第013講─03/28/2002(四)

【標音系統：通用拼音】

 

線上收聽

 

笑詼的台灣話：

•美國醫生

    一個美國醫生怹兜的水道頭歹--去(ki0)，倩一個師傅來修理。無五分鐘久，一下仔手着修理好勢，修理費用卜收五十箍美金。即位醫生聽著五十箍，著無啥歡喜共伊講：「我做醫生，看一個患者起碼愛三十分鐘久，嘛才收五十箍爾爾(niä)。想袂到(gau)，汝修理一個水捘仔頭才五分鐘猶原愛五十箍。若按爾(ni /ne)，我醫生勿做好--矣(a0)！我綴汝來學修理水道頭！」

迄個師傅聽了後，著寬寬(kūan)仔共醫生講：「汝敢知影我本底咧做啥？」醫生問講：「咧做啥？」，師傅應講：「我原本著是咧做醫生个(e0)！」。

【註： 怹兜(īn-dau)。 水捘(zui-zün)。 倩cian。 着是dorh/diorh-sī。 著作dù-zōk。 綴(due)。 寬寬仔(kūan-kūan à)。 咧做啥 (deh-zòr-sàn)/siàn。】

 


主題一：俗語佮氣候(4)

 

臺灣廿四節氣諺語

以2002年為例

冬諺：6節氣；11月─01月：

． 立冬(lip-dang) (10/03─11/07)       ． 小雪(siau-suāt) (10/18─11/22)     

． 大雪(dai-suāt) (11/04─12/07)       ． 冬至(dāng-zi)      (11/19；12/22)  

． 小寒(siau-hăn) (12/03─01/05)             ． 大寒(dai-hăn) (12/18←→01/20)

 

． 早落(lorh)早好天，慢落到半暝。 (透早若落雨，下晡時著會轉好天。若到下晡時才落雨，著會落到半暝後。)

． 十月日，生翼(sit)，貧憚查某領袂直。 (十月日短，日頭真緊落山。查某人若小可貧憚一下，工課著作袂了(完)。)

． 暗霧即時收，天晴(ziňg)有可求。 (卜暗的時陣，濛霧若隨散無去，隔日著有好天的機會。)

． 送月雨，後月無焦土(塗)。 (月底/尾若落雨，著表示後個月雨水濟。)

． 落霜有日照 (zior)，烏寒著無藥。 (陰冷的天氣，雖然落霜，但是若有照日頭，著加較燒熱，若無日頭，烏陰天加上寒流一到，著無藥可治。)

． 「大寒」不寒，人畜不安。 (天無照甲子，人佮精牲著袂平安、厚毛病。出現一寡奇奇怪怪的現象、東東西西的代誌)。

． 初三四，月眉意。十五六，月當圓。廿三四，月暗暝。

． 暗看西北烏，半暝仔起風雨。 (卜暗仔的時，西北爿的天頂有烏雲，半暝仔會起風落雨。)

． 十二月初三，烏龜湳，落雨落甲廿九暗。 (十二月初三若落雨，預測可能雨會落到廿九暝。)

• 冬節佇月頭，卜寒佇年兜。冬節月中央，無雪也無霜。冬節佇月尾，卜寒正二月。 (冬節出現佇在月頭/月初，預測冬尾會誠寒。冬節出現佇月中，預測冬尾無啥乜霜雪，亦著是較袂寒冷。冬節佇月尾，預測冬尾袂啥寒，但是隔冬的正、二月起寒。)


主題二：華台語對照

熟睡                                落眠                                 lorh bhĭn

成熟                                飽水(植物)/成熟(人)         ba zùi

拐彎抹角                         彎彎斡斡/曲曲                  ūan ūan uat ūat/kiau

數量夠                            有額/有夠額                     u ghiah

一點點                            淡薄仔/小可仔/一點點仔  dam bōrh à

能幹                                麗斗(篤)/才調/飽學          lè dàu

朽木                                冇柴                                 pàn că

死後                                百歲年老/往生                  bà nī aü

老人                                老歲仔/老歲仔人              lau hue à

老毛病                            舊症頭/老毛病                  gu zìng tău

歲數大                            有歲                                 u hue

老成                                老步定                              lau bo diän

老狐狸                            老龜精/老狐狸                  lau gū zian

老巢                                舊岫                                 gu siü

老當益壯                         老馬展鬃             lau bhè dian zang

老糊塗                            老番顛                              lau hūan dian

肋骨                                聘仔骨                              bin a gūt

自作聰明                         假爻/假精英(光)            ge ghău/ge zīng gong

氣餒                                餒志/失志                         lūe zi

上吊                                吊脰                                 diàu däu

口乾舌燥                         喙焦喉渴/有喙無瀾          u cui bhōr nüa

住家                                徛家                                 kia ge

作祟                                變鬼(奇)變怪          bìn gui bìn guai

借貸                                兌/借                                lùi

別緻                                嫷樣/好樣款                     sui iün

利尿                                利水                                 lī sùi

利潤                                利純                                 li sŭn

吝嗇                                鹹擱澀/凍酸                     giăm gorh siāp

吹口哨                            呼噓仔                              kō sī à

老花眼                            老人仔目                          lau lāng a bhak

墮胎                                提囡仔                              teh ghin à

轉彎                                轉踅                                 dng seh


主題三：古詩詞

 

【宜蘭酒令調】

022

秋夜寄丘員外   ciū iä .gì kū-ūan-ghüe        韋應物

懷君屬秋夜，               hūai gun .siok ciū iä

散步詠涼天。               sàn bö . ing liōng tian

山空松子落，               san .kong .siōng zu lok

幽人應未眠。               iū rĭn .ìng bhi bhiăn

 

【唸讀】

懷君•屬秋夜。散步•詠涼天。 

山•空•松子落，幽人．應未眠。    

 

〔台文譯〕

懷念汝的時陣，拄好是秋天的暗暝，我一個人一面散步，一面吟唱秋凊的天氣。山頂一片的幽靜，有聽著松仔子落落 (lāk-lorh0)的聲音，我想佇即個時陣、汝即位文雅的隱士應當猶未睏才著。

 

〔華文譯〕

在這秋天的季節，我非常的想念你，所以到外頭一面散步一面吟詠涼爽的天氣。在這廣大寂靜的山裏，松子頻頻的掉落，我想你這位文雅的隱士，大概也還沒睡覺吧？