台灣人的歌／2005.03.26
母親的名叫台灣 詞：王文德 曲：王文德 唱：蔡振南 1990
母親是山，母親是海，母親是河，母親的名叫台灣。
母親是良知，母親是正義，母親是你咱的春天。
二千萬粒的蕃薯囝，毋敢叫出母親的名，
台灣敢是hiah歹聽，想著心寒起畏寒。
二千萬粒的蕃薯囝，袂當叫出母親的名，
親像啞口dè死囝，予人心凝捶心肝。
二千萬粒的蕃薯囝，毋通恬恬毋出聲，
勇敢叫出母親的名，台灣啊，台灣啊，你是母親的名。
平(早)安台灣
詞：陳明章 曲：陳明章 唱：陳明章
有你的心，牽著阮的夢，行過zit段坎硈的烏水溝，
阮的心，向著太平洋講，早安台灣Formosa，
一生一個夢，只求台灣會平安，
合歡山的百合花，唱著母親的向望，
慈心、齊心、堅持、和平
疼惜母親，疼惜囡仔，有錢出錢，有力出力，
這就是咱台灣，早安Formosa。
台灣─咱的寶貝
詞：蘇郁修 曲：蘇郁修 唱：蕭福德
溫暖的山風陣陣咧吹，吹著成咱大漢的土地，
咱的心踮佇遮，dùe著祖先的腳步，
開墾向望的前途，
斟酌聽，母親的聲，詳細看，美麗海岸，
台灣啊，是阮心愛的，阮永遠的寶貝。
美麗的島嶼
詞：甘為霖 曲：甘為霖 唱：小百合
美麗的島嶼Formosa，美麗的島嶼Formosa，
美麗是玉山，美麗是濁水溪，美麗是台灣海峽。
美麗的島嶼Formosa，美麗的島嶼Formosa，
美麗是原住民，美麗是客家人，美麗是族群的和諧。
經過數百年的農耕，建立工商社會，
壯大自己，創造經濟奇蹟，
人人拍拚，認真工作，一步一步變成世界的科技島。
毋知影Formosa有幾歲？
只知影Formosa是勇敢的老爸？
毋知影Formosa有偌好？
只知影Formosa是慈祥的老母？
美麗島嶼台灣，美麗台灣，
Formosa！Formosa！Formosa！
毋通嫌台灣
詞：林央敏 曲：蕭泰然 唱：葉君儀
咱若疼祖先，請你毋通嫌台灣
土地雖然有卡狹，阿爸的汗，阿母的血
沃落鄉土滿四界
咱若疼囝孫，請你毋通嫌台灣
也有田園也有山，果子的甜，五穀的芳
予咱後代食袂空
咱若疼故鄉，請你毋通嫌台灣
雖然討趁無輕鬆，認真拍拚，前途有望
咱的幸福袂輸人
寶島漫波
詞：葉俊麟 曲：洪一峰 唱：曾心梅
＊寶島漫波，漫波寶島。寶島漫波，漫波寶島。
寶島天清雲薄薄，南國妹妹cua兄哥，
唱出寶島的漫波，我來拍鼓你拍鑼，
o…寶島，唱出寶島的漫波。
來唱漫波、來跳漫波、相招來唱來跳漫波。
寶島四季好cit-tŏr，臺東花蓮到蘇澳(sō-or)，
海陸水路平波波，欲食海味免驚無，
o…寶島，唱出寶島的漫波。
寶島透年生楊桃，也有荔枝甜葡萄，
老人食著解心槽，少年食著愛情好，
o…寶島，寶島少年愛漫波，
來唱漫波、來跳漫波，相招來唱來跳漫波。
寶島四季鳥隻多，鴛鴦水鴨上相好，
逍遙自在咧奔波，吟出寶島的漫波，
o…寶島，寶島鳥隻唱漫波
來唱漫波、來跳漫波，相招來唱來跳漫波。
