愛較扑拚，連鞭做阿娘。
三、台灣褒歌四句聯
〔初戀〕
阮厝踮佇娘庴後，不時看娘咧探頭，情意總有九分九，路邊相撞頭勾勾。
佮君約佇甘蔗溝，蔗葉扑結做號頭，夭壽啥人共阮敨，害阮一人淪一溝。
〔失戀〕
門口一欉相思欉，相思病落毋知人，先生來看講無望，搭心來看好噹噹。
房間無伴暗沈沈，親像山內聽鳥音，倒落眠床目金金，心肝宛然彈月琴。
〔綿爛〕
燈火無油捷捷趒，跤尾無人睏袂燒，來到娘兜予娘笑，無錢用計想甲著。
一尾好魚毋食釣，走入江中尾直搖，掠汝袂著予汝笑，堅心做網拋甲著。
〔約會〕
李仔卜食粒粒酸，枋橋對面是新莊，娘仔生做跡幼軟，喙邊來唚較甜糖。
千里路途無嫌遠，見面親像蜜攪糖，苦毋時鐘行倒轉，好話未講天先光。
〔祝福〕
阿君卜轉阮卜留，留君神魂用紙包，等君去後提來敨，日日見君佇阮兜。
人講春寒秋後熱，算來無久著會煞，君來做田娘做岸，較贏富貴做大官。
〔相好〕
玉蘭開花芳透天，挽入房間芳歸暝，將花提入蠓罩裡，半暝芳到枕頭邊。
梅仔好食酸勿勿，楊桃好食交懍恂，若無佮哥共床睏，因何褲帶短三寸。
四、台灣民謠四句聯
五更鼓調
一更更鼓月照山，牽君的手摸心肝，阿君問娘卜按怎，隨在阿君的心肝。
二更更鼓月照埕，牽君的手入大廳，雙人相好天註定，別人言語毋通聽。
三更更鼓月照窗，牽君的手入繡房，甲君相好有所望，叫君僥娘先毋通。
四更更鼓月照門，牽君的手入繡床，雙人相好月所向，卡好滾水泡冰糖。
五更更鼓天卜光，恁厝父母叫食飯，想卜開門叫君轉，手岸門閂心頭酸。
雙
雁 影
秋風吹來落葉聲，單身賞月出大埕，看見倒轉雙雁影，傷人卜吼驚人聽。
鴻雁哪會跡自由，雙雙迎春又送秋，因何人生袂親像，秋天若來阮憂愁。
秋天月夜怨單身，歸暝思君袂安眠，恨君到今袂見面，毋知為著啥原因。
桃花泣血記 詹天馬詞 王雪峰曲
人生親像桃花枝，有時開花有時死，花有春天再開期，人若死去無活時。
戀愛無分階級性，第一要緊是真情，琳姑出世歹環境，親像桃花赫薄命。
德恩無想是富戶，專心實意愛琳姑，免驚日後來相誤，我是男子無糊塗。
琳姑本正也愛伊，信用德恩無懷疑，每日作陣真歡喜，望卜作伊的妻兒。
禮教束縛非現代，最好自由的世界，德恩老母無理解，雖然有錢也真害。
紅顏自本多薄命，拆散兩人的真情，運命作孽真僥倖，失意斷送過一生。
心 酸 酸
我君離開千里遠，放阮孤單守家門。袂食袂睏跤手軟，暝日思君心酸酸。
無疑一去無倒轉，辜負青春暝日長。連寫批信煞來斷，予阮等無心酸酸。
一時變心袂按算，秋風慘淡草木黃。風冷情冷是無盼，光景引阮心酸酸。
五、創作四句聯
蓮花世界
拆合時分來起床，扑開歡喜心內門，來到六甲蓮花園，蓮花賞盡日頭長。
蓮花品種百百款，紫玉觀音在汝選，花欉露水隨風轉，愛蓮的人心意滿。
大賀蓮花上大範，紫玉蓮花有卡讚，芳水蓮花插花瓶，觀音蓮花在人間。
大千世界蓮花情，無限乾坤送光明，一片淨土在眼前，愛花賞花淨心靈。
父母恩
十月懷胎囝兒生，心頭歡喜抱紅嬰。阿母惜惜到三更，毋甘細囝半暝哼。
阿爸奔波到暗暝，為著厝內三頓鮮。嬰仔笑聲心頭甜，一切辛苦囥一邊。
用心計較有所爭，望卜子女出頭天。勞碌走闖生活纏，親情感人若詩篇。
父母恩情卡大天，序細有孝卡好錢。向望歲壽逐日添，平安快樂食百年。
若蘭山莊記事
已卯年頭正月正，同齊做伙七八名，駛向山中一直行，有人暈車叫阿娘。
兩位中年的男子，六位資深的美女，一心卜向山中去，高速公路走過區。
拋了妻子走遠地，個個親像菅芒花，隨風飄散四界飛，為著卜講咱的話。
感冒嗽聲誠煩惱，眠床無伴睏袂燒，喀嗽無睏半撐倒，神威發功攏總好。
名主持人好舖排，晚會兩場足精彩，觀賞母語頭一擺，鄉親感動流目屎。
正月新春好頭采，青山綠水好所在，心頭歡喜擱再來，合唱歌詩人人愛。
想厝的心情
永遠恬靜的故鄉，不時出現佇夢中，想起祖厝的意象，喚醒轉去的方向。
褒歌吟唱
褒歌吟唱綿綿綿，四句聯仔甜甜甜，故鄉的月圓圓圓，阿娘的話鮮鮮鮮。
【編著】
台語實用字典(台北市：百合，2003)
台語文天地(台北市：百合，2002)
母語的田園(台北市：百合，2002)
台語歌仔冊(台北市：百合，2001)
台灣褒歌(羅馬字版) (台北市：百合，2001)
唐詩三百首(羅馬字版) (台北市：百合，2001)
漢學仔冊選─昔時賢文、千金譜(羅馬字版) (台北市：百合，2001)
母語的稻穗─學員寫作集(台北市：百合，2002)
全鬥句的台灣俗語(台北市：百合，2001)
台語文寫作集(台北市：百合，2000)
台語囡仔歌(台北市：百合，2001)
千家詩(羅馬字版) (台北市：百合，2000)
華台語對照典(台北市：百合，2002)