(福佬/台語)牽著台灣的手
dang hōng-zing
世界台灣語通用協會顧問
台灣鄉親好兄姐，猴年元旦賀恭喜，
愛鄉愛台舉頭旗，台灣發展正當時。
台灣正名扶乎起，新春氣象拍地基，
仝心作伙拚選舉，台灣總統全靠汝。
手護台灣有情義，一邊一國好時機，
百萬鄉親行出去，台灣前途出頭天。
和平公投上合理，維護尊嚴有骨氣，
人人決心做家己，台灣主權受保庇。
合聲：(手牽台灣/台灣我愛汝/我愛汝)
(2004.01.30發表於台灣日報)
(福佬/台語)猴年行大運
甲申靈猴來報到，台灣國運有可靠，
人人平安無煩惱，台灣台灣蓬萊島。
台灣獼猴是國寶，可愛古錐受呵咾，
人人稱讚第一好，台灣台灣阿不倒。
靈猴平時上溫和，樹頂歡喜咧cit迌，
自然生態世間無，台灣台灣有功勞。