心適的台語（台語CD）
內容：台灣俗語 褒歌 吱骨仔話 古詩詞 囡仔歌
製作：蔡宛蓉 指導：董峰政
發行：台南市寧南語言文化協會
電話：(06)200-2541
一、台灣俗語 聲音檔下載
□人生智慧：
食糖算頓，食水久長。
趁錢龜bè壁，開錢水崩崎。
僥倖錢失德了；流汗錢開袂了。
仙人拍鼓有時錯，腳步踏差啥人無？
食緊弄破碗。(緊紡無好紗，緊嫁無好大家。)(緊行無好步，緊走無好路。)
看人食肉，毋通看人相拍。
相罵恨無話，相拍恨無力。(相罵無揀嘴，相拍無揀力。)
有一好無二好，有新婦無牛母。
人情世事陪甲夠，無鼎佮無灶。
父母疼囝長流水，囝想父母樹尾風。
嚴官府出厚賊，嚴父母出阿里不達。
甘願賣祖公產，毋願阿娘的話烏白掞 (dan擲)。
□人性諷刺：
盤嘴小姑，缺嘴尿壺。
雜唸大家，出蠻皮新婦。
嘴唸經，手摸奶。
棚頂做甲流汗，棚甲嫌甲流瀾。
一年新婦，二年話拄，三年師父。
公廳無人掃，公親情無人叫食晝。
虱母生濟著袂癢，錢欠人濟著袂想。
有錢烏龜(gui)坐大廳，無錢秀才通人驚。
有錢姑半路接，無錢姑嘴那bhīh(匿)。
一箸嘴裡哺，一箸佇半路，一箸金金顧。
□食穿方面：
食碗內，看碗外。
先顧腹肚，才顧佛祖。
米飯一粒著抾起，拍損五榖雷摃死。
趕人生、趕人死、趕人食無情理。
食睏，無分寸。
食，食甲流汗；做，做甲畏寒。
腹肚枵全步數，腹肚飽無半步。
腹肚若dīng，目珠皮著līng(冗)。
人重妝，佛重扛。
三分人，七分妝。(三分姿娘，七分打扮。)
媠bhài在肢骨，不在梳妝三四齣。
愛sùi(媠)，毋驚流鼻水(血水)。
□管教方面：
細漢偷挽匏(bŭ)，大漢偷牽牛。
細漢毋鬱(ūt)，大漢鬱袂屈(kūt)。
葉無挽毋成欉，囝無教毋成人。
也(a-)著箠，也著糜。
也著神，也著人。
大狗盤牆，細狗趁樣。(序大無好樣，序細討和尚。)
相讓食有伸，相搶食無份。
豬食豆箍，人食招呼。
無名無姓，去問鋤頭柄。
□金錢方面：
錢銀白，心肝烏。
人親情，錢性命。
錢銀纏半腰，免驚銀紙無人燒。
錢有，毋驚世事。
欠錢怨債主，不孝怨父母。
有錢食鮸(bhiàn)，無錢免食。
無是苦，有是惱。
朋友做甲死，借錢的代誌mài提起。
□歷史方面：
有唐山公，無唐山媽。
唐山過台灣，心肝結規丸。
天頂有天公，地下有母舅公。
一個某，卡贏三個天公祖。
金門毋認同安，台灣毋認唐山。
紅柿若出頭，羅漢腳仔目屎流。
少年若無一擺戇，路邊那有有應公。
會成袂成，檳榔提進前。
咸豐三，講到今。
□人際關係：
毋捌字請人看，毋捌人死一半。
魚食流水，花食露水，人食嘴水。
一牽成、二好運、三才情。
好歹在心內，嘴唇皮仔相款待。
心bhài無人知，嘴bhài上厲害。
若是愛計較，趁早拆爐灶。
一人一家代，公媽隨人在(cāi)。
□身體運途：
有食藥有行氣，有燒香有保庇。
看醫生著食藥，問神明著有毋著。
五時藥，六時石。
落塗八字命，運命天註定。
□翁某男女：
鴛鴦水鴨，粉鳥斑鴿，冤家相拍。
娶某無閒一工，娶細姨無閒一世人。
無冤無家，不成夫妻。
一某無人知，二某相卸代。
濟牛踏無糞，濟某無地睏。
睏破三領蓆，翁的心肝摸袂著。
別人妻睏袂過五更。
□心適鬥句：
囡仔放尿濺過溪，老人放尿滴著鞋。
人若衰種匏仔生菜瓜，燃水也會diāu鍋，呸瀾也會毒死雞。
囡仔人尻川三斗火，也會煮飯，也會炊粿。
無錢講無話，蕃薯拜佛跋無桮(bue)。
起厝按半料，娶某歹算數。
近廟欺神，路頭遠才有親。
聽某嘴，大富貴；聽某令，卡好敬神明。
好好鱉刣甲尿滴，好好鱟刣甲屎流。
魚還魚，蝦還蝦，毋通水龜濫田螺。
一枝草一點露，天無絕人之路。
袂生牽拖厝邊，欲死牽拖鬼。
目珠cù-cūh，便所看做hotel；目珠花花，匏仔看做菜瓜。
敢就快做媽，悾就緊做公。
出門人人好，入門罵老母。
坐乎正得人疼，得人疼卡好咧拍拚。
高女是高女，愛食毋愛煮。
人比人，氣死人，腳腿比煙筒。
掠龜走鱉；掠蟳走蠘(cīh)
掠姦在床；掠賊在贓。
疼某大丈夫，拍某豬狗牛。
二、褒
歌 聲音檔下載
半暝月娘
半暝月娘入紗窗， bùaⁿ mĕ ghueh
niŏ rip sē tang,
偏偏照我守空房。 piān pian ziòr ghua ziu kāng
băng.
