花食露水，魚食流水，人食喙水(修訂稿)
2003.10.08 dang hong-zing
佇咱人的五官當(dāng)中，喙到底有偌重要咧(leo)？敢(gam-)干單用來食飯爾(niă)？其實咱即支喙的功用有真濟，只是有時著共伊放抉記！詳細想看覓(māi)，咱有偌濟時陣是靠即支喙咧溝通、咧處理代誌？我敢肯定講，咱隨時攏靠即支喙鬥相共(sān-gāng)。看著熟似人著開喙相借問、引頭路的時自我行銷、佮人有誤會著愛開喙來解說、卜互相表達意見就愛靠喙…，凡事攏愛靠即支喙來表達家己的意見、想法，話若是講了有媠氣，講了有達意，別人除了了解意思，嘛會因為按爾(ne)留著好印象；若是講了離離落落，講無幾句話著流凊汗，著算汝有滿腹的才華，也是無采工。
有人可能會想講，安爾人只要出一支喙著好矣？其實毋是按爾(ne)！人除了口才，頭殼內亦是愛貯(de-)一寡知識，才會予咱講出來的話有內涵、有深度。這著(dorh-)親像一齣好戲，搬戲的演員演技好猶(iau)無夠，一定愛配合好的台詞(dāi-sŭ)，演員愛共(ga-)話講乎明、講乎清，按爾故事看起來才會精采，觀眾才袂看甲霧煞煞。
佇即個(ē-)快速變化的工商社會？人佮人的接觸非常濟，語言是上重要溝通的工具，話若講了好，著予人好印象。但是卜按怎達到講話受人歡迎的程度？我認為有四點：
第一，生緣卡好生嫷：序大人定定共囡仔人講：「喙甜甜才會得人疼！」逐個人攏愛聽好聽話，愛人褒，所以咱若是看著熟似的，著愛主動相借問、看著伊穿新衫，著共伊呵咾幾句、頭家講汝最近工課做了袂bhài，著愛講這是頭家爻牽教，下跤人搰力做工課。有人講按爾聽起來親像互相巴結，毋過將心比心，詳細想看覓咧，逐個人攏需要別人的肯定，咱若是用短短一二句話，著予人歡喜規工，不但是功德一件，對自己的人緣嘛有增加。
第二，予人足緊著熟似汝：這句話是安怎講咧？譬如講，咱師院生想卜引頭路，卜按怎予口試委員佇幾分鐘內熟似咱？按怎表達咱的教育觀念。咱若是講了有特色，講了有清、有明、有深度，口試委員才會對咱有印象。所以講，佇即個競爭(ging-zing)的社會，咱著愛用靠喙舌仔來介紹家己，用誠懇的口氣、有重點介紹家己的優點、特色佮專長，是予人熟似汝上好、上緊的方法。
第三，佇工作方面有優勢(iū-se)：佇濟濟的行業內底，一寡行業是靠喙的(eo)，親像老師、推銷員、主持人。其實毋管啥乜行業，加減攏愛開喙講話。咱講話不止愛講予家己聽有，擱愛考慮對方的背景、語言、年紀、思考方式，這是一項大學問，若是無考慮對方的身份，恐驚咱講的話，對方聽袂清楚，亦會因為誤解來得罪別人。所以講，爻(ghāu-)講話的人，佇伊的工作方面，絕對有伊的優勢的所在。
第四，減少誤會：講話是一種藝術，毋管佇啥乜時陣、啥乜所在，攏愛開喙佮人交談、交換意見，所以講話有經過頭殼、思考清楚的人，講出來的話才袂(bhe-)造成別人的誤會。比如，青狂的人，敲電話共消防隊報案，開喙著講「喂！阮兜火燒矣！緊派人來拍火！」啥知影恁兜佇佗？為著卜減少誤會，咱若將話講乎清楚，代誌著好解決囉。
語言對咱生活誠(ziān)重要，咱的教育、文化、歷史、工課路、人際關係等…，攏愛語言來鬥相共(gāng)。總講一句，學講話是一世人的代誌，最後我用「好代誌大聲講，bhai代誌輕輕仔講、重要的代誌清楚講、自信的話肯定講、凡事攏愛想過才來講。」即段話來參逐家共同勉勵。
我的演講到遮結束，多謝逐家。
花食露水，魚食流水，人食喙水(原稿)
