讀冊真趣味(修訂稿)

劉月華/dang hōng-zing 09/23/2003

我是快樂的學生,學校上課好環境,

認真讀冊學本領,成績穩當第一等。

(調取狀元樓/鐵獅玉玲瓏)

      各位評審先生、各位同學,逐家好:

我是第____號,今仔日,我所卜演講的題目是「讀冊真趣味」

「爻(ghāu)早!」逐早起(zai),我著參矢忠(si-diong)兼換帖的好朋友─阿榮仔,做伙去學校讀冊,逐個老師若像變魔術e,攏有法度變出真濟奇巧的撇祭來教阮,予阮聽甲戇戇戇。國語課內底,有真濟人對生活的感想,連迄號文字嘛是生活中的動物、植物(sit-bhut)、物件等所變出來的形狀。誠有意義喔∼數字的變化,著是卜解決咱生活中出出入入的問題,很好傸。轉來厝嘛會當共(ga)隔壁阿伯鬥記數(siau);上社會課共阮講地理,祖先的文化,外國人的民俗,予阮聽甲耳仔趴趴趴。那自然課擱卡心適,日頭、月娘的變化,生物的演進,逐項攏赫爾(hia-ni)奧妙,作實驗是阮逐家上期待的一號節課!另外擱有美勞課,共感動的情景,卜畫卜作攏可以,逐家卜看做伙來。

學美國人說英語嘛袂bhài,參同學去運場硞硞傱,傸甲規身軀重汗,規個人攏輕鬆起來。若講著學母語實在有夠好,因為參阿公、阿媽溝通無煩惱,逐遍阿公、阿媽攏共我呵咾,講我誠(ziān)(bhat)代誌。汝講!按爾(an-ni)讀冊有真趣味抑無!若(na)遇著考試參好朋友做伙讀冊,佮同學拚峘下(gūan gē),這是偌爾仔(lŭa ni-a)刺激咧!莫怪赫(hia)濟人攏赫爾仔愛讀冊。

親情朋友當中,阮阿姨學歷上峘,讀上蓋濟冊,即碼嘛猶原逐工咧讀冊。伊講:「巧e出喙,戇e出手」,冊若讀愈濟,想法著曠闊,做代誌會卡順手。阿爸佮阿母定定利用歇睏日去進修,怹講:「窟仔水,捷滸(ho)也會焦(da)。」俗語講「食到老,學到老」,按爾腦筋卡袂鈍。又擱講:「台頂三分工,台跤十年功」上課演講的內容攏是人智慧的結晶。啊,若我咧(le),功課做煞(),上愛看故事冊,毋管是保護三藏取經─著猴(孫悟空);抑是替岳飛出氣,糋(zìn)油食粿的忠心硬氣,陪海倫凱勒度過烏暗的日子,甚至自然研究的代誌,我攏真合意(gà-i)、合軀(hah-su)!尤其即碼的人讀冊愈來愈幸福,因為冊的形態愈來愈濟。音樂、影帶、DVD、網路等有聲有影的冊,擱卡趣味。

凍控制的。第三,風水師的功夫嘛三不等,咱會凍作主的就是積德和讀冊,積德有時有陣,讀冊就很自由,只要咱去做,讀冊沒人給阮限制。算命仙仔也說:「運隨相改,相隨心生。」「心」就是腦智的開竅,也就是讀冊體悟的力量。

阿母講:「嫁著讀冊翁,三日無食也輕鬆」因為讀冊真趣味,讀冊人的腦筋爻反(bing)變。環境若順利知發展,環境困難會曉想辦法。讀冊,予咱參朋友開講、討論的時有主題、有根據。上重要的是讀冊所得著的知識,會當培養家己的本領,認識人生,適應環境,掌握自己的人生,這才是讀冊真正的趣味啦!

