| 咱過去兮生活經驗內底，大多數人攏有一種兮認知，著是台語(指河洛話)是粗俗兮、沒水準兮，是一種兮方言、是無文字兮、袂當用來創作兮，所以台語無文學作品等…，尤其是佇咱兮學習過程中間，教育單位從來著唔捌有台語文的教學，嘛更加唔捌讀過台語文兮的文章，所以潛意識內底，感覺台語若用來凊裁講講猶佫(iau-kho)會通，但是若卜成做文學作品，著「阿婆生囝」─誠拚咧。台語文是無啥乜作品，遮是一般人的認知無夠，所產生兮誤解。 其實佇西元1566年(明．嘉靖45年)，咱兮祖先著已經有用台語文創作兮劇本─「荔鏡記」，即本冊屬於南管兮戲文，內容描寫陳三、五娘兮愛情故事。另外有北管兮文學，男女對唱兮七字仔─褒歌、歌仔戲戲文、布袋戲戲文、皮影戲戲文、1400外種兮歌仔簿、民歌民謠、囡(gin2)仔歌…。咱若唯(ui3)1566年兮「荔鏡記」算起夠今旦日(kin-a-jit8)，台語兮民間文學歷史已經超過四百外冬。遮兮台語民間文學，會使講是台灣現代文學兮肥底，「南戲戲文」是台灣戲劇、小說兮源頭；男女對唱兮七字仔─褒歌是台灣歌詩、現代詩兮活水。佇本土化意識抬頭兮今旦日，身為台灣人兮咱(認同即塊土地兮人)，袂(be7)使對遮兮寶貴文化遺產，目睭放瞌瞌(kheh4)，喙激恬恬(kek4-tiam7-tiam7)，頭殼內一片空空，若安爾著枉費做一個有「尊嚴」兮台灣人。 「褒歌」佇民間嘛叫做「七字仔」、「山歌」、「閒仔歌」、「採茶歌」等講法，是三百冬來長期流行在台灣民間各所在的台語歌詩，伊是台語文學兮源頭，亦是本土文學兮基礎。莫怪日據時代，佇「台灣藝苑」即本冊，著用「台灣國風」即個有創意兮名詞，來稱呼遮兮台灣褒歌，以表示肯定、呵咾遮兮褒歌兮意境深遠、用詞典雅、內容通俗、技巧高超等文學價值。咱攏知影，佇中國文學內底，上古典兮文學詩集，著是「詩經」，即本被稱呼做經典兮「詩經」，伊兮內容分做「風」、「雅」、「頌」，其中上蓋有文學價值兮是「風」兮部份，是三千年前流行佇中原地區兮民間歌謠，唯(ui3)遮兮歌謠內底，會當看著中原地區各所在兮風土民情、男女思慕、悲喜、戀愛兮情懷。共款兮，「台灣國風」嘛是台灣民間兮歌謠，描寫記錄台灣古早查夫(poo1)、查某佇都市、莊跤勞動、港邊碼頭夯貨(gia5-hoe3)、田園種作、茶山挽茶，互相對答，來表現男女意愛、相思、悲喜佮台灣民情風俗的歌詩文學。 「台灣國風」的特色除了內容是描寫台灣「風土」人情佮「諷誦」歌詩以外，伊兮形式固定是四句，所謂兮「四句聯」；每一句攏以七字來表現，所謂兮「七字仔」；每一句攏押韻，音韻天成若像天籟一般，所謂兮「有鬥句」，而且用字相當兮自由，唔免講求平仄、唔免講求對句，無受格律兮限制，尤其表現出生活化、趣味化兮風格，互人感覺足親切，遮兮特色會使講比「詩經─國風」、「唐詩─絕句」無恰輸。 遮是咱對台灣文學兮了解，所產生兮信心。下面咱卜來介紹台灣文學頂面上蓋有代表性兮「台灣國風」兮歌詩─褒歌，互逐家作伙來鼻芳、來分享。 一、 古典性兮國風： 半暝月娘 千里路途 二、趣味性兮國風 門口一叢 為娘掛吊 三、文學性兮國風 娘心親像 蓮藕拍斷 四、生活性兮國風 阮庴店佇 一尾好魚 五、民俗性兮國風 含笑拍莓 竹筍離土 頂面所介紹的台灣國風攏總有十首，除了是「四句聯」、「七字仔」、「有鬥句」外，嘛充滿著文學性、古典性、生活性、趣味性佮民俗性等多采多姿的特色，若親像百花盛開的花園，互人欣賞了感覺真心適嘛真爽快。嘛若親像電影一幕一幕兮劇情，觀賞了後使人印象深刻，愈餾愈有味。嘛若親像一首交響樂，聽了後心靈感覺非常澎湃(phong5-phai3)、非常通暢。台語是文學性兮語言，伊有八音七調，九個變調，伊不但古老、典雅、哲理，又佫趣味。咱若卜佇台語文化兮園地徛起，咱愛佇台灣文學兮肥底─褒歌，來好好壅肥(eng3-pui5)種作，互咱台灣文學會當早一日出頭天，佇世界兮文學參人有比並(pheng7)。 (於97年端午節完稿) 參考書目： 台灣國風─台灣情詩二百詩：黃勁連（台語文摘） |