發揚台語之美，相招鬥陣來鼻芳
黃明德(美國．加州舊金山)／ Geoffhuang1@aol.com
台灣是咱出世、大漢、讀冊的所在，伊是咱逐(dak)家共同的母親。
咱攏會曉講阿娘教咱誠䕷的台灣話，但是自從外來政權來到這塊島嶼(s聦)，糚n(怹)為著欲統治咱，就教咱講糚n的國語(日語、北京語)，不准咱佇公共場所講台灣話，阿娘的話就按呢來拋荒去，到落尾g糂n-da(干單)會曉用嘴講，袂曉用手寫，講嘴唇皮仔話爾爾。zia-e(遮的)統治者就是對(�鄜)消滅咱的文化下手，逐家攏知影一個族群文化，上重要就是語言。現此時的台灣，尤其是少年人，講華語比講台灣話卡輾轉，糚n(怹)根本毋知影踮台灣，台灣話才是咱的母語、咱的國語。
2005年11月「加州台灣長輩會」公佈僑委會舉辦「海外教師台語研習班」活動的消息，真幸運我有機會轉去台灣參加這個「台語研習班」，期間前後總共十二工，逐(dak)日對早起8點20分上課，一直到暗時9點才結束課程，十幾個講師輪流來上課，雖然有卡悿(tiam)頭，但是講師認真投入的精神感動著阮，所以參加的學員嘛攏足拍拚咧學，總講一句，逐家攏是為著台語文化的傳承咧奮鬥。
敢講是鰐(l糚m)著台灣話的符仔水，若無，那會轉來美國了後，煞一直咧痟台灣話，台語文、台語詩一直拚咧學寫。我請教張忠武老師(南都電台台長)電腦拍字輸入法，嘛綴董峰政老師繼續咧學習，伊是一位全才的台語專家，無論講、讀、吟、唱、創作，伊逐項來。這幾冬來伊一直咧培訓國內外的台灣語老師，我攏叫伊第一名。
董老師對母語真有疼心，將伊佇南都電台所主持的台灣語節目─「母語的田園」，囥(kng)佇伊的鯤島台語園地網站(www.dang.idv.tw)，總共有一冬52集。我大約用二個月的時間收聽學習，內容有聲音擱有文字，所以進步快速，雖然毋敢講學甲偌(lua)會曉，但是已經有相當的自信，即碼我對台灣語文的運用，袂像進前，赫爾下(ge)路嘍。
想著當初是長輩會會友的紹介，我才有機會轉去台灣學習台灣語的文化，今仔日有小可(kua)心得，小弟毋敢暗gang(摃)，食著好膽藥仔，手膽提出來佮諸位鄉親序大做夥來分享，所以我按算利用一禮拜一遍，一遍聚會一點鐘的方式來進行，予咱再一次有機會行入「母語的田園」，鼻著母語的奶芳(pang)。(2006.03.23修)