2003.10.06
人e五官之中，咱e喙到底有多重要勒？只會使用來吃飯嗎？其實咱這支喙功用有濟多，只是咱有意無意就給伊放抉記！詳細想看賣，咱有多濟時陣是底靠這支喙趁吃？咱有多濟時陣是靠這支喙來處理代誌？我敢肯定逐e時陣咱攏靠這支喙到衣工(幫忙)。看著熟似e就開喙相借問、應頭路就給頭家介紹逐己有多好、佮人有誤會就愛開喙來解釋、抹互相表達意見就愛靠喙、愛自我介紹亦就愛來開喙……凡事攏愛靠這支喙來表達咱e意見、想法，咱話那是講了有媠氣，講了有達意，別人除了了解咱e意思，抹會因為按勒來留著好印象；那是講了裡裡落落，講無幾句話就流凊汗，就是講汝有滿腹e才華，也是沒彩工。
那按勒講起來，人只要出那支喙著好啊？絕對不是按勒！顛倒反e，咱除了口才，頭殼內亦是愛裝一些知識，才會後咱講出來話更加有學問。這就親像一齣好戲，搬戲e演員演技好亦還無夠，一定要加上好e台詞(請幫忙標音標，我不太會唸這兩個字)，演員愛把話講後清，按那故事看起來才會精采，觀炵才抹看了模剎剎。
佇這e工商速食(唸起來和”素食”好像一樣，對嗎？)語言對咱雖然不是第一重要，但是絕對是第二重要。把一句話講後媠、妥當，份量攏嘟嘟啊好(剛剛好)，對咱本身是一種加分，到底獒講話e人加分攏加底那？我認為有四點：
第一，贏得好人綠。序大人陣陣佮囝仔人講：「喙甜甜才e值人疼！」逐e人攏愛聽好聽話，愛後人褒，所以咱若是看著熟似e著愛相借問、看著伊今仔日穿新衫，著佮人呵咾幾句、頭家講汝最近工作做了袂醜，著愛講這是頭家摕了好，下跤人做了有搰力。有人講按勒聽起來親像互相巴結，毋佫將心比心，詳細想看賣耶，逐家人攏需要別人e肯定，咱那是用幾句就後人歡喜一天，不但是功德一件，對自己e人緣抹多加幾分。
第二，，後人足快就熟似汝。這句話是安怎講勒？譬如講咱師院e學生袂來應頭路，袂安怎後口試委員底幾分鐘內底熟似咱？安怎表達咱e教育觀念。咱那是講了有特色，講了有清有明，口試委員才會對咱有印象，那無，濟足人，真簡單就後人放袂記。所以講佇這e競爭(請幫忙標音標，我不太會唸，謝謝)e社會，咱著愛用咱e喙來推銷家己，咱有多好就講有多好，誠懇e口氣、有重點e介紹家己，是後人熟似汝尚好、尚快e方法。
第三，佇工作方面有優勢(請幫忙標音標，我不太會唸，謝謝)。咱e職業內底，有濟多是愛陣陣開喙講話e，親像老師、推銷員、主持人，不管什麼行業，加減攏愛開著喙講話。咱講話不止愛講後家己聽有爾爾，佫愛考慮對方e背景、語言、年紀、思考方式，這是一項大學問，那是沒考慮對方e身份，恐驚咱講e話，對方聽抹清楚，亦會因為誤解來得罪別人。所以說，敖(能)講話e人，佇伊e工作方面，絕對有伊e優勢優勢所在。
第四，減少誤會。講話是一種藝術，不管佇什麼時陣、什麼所在，詯攏愛開喙佮人交談、交換意見，這時陣，講話有經過頭殼、思路清楚e人，講出來e話才抹來造成別人e誤會。像有一些青狂e人，打電話佮消防隊報案，第一句就是講「喂！我家火燒啦！緊派人過來我家」，誰知啊恁家底那？為底減少交談e誤會，咱那是有才調佮話講後清楚，就賣(不要)說一半；會使用一句講煞，就賣(不要)用二十句來拖。
語言對咱生活非常重要，咱e教育、文他、歷史、人際優勢(請您幫忙標音標，我不太會唸，謝謝)、工作，全部攏愛語言來到衫工(幫忙)，那安勒，咱底使用咱e喙時，千萬愛特別小二(小心)。總講一句，學講話是一世人e代誌，希望逐家記e，「好代誌大聲講，醜(壞)代誌輕輕啊講、重要e代誌清楚講、自信e話肯定講、凡事攏愛想過才來講。」