「虱母若生濟著袂癢，金錢若欠濟著袂想」 (台語文) 

一個愛清氣(chhiN-khi3)的人，袂當(be7-tang3)容允身軀頂生虱母，著是(tioh8-si7)干礁(kan-ta)一隻，伊都也會感覺袂爽快，想盡辦法卜將即隻(chit-chiah)虱母掟予死(teN7-hoo7-si2)，才罷甘休。共款的道理，若對錢明白的人，甲人借錢，著歸日(kui-jit8)抓扒扒(jiau3-peh-peh)袂安心。恐驚信用唔知會拍歹(phah-phaiN2)袂？心理學頂懸(teng2-koaN5)有「制約反應」講法，來說明人類有足濟(chiok-che7)的行為、想法、態度一旦養成「習慣」，著會看做「當然」的代誌，著是咱通常咧講「慣習成自然」的意思。俗語講：「命好不如習慣好」，一個人養成好的習慣，是誠(chiaN5)重要的代誌。所以莫怪古早人講「虱母若生濟，著袂癢。錢若欠人濟，著袂想。」，這句話是會當值得咱好好思考體會的。

【註解】

虱母若生濟著袂癢，sat-bo2 na7 seN-che7 tioh8 be7-chiuN7，
金錢若欠濟著袂想。 kim-chiN5 na7 khiam3-che tioh8 be-siuN7

1. 「濟」che7：多也。
2. 「著」tioh8：就也。
3. 「袂」be7：不會。
4. 「即隻」chit-chiah： 這隻。
5. 「清氣」chhiN-khi3：乾淨、清潔之意。
6. 「袂當」be7-tang3：不能夠。
7. 「干礁」kan-ta(na)：僅有，只不過。
8. 「掟予死」teN7-hoo7-si2：捏死掉。
9. 「歸日」kui-jit8：整天。
10. 「抓扒扒」jiau3-peh-peh：很著急的意思。
11. 「拍歹」phah-phaiN2：破壞掉。
12. 「頂懸」teng2-koaN5：上面。
13. 「足濟」chiok4-che7：很多。
14. 「誠」chiaN5：真的、非常。

「虱母若生濟著袂癢，錢若欠人濟著袂想」    (北京語文)

一個愛乾淨的人，絕不可能讓身上有虱母存在，即使只有一隻，他都會渾身不自在。同樣的對錢明白的人，一旦向人借錢，便終日惶惶不安，唯恐信用被打折扣。心理學上有所謂「制約反應」的說法，來印證人類有很多的行為、想法、態度一旦養成「習慣」，便會視為「當然」，即一般人常說的「習慣成自然」的意思。俗話說：「命好不如習慣好」，一個人養成好習慣，是非常重要的課題。所以「虱母若生濟，著袂癢。錢若欠人濟，著袂想。」這句台灣俗諺，值得我們仔細深加玩味。

「好歹在心內，喙唇皮仔相款待」 (台語文)

佇目前這個工商社會內底，人佮人接觸非常兮頻繁，譬如佇路頂、佇辦公室、佇餐廳，佇公車內底。會使講，隨時攏會抵(tu2)著一寡人，往往因為互相無了解，煞發生摩擦兮無爽快經驗。因此當咱抵著一寡口氣抑是做法無甲意的人，咱應該愛控制家己的情緒。尤其是從事服務業兮人，每日所接觸兮人客百百款，但是為著「顧客至上」兮原則，咱著愛會記住「好歹在心內，喙唇皮仔相款待」，這句台灣上早「EQ管理」兮古早話。

【註解】

好歹在心內，        ho2-bai2 chai7 sim-lai7，
喙唇皮仔相款待    chhui3-tuN5-phoe5-a2 sio khoan2-tai7

1. 「好歹」：好壞之意。即不管自己心情好壞如何。
2. 「喙唇皮」：嘴巴之意。即嘴巴說出好話之意。
3. 「款待」：招待之意。即以禮相待之意。
4. 「佇」：在也。
5. 「內底」：裡面。
6. 「佮」：和、與。
7. 「路頂」：馬路上。
8. 「會使講」：可以說是。
9. 「攏會」：都會。
10. 「抵著」：遇著，遇到。
11. 「一寡」：一些。
12. 「煞」：卻。
13. 「抑是」：或者是。
14. 「百百款」：形形色色。
15. 「上早」：最早的。

「好歹在心內，喙唇皮仔相款待」 (北京語文)

在目前這個工商社會裡，人與人接觸非常的頻繁，或在馬路上、在辦公室、在公車裡、在餐廳。可以說，隨時都會接觸一些認識或不認識的人，往往因互動不良，而造成一些小摩擦的不愉快經驗。因此當我們遇到一些口氣或做法不合己意者，我們應當控制自已的情緒。尤其是從事服務業者，每天接觸各種形形色色的客人，但是本著「顧客至上」原則，我們要牢牢記住「好歹在心內，喙唇皮仔相款待」，這句台灣最早「EQ管理」的俗諺。