第009講─02/28/2002(四)
【標音系統:通用拼音】
笑詼的台灣話:
有.無?攏無!
一對新人結婚,因為出身望族,家庭背景驚--死人,所以國內的高官顯爵挨挨陣陣攏來參加即場世紀的大婚禮。佇喜宴(筵)中間,主持人為著卜予(bheh-ho)場面較鬧熱,提議參加的貴賓輪流徛起來講笑詼,規則是「啥乜…尖尖;啥乜…厚厚;啥乜…千萬萬; 啥乜…萬萬千;有…無;攏無!」
總統講我先來:「總統府的旗竿尖尖;保鑣的人牆厚厚;手下的官員有千萬萬;我提拔的大官有萬萬千;有半個人才無?攏無!
副總統聽了紲(suà)喙講:「我的鼻頭尖尖;耳墜厚厚;我管的代誌有千萬萬;我借人的錢有萬萬千;有做過半項代誌無?攏無!」
新聞局局長聽了嘛真興,著跳出來喝講:「喙舌尖尖;面皮厚厚;我上的電視扣應次數有千萬萬;我諍過的對手有萬萬千;有半句實話無?攏無!」
一個捌有案底的民意代表嘛無含糊,紲喙講:「刀仔尖尖;拳頭厚厚;我教訓過的白目仔有千萬萬;我所牽涉的江湖恩怨有萬萬千;有半個起訴判刑無?攏無!」
一個財團的大老闆,心內想這無算啥乜!開喙講:「金條尖尖;銀票厚厚;我所包的工程出事志(代誌)千萬萬;接受採購回扣的有萬萬千;有追究責任無?攏無!」
農委會主委,插喙講:「鋸仔齒尖尖;樹欉厚厚;我剉過的樹木有千萬萬;我賣過的木材有萬萬千;有栽過半欉樹無?攏無!」
一位大學教授,鬥鬧熱講:「粉筆尖尖;講義厚厚;我上過的課有千萬萬;我教過的學生有萬萬千;有做過半項研究無?攏無!」
一位民眾聽了,擋袂稠跳出來講:「鉸刀尖尖;布簾(lĭ/nĭ)仔厚厚;我行過的理容院有千萬萬;我看過的理容小姐有萬萬千;有半個會曉絞頭毛無?攏無!」
主持人最後收話尾講:「新郎的褲前尖尖;新娘的胸坎厚厚;我主持的婚禮有千萬萬;我看過的新娘有萬萬千;新婚之夜,有半個喝疼無?攏無!」
自詠 zu iòng 韓愈 han-ù
一封朝奏九重天, it hong diāu zo giu diōng tian
夕貶潮陽路八千。 sik biàn diāu-iŏng lö bat cian
本為聖朝除弊政, bun ui sìng diău dū bè zing
敢將衰朽惜殘年。 gam ziong sūe hiù sik
zān liăn
雲橫秦嶺家何在, ŭn hing zīn li¢g ga hōr zäi
雪擁藍關馬不前。 suat iòng lām guan mà but ziăn
知汝遠來應有意, dī lì/lù uan lăi iǹg iu i
好收吾骨瘴江邊。 hòn siu ngō gut ziòng
gāng bian
〔台文譯〕
一早起到宮殿上了一封「諫迎佛骨表」的奏章,想袂到觸怒了皇上,當夜被貶到八千里外遠的朝州(陽),我一心想卜為聖朝改善政治風氣,所以無惜家己衰老的身體佮晚年的性命。行了一段路程,斡(越)頭一看,秦嶺被烏雲閘著,故鄉已經毋知佇佗位,到了冰天雪地的藍關,所騎的馬已經是寸步難行囉。我知影汝對(ūi)遠遠的所在趕來,一定是有用意的,可能是驚我死佇四界充滿濕氣的瘴江(廣東),前來替我收埋(bhăi)的。
★韓愈家世簡介
韓仲卿─韓會、韓介、韓□、韓愈(ù─rù/lù)
韓介─韓老成(十二郎)
韓老成─韓湘、韓滂
★八仙過海
呂洞賓、張果老、李鐵拐、漢鍾離、藍采和、曹國舅、韓湘子、何仙姑。
唐憲宗元和十二年(817年、丁酉年),韓愈擔任「刑部侍郎」
★韓湘子的仙術
(1)用小葫蘆為賓客倒酒,結果酒源源不斷。
(2)佇花矸栽蓮花,一(it)時之間,隨開花。花蕊頂擱寫著「雲橫秦嶺家何在,雪擁藍關馬不前。」
眾人莫明其妙。韓湘子著來離開去。
「諫迎佛骨來」的主要內容,有下面幾點:
★「諫迎佛骨表」的來龍去脈
鳳翔府法門寺有護國「真身塔」,塔內有釋迦牟尼佛的「指骨」一節。
元和十四年(819年)正月,唐憲宗派杜英奇帶領宮人30人,到法門寺共「佛骨」迎接到長安。佇宮內供養三工,然後再分送各佛寺。
「諫迎佛骨表」的主要內容,有下面幾點:
(1) 黃帝、堯、舜…文王、武王 時期,天下太平,百姓安居樂業,迄當時,中國並無佛法。
(2) 東漢明帝佛法才傳到中土,此後天下大亂,國運無長,主政者歲壽短。
(3) 宋、齊、梁、陳、北魏各朝代,國運大歹、壽命更加短。
(4) 梁武帝上信佛,結果餓死佇「臺城」。
(5) 結論:信佛不但無益,顛倒有害。
(6) 下場:唐憲宗大怒,判伊死刑。好佳哉,裴度、崔群替伊講情,才饒赦死罪,被流放到潮州,做「潮州刺使」。這是西元819年正月14號
藍關:陝西省(siàm-sai)商縣西北。
秦嶺:甘肅:天水縣到河南省陝縣。亦名:秦山、南山。(俗稱終南山)
瘴江:廣東的所在低濕多瘴氣,所以稱呼做「瘴江」。