厝驚無穩，人驚忘本(修訂稿)

林佩妤/dang hong-zing 2003.10.10

俗語講：「樹頭若徛乎在，毋驚樹尾做風颱」，樹頭着親像人的根本，咱根本若是顧乎在，毋管啥乜大風嘛吹汝袂倒？啥乜海湧拍汝袂倒？若按爾，咱人的根本佇佗位咧？每一個人講法攏無仝，運動選手認為伊的根本是體力、老師是愛心、宗教家是信仰(sìn-ghiòng)、作家是靈感、病人是健康、企業家認為是人才…，遮的(zia ē )想法，攏是因為工作、抑是生活的需要，所以逐家想法攏無仝，但是我認為，咱身為一個人，絕對袂(bhe)使共三項根本忘袂記。

第一個「本」是健康：。身體若好，人生是彩色的！身體若bhài，人生着(dorh)規組害了了矣！愛知影，健康是一切的基礎，有勇健的身體，才有嫷噹噹的人生。身體若有病的人，攏感受著，食毋知味，徛嘛不是，坐嘛不是，睏擱睏袂去，若按爾，規個人精神着無好，擱講啥乜偉大的事業咧！除了身體會有毛病，另外咱的心理嘛會出毛病，最近足濟人得着「鬱卒病」，磕袂着(kap bhe diorh)就卜自殺，想看覓咧！對(ùi-)十三樓跳落來，無死嘛半條命，擱有啥乜未來咧？所以講，咱着愛定定(diaⁿ-)注意家己的身體，早睏早起，加食一寡青菜，有閒的時着愛四界行行、走走咧，毋通等到開刀，做一世人的藥罐仔才來後悔。

我足歡喜大部分的人攏有健康的身體，毋擱着是因為逐家攏足健康，咱定定會疏忽(sō-hut-)家己的身體，希望逐家毋通袂記，健康是人一切的根本，着親像大厝的地基，拍有深，厝才起會峘(gŭan)。身體若勇健，人生的道路才行會長、行會久。

第二個「本」是能力：佇即個景氣bhài的時，足濟人攏咧喝(hùa)揣無頭路，但是嘛有人講：「毋驚景氣bhài，只驚毋爭(zēⁿ)一口氣」，景氣擱卡按怎bhài，嘛是有人咧食頭路；景氣擱按怎好，嘛是有人揣無頭路。所以講，逐家愛為將來培養專長、能力，趁即碼手會動、跤會走、頭殼亦無生鉎的時陣，多學一寡件，顧好咱的根本。

一個人只要有才調，着毋驚揣無頭路，嘛會當對社會盡淡薄仔心力。上驚的是，現代人毋肯食苦培養專長，充實能力。通常攏是學到一半着放棄，所謂「頭仔興興，尾仔冷冷」，若無着是看一項學一項，啥乜攏捌一屑(sut)仔，但是攏無學著真本事，所謂「十路全(zňg)，透底軟」，所以每一個人攏愛顧好家己的根本─專業。

第三個「本」是環保：逐家一定感覺真奇怪，環保是按怎是人的根本咧？免懷疑，環保一直是咱做人的根本。俗語講：「食果子，拜樹頭；啉泉水，思源頭」。咱生活的一切，拜天所賜(su)，咱食人一口，着愛還人一斗，大自然(dai zu riăn) 着着親像咱的父母，予咱食、予咱穿，結果咱是用啥乜方式來報答環境，是用疼心佮愛心？抑是用糟躂、討債，相信逐家心內有數！

做好環保，愛護環境，是做人應盡(zin)的本份，是飲水思源的表現，嘛是為著家己佮後代囝孫來設想。想看覓，咱若活佇糞圾堆，出門着愛穿規軀(su)的防毒衫，生活擱有啥意義？

即碼開始動手做環保，絕對袂傷(siūⁿ)慢，上煩惱的是，袂記得迹好的環境，一直是咱生存的基本條件，到時若破害了了，卜哭着無目屎囉！

有健康的身體，逐工心情快活；有相當的能力，是揣頭路上好的保證；做好環保，愛惜環境，是為囝囝孫孫鋪一條光明的道路。所以健康、能力、環保，是我認為做人上重要三個根本。我的演講到遮結束，多謝逐家。

厝驚無穩，人驚忘本(原稿)

