第004講 ─01/27/2002(日)

【標音系統：通用拼音】

 

線上收聽

 

踏話頭

 

•慢且歡喜

    一個患者開刀了後，佇病房講：「讚！我的身體無問題矣！」隔壁床的患者講：「慢且歡喜咧！凡勢汝的腹肚底有留物件，汝著擱開一擺！」另外一床的患者講：「我著是為著一支夾仔擱予人開一擺，佇腹肚底共我撓規晡。」當怹(in)討論甲鬧熱怫怫(pūt)的時，怹看著迄個(ē)開刀的醫生青青狂狂走入來病房，真緊張共怹問講：「恁敢有看著我的皮鞋？」

 

【註：矣a0。撓lä。怹in：借字，喩是造字。怫怫pūt：借音字。個ĕ：訓讀字。共gä。】


主題一：俗語佮飲食(3)

 

• 未食硞硞綴，食了嫌漚貨。 (due-hue)

•    目珠看粿，跤踏著火。 (gùe-hùe)

•    在生一粒豆，較贏死了拜豬頭。 (däu-tău)

• 有食有行氣，有燒香有保庇。 (ki-bi)

•    囡仔人尻川三斗火，會煮飯，也會炊粿。 (hùe-gùe)

•    囡仔食甲畏，才有通落公婆喙。 (ui-cui)

•    作料夠，毋是新婦爻。 (gau-ghău)

•    查甫卜食望人請，查某卜食望生囝。 (ciàn-giàn)

• 拚贏雞酒芳，拚輸六片枋。 (pang-bang)

• 狗肉扶起，無扶倒。

• 長工望落雨，乞食望普渡。 (hö-dö)

• 相佮米，煮較有額。 (sān gap bhì,  zu ka u ghiah.)

•    相讓食有伸，相搶食無份。 (cun-hūn)

• 看人食肉，毋通看人相拍。 (bhah-pah)

• 若是愛計較，趁早拆爐灶。 (gau-zau)

•    食人一口，報(還)人一斗。 (kàu-dàu)

• 食人飯，犯人問。 (b¤g-m¤g)

•    食卜食好，做卜做輕可。 (hòr-kòr)

•    食少有滋味，食濟無趣味。 (bhī-bhī)

•    食兄弟，僥伙計，趁錢袂過後世。 (dī-gi-si)

• 食巧，毋是食飽。 (kà-bà)

• 食甲流汗，做甲畏寒。 (güan-gŭan)

• 食尾牙面憂憂，食頭牙撚喙鬚。 (iu-ciu)   ＊撚liàn。

• 食果子拜樹頭，食米飯敬田頭。 (tău-tău)

• 食是福，磨是祿(樂)。 (hok-lok)


主題二：華台語對照

上吊                        吊脰                                        diàu-däu  

也許                        可能/犯勢                               huan-se   

小心                        小心/張持/細膩             sè- rī

小氣                        甕肚/凍霜                               àng-dö

反正                        橫直/反正                               hūain-dit

木棉花                    斑芝花                                    bān zī hue

毛巾                        面巾                                        bhin-gin

可以                        會使/會當                               e-dang

可愛                        古錐                                    go zui

右手                        正手                                        ziàn-ciù

叫賣                        喝賣                                    hùa bhē

失誤                        失誤/走精/精差                      zau-zing

打扮                        妝/打扮                               zng

打招呼                    相借問/招呼            siōr ziòrh m¤g

打針                        注射                                        zù-siä

打雷                        霆雷公                           dān-lūi-gong

休想                        免數想                   bhian-siàu-siūn

老毛病                    舊症頭                                gu zìng tău

戒煙                        改薰                                        gai hun

疝氣                        墜腸                                        dui diŏng

動不動                    勘袂著                                kāp-bhe-diorh

動靜脈                    血筋                                        hùe gin

淋巴腫                    牽核                                    kān hat

盜汗                        流凊汗                           lāu cìn güan

結疤                        堅疕                                        giān pì

傷口           空喙/傷口                     kāng cui

感冒                        風邪/感冒                           hōng siă

瘧疾                        寒熱仔                          gūan riat à

雙眼皮                    重巡                               dīng sŭn

關節炎                    關節炎/跤風                       kā hong


主題三：古詩詞

 

008

春怨      cün uan      金昌緒  Gīm-ciōng-sü

打起黃鶯兒，             dan kì . hōng īng ghĕ

莫教枝上啼。             bhok gau .zī siong tĕ

啼時驚妾夢，            tĕ .sĭ .gīng ciap bhöng

不得到遼西。             but dik dòr liāu se

(原題「伊州歌」)

 

〔台文譯〕

我佇夢中見著我的翁婿，討厭的黃鶯佇樹仔頂叫無停；我的美夢煞去予伊叫醒；只好起床將鳥仔趕走，較袂踮樹尾頂擱啼叫。因為伊啼叫的時,會拍醒我的好夢；我著無法度佇夢中去到遼西，參我的翁婿見面啦。

 

〔華文譯〕

我正在夢裡見到我的夫婿，偏有那惱人的黃鶯兒吵醒了我，一氣之下，拿著竹子打那黃鶯兒，叫牠不要隨興的在樹上亂啼叫，因為牠叫的時候把我的美夢都驚醒了，使我無法做夢到遼西和丈夫相會。