005講 ─01/31/2002(四)

【標音系統:通用拼音】

 

線上收聽 

 

踏話頭:

 

爻拖沙的產婦

    一個產婦因為爻趖爻拖沙,煞共嬰仔生佇病院的電梯內。事後感覺誠歹勢,見笑煞吼--起來,吼甲足大聲。醫生知影了後,著趕緊共伊安慰講:「勿傷心,舊年有一個產婦擱較泛,共嬰仔生佇病院的門口!」產婦聽了,吼擱較大聲,講:「迄個著是我啦!」

 

【註: 爻趖ghau-sŏr 吼甲hau-gah gä/gäng/giöng mai:訓讀字(俗寫) 較泛kah-ham。】

 


主題一:俗語佮飲食(4)

 

食若牛,做若龜。 (ghŭ-gu)

食飯扶碗公,做工課閃西方。 (gong-hong)

    食飯像武松扑虎,做工課那桃花過渡。 (hò-dö)

食神食佛,食了會孤kut () (but-kut)

食甜食鹹,臭跤鼻粘。 (giăm-liăm)

    食魚食肉,也著菜佮。 (bhāh-gāh)

食睏,無分寸。 (kun-cun)

    食著藥,青草一葉;食無著藥,人參一石。 (hiorh-ziorh)

    食飯食俺爹,趁錢儉私奇。 (dia-kia)

    食飯配菜脯,儉錢飼查某。 (bò-bhò)

食飽,著無巧。 (bà-kà)

    食糖算頓,食水久長。 (dng-dňg)

枵雞無惜箠,枵人無顧面體皮。 (cŭe-pŭe)   *枵iau

大厝大海海,餓死無人知。 (hài-zai)

時到時擔當,無米煮蕃薯箍湯。 (dng-tng)

草地親情,食飽着行。 (ziăn-giăn)

凊飯等枵人,破粿等乞食。

    富貴(做官)三代,方知飲食。

做無一湯匙,食卜規畚箕。 (sĭ-gi)

甜粿壓年,發粿發錢;包仔包金,菜頭粿食點心。 (lĭn-zĭngim-sim)

細膩,枵家己。 (rī-dī)

貪食無所補,漏屎加艱苦。 (bò-kò)

喙食喙毋認,尻川爛到面。 (rīn-bhīn)

敢食敢脹,毋驚人譬相。 (diun-siun)

無工做幼()粿,無柴摃大火。 (gùe-hùe)

無食牛犬,功名不顯;食了牛犬,地獄難免。 (kiàn-hiàn-bhiàn)


主題二:華台語對照

 

一物剋一物                      頂司管下司,鋤頭管畚箕。

一物剋一物                      惡馬惡人騎,胭脂馬拄著關老爺。

一知半解                         知橫毋知直。  知頭毋知尾。

一是一,二是二              魚還(huan)魚,蝦還蝦。 

一個願打,一個願挨       做戲悾,看戲戇。

七嘴八舌                         十喙九尻川。  三色人講五色話

人小鬼大                         人心較大牛肺。  囡仔人,大人心肝

人不可貌相                      恬恬食三碗公半。  烏矸仔貯豆油,看袂出。

人不親土親                      金門毋認同安,台灣毋認唐山。 日久他鄉成故鄉。

人云亦云                         舉香綴拜。 講一個影,生一個囝。 尪姨順話尾。

人心不同,各如其面       一樣米飼百樣人。  一人一個樣,無人相親像。

人必自侮,而後人侮之   狗母無搖獅,狗公毋敢來。

人在人情在                      一代親,兩代表,三代散了了。

三個和尚沒水喝              公廳無人掃,公親情無人叫食晝。

上下其手                         做空做榫zòr-kāng-zòr-sùn

上樑不正,下樑歪           序大無好樣,序細討和尚。 大狗盤牆,細狗趁樣。

千夫所指                         路邊的尿壺,眾人漩。 犯官欺,毋通犯眾議。

口是心非                         喙唸經,手摸奶。

口蜜腹劍                         喙唸阿彌陀,手舉刣(tāi)豬刀。

口惠而實不至                  放屁安狗心。  下蟶下蠔,到時攏無。

尸位素餐                         死豬鎮砧。  死坐活食。

山不轉路轉                      東港無魚西港拋。 時到時擔當,無米才煮蕃薯湯。

山中無老虎,猴稱王       先生無佇館,學生起海反。  無牛駛馬。

不合時宜                         過時賣曆日。  火過才卜炰芋。

互不相往來                   田無交,水無流

太太是別人的好              豬仔過槽芳。  嫷花佇別人欉,嫷某佇別人房。

 

 

主題三:古詩詞

 

【操琴調】

短歌行      duan-gōr-hiňg     曹操  zōr-cor 

對酒當歌,        dùi ziù . dōng gor

人生幾何。        rīn sing . gi hŏr

譬如朝露,         pì rŭ . diāu lö

去日苦多。        rit . ko dor

 

慨當以慷,        kai . dōng i kòng

憂思難忘。        iū su . lān bhŏng

何以解憂,        hōr ì . gai iu

惟有杜康。        ī iù do kong

 

〔文白音〕

.當: dongdng    應當─擔當

.歌: gorgua    山歌─唱歌

.生: singsin    人生─先生

.解: gài    解決─解一下

.有: ü     共有─有身

 

〔台文譯〕

一面啉酒,一面唱著人生之歌,人生在世到底有偌久的時間,就大自然的演變來看,短甲親像透早的露水,日頭若出來著消失去,想著消失去的時間愈來愈濟,感覺真煩惱。

人生一路行來,真是令人感慨萬千,心內滿腹的憂愁,無知卜如何消解,看來干礁伸「杜康酒」會當來陪伴我後半世人。