關窗將月緊緊送， gūaiⁿ tang ziong ghueh gīn
gīn sang ,
送去隔壁照別人。 sàng ki gè biāh ziòr bat
lăng.
玉蘭開花
玉蘭開花芳透天， ghiok lăn kūi hue pāng tàu
tiⁿ ,
挽入房間芳規暝。 bhan rip bāng ging pāng
gūi mĭ .
將花提入蠓罩內， ziong hue teh rip
bhang dà lāi ,
半暝芳到枕頭邊。 bùaⁿ mĭ pāng gàu zim tāu biⁿ.
一桌四碟
一桌四碟企四方， zit dōrh sì dih kia
sì hng,
中央一碗腰子湯。 diōng ng zit uaⁿ iōr
zi tng.
並無咱哥通來耍， bing bhōr lan gor
tāng lāi sǹg,
咱嫂那食心那酸。 lan sòr na ziah sim na sng.
三、吱骨仔 話 gī-gut-a-ūe 聲音檔下載
1. 一空掠雙隻 ─ 好空 zit kang liah siāng ziāh ─ hor kang
2. 一盤魚脯仔 ─ 全全頭 zit būaⁿ hī bo à ─ zūan zūan tău
3. 火燒甘蔗園 ─ 無匣 (無合) hue sior gām zià hňg ─ bhōr hah
4. 西北雨 ─ 大落 sāi bak hō ─ dua lorh
5. 和尚划船 ─ 無髮渡 (無法度) hūe siūⁿ gòr zǔn ─ bhōr huat dō
6. 阿公仔娶某 ─ 加婆 (家婆) ā gong à cua bhò ─ gē bŏr
7. 紅龜抹油 ─ 水面 āng gu bhùa iǔ ─ sui bhīn
8. 腳底抹粉 ─ 妝腳 (庄腳、鄉下) kā dè bhùa hùn ─ z¤g ka
9. 乞食背葫蘆 ─ 假仙 kit ziah paiⁿ hō lŏ ─ ge sian
10. 阿婆仔炊粿 ─ 倒塌 (倒凹、倒貼) ā bŏr ā cūe gùe ─ dòr tāp
11. 阿公仔bè崎 ─ 邊仔喘 ā-gong-a bè giā─ biⁿ a cùan
12. 雞仔啄鈕仔 ─ 無彩嘴 (嘴) gē à dok liu à ─ bhōr cai cui
四、古詩詞
聲音檔下載
春曉cūn hiàu 孟浩然Bhing-hor-riăn
春眠不覺曉， cūn
bhiăn•but gak hiàu
處處聞啼鳥。 cù
cu•bhūn tē niàu
夜來風雨聲， iā•lăi•hōng u sing
花落知多少。 hua•lok•dī dōr siàu
靜夜思zing
ia su(u) 李白Li-bik
床前明月光， cōng ziăn•bhīng ghuat gong
疑是地上霜。 ghĭ si0•de
siong song
舉頭望明月， gu tiŏr•bhong bhīng ghuat
低頭思故鄉。 dē tiŏr/tŏ•sū gò hiong
登鸛鵲樓dīng gùan-ciok-lŏ 王之渙ōng-zī-huan
白日依山盡， bik rit•ī sān zīn
黃河入海流。 hōng-hŏr•rip hai
liŭ
欲窮千里目， iok giŏng•ciān li bhok
更上一層樓。 gìng siōng•it zīng liŭ
五、囡仔歌
聲音檔下載
台灣出甜粿
喂、喂、喂， 台灣出甜粿。甜粿真好食， 台灣出木屐。
木屐真好穿， 台灣出鵁鴒。 鵁鴒會講話， 台灣出棉被。
棉被蓋會燒， 台灣出芎蕉。 芎蕉真大枇， 台灣出蕃薯。
蕃薯會止飢， 台灣出飛機。飛機真爻飛， 台灣出鼓吹。
鼓吹真爻彈， 台灣出炸彈。 炸彈真厲害， 歹人毋敢來。