第029講─07/18/2002(四)
【標音系統：通用拼音】
主題一：用台語講笑詼
•看啥人先犯規
有一回，牧師、做木師傅佮總舖師三個人同齊作伙去郊外散步。怹互相有一個約束，怹認為相招出去外口散步，著是為著卜放乎輕鬆，所以任何一個人攏袂使講起有關工課路的代誌。行一搭久了後，三個人攏感覺有淡薄仔悿(tiàm)，著作伙坐佇一欉大樹跤歇困。做木師傅看著大欉樹，著紲喙講：「即欉樹仔發甲誠大欉，樹身嘛誠嫷，若用來做眠床一定真爽快。」總舖師即時講：汝違反了約束！做木師傅著趕緊下(認)毋著：「是矣！我那會跡爾仔無注心，無像汝煮食的赫爾仔細膩。」總舖師聽了真歡，袂堪得人共褒，著紲喙講：「當然！講著做菜我上內行囉..」即聲連總舖師嘛犯規了。一直毋敢開喙的牧師，吐一個大氣，著輕輕鬆鬆講：「感謝主，我贏了！」話一下講了，三個人煞變甲無輸贏！
主題二：古詩詞
周南-關睢 詩經 gūan-zu sī-ging
關關雎鳩，在河之洲， gūan-
guan zū-kiu ,
zai hŏr zī ziu。
窈窕淑女，君子好逑。 iāu
tiàu siok-lù，gūn-zù hòn giŭ。
參差荇菜，左右流之， cām
cu hing -cai
, zor iü liŭ zi0，
窈窕淑女，寤寐求之。 iāu
tiàu siok-lù，gho bhī giŭ zi0。
求之不得，寤寐思服， giŭ
zi0 but dīk，gho bhī sū pīk (hok)，
悠哉！悠哉！輾轉反側。 iŭ
zai0，iŭ zai0，dian zùan huan cīk。
【說明】
．「鳩、洲、逑」押「iu」韻。
．「得、服、側」押「ik」韻。
．流「之」、求「之」：兩字「之」攏讀輕聲調「ci0」。
．服：本音讀「hok」，勾破音讀「pik
」。
【台文譯】
歇佇海上浮起來的沙地的海鳥，發出「關關」揣異性伴侶的叫聲。即款的情景，著親像一位有內涵、外表嫷的淑女，是有品德的君子所卜追求的好對象。
水面上的荇菜發甲滿四界，有長有短、划船仔踅來踅去揀選合意的荇菜，有氣質擱美貌的淑女，是君子早暗都想卜接近、交往的對象。啥知淑女一時無法度接受愛情的追求，煞予君子早暗一直思思念念，想啊想，想甲暗時仔佇眠床頂掀來倒去，規暝煞來失眠。
主題三：淺談台灣的地名(四)
＊地名佮移民的關係
犁：是開墾土地的闊度，一張犁約略有五甲。比如：七張犁、十八張犁。
股：合股作伙開墾的意思。比如：五股、七堵、十六股等地名。
結：切結合約作伙開墾的意思。比如；三結、四結、五結等地名。
堵：指土垣。是為「防番」而築。比如：五堵、六堵、七堵、八堵等地名。
圍：拓墾漢人為「防番害」所起造的土圍牆。比如：壯圍、竹圍、五圍等。
柵：為防番之措施。比如：內柵、木柵等地名。
＊地名正音的原則
•以古早音、在地音為原則，漢字只是倚音紀錄而已。
•文、白音以約定俗成為原則。
＊以古早音、在地音為原則：
台灣：dāi-uan (字面讀音)→dāi-ŭan
關渡：gūan-dö (字面讀音)→gān-däu (台北市)
景美：ging-bhì (字面讀音)→ging-bhùe/bhè (台北市)
萬華：bhan-hŭa (現在地名)；bhang-gāh (艋舺．古早地名) (台北市)
基隆市：gī-lĭong (字面讀音)→gē-lăng
烏來鄉：ō-lăi (字面讀音)→ū-lai (台北縣)
板橋市：ban-giŏr (字面讀音)→bang-giŏr (台北縣)
龍潭鄉：liōng-tăm (桃園縣)
後龍鎮：au-liŏng (字面讀音)→äu-lăng(苗栗縣)
苑裡鎮：uan-lì
(苗栗縣) (附)灣裡：ŭan—li0/nih (台南市)
大雅鄉：dai-ngà (字面讀音)→dai-ngè (台中縣)
石岡鄉：ziorh-gng-à (石岡仔-台中縣)
沙鹿鎮：sūa-lok(字面讀音)→sūa-lak(台中縣)
北斗鎮：bak-dàu(字面讀音)→bor-dàu (寶斗bor-dàu)
(彰化縣)
元長鄉：ghūan-ziàng/ziòng(雲林縣)
官田鄉：gūan-diăn(字面讀音)→(佃gūan-diän) (台南縣)
美濃鎮：bhi-lŏng(字面讀音)→bhī-long(高雄縣)
梓官鄉：zu-guan(字面讀音)→zü-guan(高雄縣)
阿蓮鄉：ā-liăn(字面讀音)→ā-lian(高雄縣)
長治鄉：diōng-dī-(屏東縣)
潮州鎮：(diōr-ziu) (屏東縣)
花蓮縣：hūa-liăn(字面讀音)→hūa-lian
文、白音以約定俗成為原則：
東：dang─dong
(白/文)
dang：台東市、東勢鎮(台中縣)、東石鄉(嘉義縣)、東港(屏東縣)、竹東(新竹縣)、東勢鄉(雲林縣)
dong：屏東市
安：uan─an (白/文)
uan：望安(bhang-uan澎湖縣)
an：安順(ān-sün台南市)
林：nă─lĭm (白/文)
nă：林內鄉(雲林縣)、樹林鎮(台北縣) 林仔邊(屏東縣)
lĭm：杉林鄉(高雄縣)、雲林縣、士林區
山：suan─san (白/文)
suan：鳳山市(高雄縣)、冬山鄉(宜蘭縣)、枋山鄉(屏東縣)
san：岡山鎮(高雄縣)、旗山鎮(高雄縣)、泰山鄉(台北縣)、梅山鄉(嘉義縣)
大：düa─däi
düa：大湖鄉(苗栗縣)、大社鄉/大寮鄉/大樹鄉(高雄縣)、大肚鄉(彰化縣)
大內鄉(台南縣)、大林鄉/大埔鄉(嘉義縣)
däi：大溪鎮(桃園縣)、大甲/大里(台中縣)、大武鄉(台東縣)、大成鄉(彰化縣)
西：sai─se (白/文)
sai：西螺鎮(雲林縣)、西港鄉(台南縣)、西嶼鄉(澎湖縣)
se：台西鄉(雲林縣)、楠西鄉(台南縣)
白：beh─bik
beh：白河鎮(台南縣)
bik：白沙鄉(bik-sa澎湖縣)
花：hue─hua
hue：花壇鄉(彰化縣)
hua：花蓮縣(liăn/lian)
重：dĭng(白)─diŏng(文)
dĭng：三重埔(sān-ding-bo)
diŏng：三重市(sām-diŏng台北縣)