林佩妤93.10.8

俗語講：「樹頭若顧乎在，底毋驚樹尾做風颱」，樹頭底親像底親像人e根本，咱根本若是顧手在，啥乜大風吹恁會倒倒？啥乜海湧打恁會倒？那安爾，咱人e根本佇叼位咧？逐e人講法攏無仝，運動選手認為伊e根本是體力、教師是愛心、宗教家是信仰(請幫忙標音標，我不太會唸這兩個字，謝謝！)、作家是靈感、病人是健康、企業家認為是人才……，這些想法，攏是因為工作e亦是生活e需要，所以逐家想法攏全無仝，但是我認為，咱身為一個人，絕對抹使把三項根本忘抹記。

第一本，健康。身體若好，人生是彩色e！身體若bhai，人生就規組組害了了啊！愛知道，健康是一切e基礎，有勇健e身體，才有水噹噹e人生。身饇若是破過病的人佇知影！吃不知味，站抹不是，坐抹不是，睡佫睡抹去，那安爾，規e人精神就無好，佫講啥乜偉大事業咧！除了身軀會破病，咱的心抹會破病，最近足濟人得了鬱卒病，動毋動就抹自殺，想看覓e！從十三樓跳落來，沒死抹半條命，佫有什麼未來咧？所以講，咱底愛陣陣注意咱的身體，早睏早起，多起青菜，有閒底愛爬起來走走動動e，毋通等到愛開刀，做一世人的藥罐仔才來後悔。

我足歡喜大部分的人攏有健康的身體，不佫就是因為逐家攏足健康，咱陣陣會無去注意咱的身體，希望逐家毋通抹記，健康是人一切的根本，就親像大厝的地基，打有深，厝才會起了懸。身體若健健，人生才會走了久久長長。

第二本，能力。佇即e景氣bhai時，足濟人攏底喊找無頭路，但是抹有人講：「毋驚經濟無景氣，只驚無爭(請幫忙標音標，我不太會唸這個字，謝謝！)一口氣」，景氣佫安怎bhai，抹是有人找有頭路；景氣佫安怎好，抹是有人找無頭路。所以講，逐家愛為底逐家己e將來培養才調、能力，趁咱即碼手佫會動、跤佫會走、頭殼佫亦無生鉎(生鏽)的時陣，多學一寡東西(怎麼翻成台語啊？)，顧好咱的根本。

培養自身e才華，亦是身為一个人e根本，只要咱有才調，毋驚找無頭路，社會永遠需要咱。尚驚的是，現代足濟人，不肯學正港的功夫，要不然(怎麼翻成台語啊？)就是學到一半就抹放棄，那亦要學，即抹會摸一點啊！愈學愈遠，愈走愈偏，到時攏知頭毋知尾，啥乜攏知道，但是啥乜攏無會。希望逐家會使顧好咱本身的專業，顧好咱e根本，增加咱e本錢。

第三本，環保。逐家一定感覺真奇怪，環保是安怎是人e根本咧？免懷疑，環保一直是咱做人e根本。迄早的人說：「食果子，拜樹頭；喝泉水，思源頭」。咱生活的一切，拜天所賜(請幫忙標音標，我不太會唸這個字，謝謝！)，咱食人一口，就愛還人一斗，大自然(請幫忙標音標，我不太會唸這個字，謝謝！)底親像咱e父母，賜咱吃、賜咱穿，結果咱用啥乜來報答環境，是十分的愛護佮疼惜？亦是十分e糟踏，相信逐家心裡攏有答案。

做好環保，愛護環境，是咱做人應盡(請幫忙標音標，我不太會唸這個字，謝謝！)e本份，是飲水思源的表現，抹是為著咱家己佮後代子孫來設想。想看覓，咱若活底垃圾堆，出門底愛穿規su(整套)的防毒衫，生活擱有啥意義，鬱卒抹鬱卒死。

即碼開始動手做環保，絕對無嫌慢，尚驚的是，咱來忘記即好e環境，一直是咱生存e條件，到時若破害了了，抹救就救無轉來啊！

即三點，健康、能力、環保，是我認為做人三个根本。有健康的身體，後咱逐天心情闊活；有水噹噹的能力，後咱找頭路驚無；做好環保，愛惜環境，是為著全世界的人鋪一條未來路。總講一句，做人毋通忘本，希望逐己，多注意身體、多培養專業、好好疼惜咱尚蓋美好e環境。