我的演講講到遮,感謝逐家。


 讀冊真趣味(原稿)

劉月華

      歡喜鬥陣來讀冊,互相研究真趣味,你我成長看得到,生活、心情攏舒適。

      各位評審先生、各位同學,大家好。

我是第____號,今仔日,我所要演講的題目是「讀冊真趣味」

「爻早!」逐早起,我就和我死忠兼換帖的好朋友---阿榮仔做伙去讀冊,逐個老師若像魔術師,總有辦法變出真多奇妙的代誌來交阮,呼阮聽甲憨憨憨。國語課裡底,有很多人對生活的感想,連那文字嘛是生活中的動物、植物、物件、代誌所變出來的形狀。很有意義喔∼數字的變化,就是要解決咱生活中出出入入的問題,很好玩。回來厝嘛會凍幫隔壁阿伯逗記帳;社會課給阮說地理,祖先的文化,外國人的民俗,乎阮聽甲耳仔趴趴。那自然課上心適,日頭、月娘的變化,生物的演進,逐項都那麼奧妙,作實驗室阮大家上期待的啦!擱有美勞課,把感動的情景,要畫要作攏可以,大家要看做伙來。

學外國人說英語也不錯,和同學在操場叩叩(ㄗㄨㄥˇ),完甲歸身軀大汗,規個人籠輕鬆。有時,老師嘛教阮鄉土語言,給阮和阿公阿媽講正有話,阿公阿媽正歡喜,我嘛跟個識正多代誌。你說,讀冊敢是真趣味呢!那遇到考試,和好朋友做伙讀冊,和同學拼高低,那有夠刺激呢!莫怪那多人攏那麼愛讀冊。

彼一工,阿媽一畫一畫在寫字,很認真的模樣,使人真感動。從她識字了後,不但會曉唱KTV、水單、電單攏看有。摻一群人做伙學習,連朋友也多好幾個;阿姨上爻找資料,從法國留學返來,在大學教冊,逐工嘛看很多冊。他說:「精得出嘴,憨的出手」冊那讀卡多,思考則卡寬闊,做代誌會卡順手。阿爸和阿母常常利用休睏時仔去進修,咽說:「窟仔水,捷戽也會乾。」人愛常常學習腦筋卡袂鈍。又擱說:「台上三分工,台下十年功」上課演講的內容都是人智慧的菁華。每一個人的生活經驗是一世人、一個人生。截訴別人的經驗,你就有很豐富的人生。阿那我呢,功課做完,就愛看課外冊,不管是和孫悟空鬥陣去取經,騙得芭蕉扇,通過火燄山的神奇經驗,或是替岳飛出氣,炸油吃粿的中心硬氣,陪海倫凱勒度過黑暗的日子,甚至自然研究的代誌,我攏真佮意!時代的進步,冊的形體越來越多。音樂、影帶、DVD、網路,這些有聲有影的冊,擱卡趣味。

「觀今宜鑑古,沒古不成今,酒逢知己飲,詩向人吟。」

讀冊,不但是和朋友討論,研究有趣味。重要的是會凍參考古早、現代的,本土、外國的寶貴經驗。來計畫自己的未來,掌握自己的人生。阮老師常常說:「一命、二運、三風水、四積德、五讀書」這裡面「落土時、八字命」並不是咱會凍控制的。第三,風水師的功夫嘛三不等,咱會凍作主的就是積德和讀冊,積德有時有陣,讀冊就很自由,只要咱去做,讀冊沒人給阮限制。算命仙仔也說:「運隨相改,相隨心生。」「心」就是腦智的開竅,也就是讀冊體悟的力量。

阿母說:「嫁著讀冊翁,三日無食也輕鬆」因為讀冊真趣味,讀冊人的腦筋爻翻變。環境順利則知發展,環境困難就想辦法。才勿會去怨嘆:「花別人欉,某別人房,查某囝仔攏是過路人。」咱就要讀卡多冊,瞭解自己的本領,認識人生,才能適應環境,創造命運,掌握自己的人生,這就是讀冊真正的趣味啦!

我的演講到此,感謝大家。