台灣永遠的故鄉
詞：李思華 曲：李思華 唱：李思華
一條路
行過的孤單，有你沿路來作伴，
一條河
渡過的驚惶，有你引阮來靠岸，
咱有共款的運命，無人會當來拆散，
zia是我上疼痛的Formosa，
台灣、台灣，咱的所有希望，佇zit片土地，
台灣、台灣，咱的血汗攏相siăng，拍拚為一切，
台灣、台灣，咱的美麗前途，望天來看顧，
台灣、台灣，遮是咱永遠的故鄉。
逐家轉來台灣
詞：莊柏林 曲：王明哲 唱：紀乃菡
請逐家轉來台灣，轉來美麗的家鄉
hia有山也有田園，四季如春擱好收成，
請逐家駛向台灣，駛向自由的海港
父母的血汗，祖先的眠夢
充滿光明充滿希望
請逐家轉來台灣，轉來美麗的家鄉。
台灣思想起 曲：都馬調 詞：陳永明等 唱：白冰冰
ai-io∼ai-io-a∼ue 我來唱zit首歌予恁聽
思想起，咱祖先過海來台灣，前途茫茫，經過烏水溝，
海湧重重，萬分的困難，無論是成是敗，īn決心毋復還，（復還hok-hŭan）
會死願作台灣鬼，若會活嘛欲做勇敢的台灣人，
祈求公媽有三項，開荒順利好收冬，（開荒kūi-hng）
囝孫合和相疼痛，平平安安才會大帆
毋驚風颱佮地動，毋驚野獸佮毒蟲
認真經營有向望，代代添丁出ghāu人
思想起，咱歷盡滄桑的台灣，親像一場夢，
經過荷蘭、日本的統治，為著欲生存，自由民主咱受盡困難，
過去種種的難關，有今日著感謝眾神的幫忙，
祈求觀音媽有三項，開荒順利好收冬，
囝孫合和相疼痛，平平安安才會大帆，
毋驚風颱佮地動，毋驚野獸佮毒蟲
認真經營有向望，代代添丁出ghāu人
台灣我的母親 曲：江湖調 詞：洪清雪 唱：許亞芬、王金櫻等
諸位鄉親好朋友，做伙唸歌解憂愁，
人生海海免計較，淡薄名利心自由。(iu) 許亞芬
頭首來唱賣藥調，蒼涼韻曲的歌謠，
東南西北走透透，飲水就愛思源頭。(au) 小咪
看著當今的世景，虎豹獅象當道行，
人人目珠向錢看，你爭我奪失溫情。(ing) 石惠君
人散毋通志氣短，好額切莫看人衰，
由來風水輪流轉，苦枝偏偏開嫷花。(ue) 郭春美
台灣母親命坎坷，無名無份受冷落，
阿母的名毋敢叫，不孝囝孫嘆奈何。(or) 王金櫻
勇敢的台灣人 詞：官不為(歐秀雄) 曲：官不為 唱：幸福男聲
台灣島嶼原本美麗，受外邦統治了數百年
雖然英雄代代輩出，可惜攏半途來犧雄。
坎硈路途擱風雨，民主運動日日大進步，
咱著拍拚！千萬毋通餒志（lue-zi）
排除萬難，前途無限，團結就有向望。
咱著拍拚！無論任何阻擋，
排除萬難，前途無限，勇敢的台灣人。
排除萬難，扶持相牽，建設咱的新台灣。
伊是咱的寶貝
詞：陳明章 曲：陳明章 唱：合唱
一蕊花生落地，爸爸媽媽疼上濟，
風若吹愛蓋被，毋通予伊墮落烏暗地，
袂開的花，需要你我的關心，予伊一片生長的土地，
手牽手，心連心，咱徛作伙，伊是咱的寶貝。
（說明：一片zit-pian）
＊來源：陳明章精選首部曲「伊是咱的寶貝」(滾石)