025講─06/20/2002(四)

【標音系統:通用拼音】

 

線上收聽

主題一:用台語講笑詼

•算汝較歹運

有一回,蕭伯納佇街仔路咧行踏的時,予一個青仔欉騎車撞(long)倒佇塗跤,好佳哉無偌嚴重,只是受著淡薄皮肉之傷。事主看著足著急,趕緊共伊扶起來,一直會失禮、賠罪,蕭伯納徛起來了後,尻川拌拌咧(buan-büan e0),煞替事主毋甘,開喙講:「汝的運氣無蓋好,因為今仔日汝若共我撞死,汝馬上著會轟動武林驚動萬教。可惜汝失去了做名人的機會。」

 

•賊星該敗

天才喜劇明星卓別林,有一回拄著賊徒舉槍拄伊的頭卜搶劫。卓別林知影代誌大條囉,所以毋敢反抗,乖乖將錢提予賊徒。但是伊保持冷靜共賊徒要求講:「遮個錢毋是我的,是阮頭家的,即碼錢攏予汝捎去矣,阮頭家一定會掠準我暗降,私吞公款。即位大哥,敢會使參詳一下,拜託汝佇我的帽仔彈兩銃,表示(證明)我是被人搶劫的。」賊徒心內想講,這是簡單的代誌,所以著對帽仔連續彈兩銃。紲落,卓別林擱一次要求講:「即位大哥,是毋是會當順紲佇衫仔佮褲同齊(作伙)開一銃,予阮頭家袂起疑心。賊徒看錢的面子,一時無想赫濟,攏照咧做,啥知一下仔手(),六粒銃子彈了了。眼明手快的卓別林,即時著一拳bhōk去,將賊徒拍昏倒在地,趕緊取回錢包仔,露出得意的笑容離開現場。


主題二:古詩詞

 

【花宮怨調】

268

送孟浩然之廣陵      sòng bhing hor riăn zī gong lĭng

李白                             Li-bik

故人西辭黃鶴樓,       gò rĭn sē sŭ hōng hok lŏ/liŭ

煙花三月下揚州。       iān hua sām ghuat ha iōng ziu

孤帆遠影碧空盡,       gō hŭan uan ìng pik kōng zīn

惟見長江天際流。       ī gian diōng gang tiān ze liŭ

 

【唸讀】

故人.西辭.黃鶴樓。煙花.三月.下揚州。      

孤帆.遠影.碧空盡。惟見.長江.天際流。

                                       

【台文譯】

我的老朋友孟浩然先生(詩人)準備卜離開黃鶴樓向東而行,即個時陣正是暮春的三月(e0)百花盛開,一片的花海,遠行的人伊的船仔佇煙雨中向揚州前去(駛去)。我目珠金金,看孤船遠遠來消失佇茫茫的大海佮天頂,最後所看著的,干礁萬里的長江一直流向天邊去。

 


主題三:俗語─激骨仔話

 

一、激骨仔話(gīk-gut-a-ūe)

    「激骨仔話」有人共伊號做「孽譎仔話(ghiat-kiat-a-üe)」、「孽畜仔話(ghiat-tiōk)」,北京語叫做「歇後語(hiat-hior-ghù)。激骨仔話是共真正卜講的話刁故意藏起來,無卜明講,講者往往干礁講出前一部份,予聽的人綴話尾,去想真正的話意。當想()著的時,往往攏會哈哈大笑。

    「激骨仔話」是由兩個部份組成的一句話。前一部份叫「話面(謎題)」,後一部份是「話意(謎底) 」。比如:「乞食揹葫蘆」是話面,「假仙」是話意。有的話意(謎底)是掠倚音的意思。比如:「美國西裝─話面」,「大軀su─話意」,「大軀」佮「大輸」相倚音,所以真正的謎底是「大輸」,即款倚音的現象,是激骨仔話上大的語言特色。

 

【激骨仔話舉例】

.十全欠兩味                         ─八珍

.台南迎媽祖                         ─無奇()不有

.提薑母,拭目墘                 ─假哭

.矮人看戲                            ─綴人喝(huūh)

.青暝个看戲                         ─綴人笑

.囡仔人食甘蔗                     ─食少吐濟

.博士班畢業                        ─無效()

.八仙過海                            ─隨人變通

.當衫仔褲,買燒酒              ─顧喙無顧身

.一空掠雙隻              ─好康()

.一盤魚脯仔              ─全全頭

.乞食做祀                            ─無半撇(piāt)(無半盤)

.乞食揹(pai)葫蘆         ─假仙

.大兄坐無正                         ─歪哥

.火燒甘蔗園              ─無笚(無合)


主題四:華台語對照

華語                   台語                                 通用拼音

傻呆                   孝呆()/阿西                  hàu dai

嗜好                   興趣                                hìng-cu 

圓圈                   圓箍仔                             īn kō à

媽媽                   阿母/阿娘/媽媽                ā-bhù

媳婦                   新婦                                 sīn bü

微笑                   麻呅笑/微微仔笑       bhā-bhūn-cior

意外                   無疑悟/意外                bhōr-ghī-ghö

想不到                無疑悟/想袂到         siun bhe gau

耍詐                   想空縫                             siun kāng päng

喜歡/上癮                        合意/                            ghian

愛管閒事                         雜插                                 zap-cāp

慌張                   生狂/生懆                        n gŏng

搖動                   振動                                 din däng

新年                   新正/新年                        sīn-zia 

新衣服                新衫                                 sīn san

極限                   盡磅/到底                        zin-böng

楓樹                   楓仔樹                             b¤g a ciü

歇後語                             ()骨仔話                   gī-gut-a-üe         

殿後                   押後                                 à-äu

溝渠                   圳溝                                 zùn gau

滑稽                   笑詼                                 ciòr kue

滑稽戲                小丑仔戲                         siau tiu a hi

煙管                   薰吹管                             hūn cūe gòng

煩燥                   偓促                                 ak-zāk

照相                   翕相/攝影                        hip siöng

照規矩                照紀綱                             ziàu-ki-gang