032講─08/08/2002(四)

【標音系統:通用拼音】

 

線上收聽

主題一:用台語講笑詼

看袂上眼

台灣國內有一間C航空公司的空中小姐一向以美貌(外表嫷)出名,但是有另外一間G航空公司的空中小姐是以服務親切做招牌,所以較無注重外表。因為業務競爭的關係,所以即兩間航空公司不時暗中咧比並(),就連空中小姐嘛會互相咧窮體對方。有一工,C航空公司某一班飛機結束任務了後,一排挑俍(läng)空中小姐拖著旅行箱行過機場大廳,頭前拄好有一批穿草仔色制服的G航空公司的空中小姐,也拄好坐佇椅仔歇困咧開講。C航空公司的空中小姐看著對手了後,著目箍刺窮體對方講:「哼,g(bai)甲卜死」。啥知?G航空公司的空中小姐外表雖然無出色,毋過講說擱不止仔麗斗,著應講:「哼,g(bhai)甲卜死總比活活摔死卡好!」C公司的空中小姐一聽強卜掠狂,心內想講恁祖媽毋是赫爾仔好惹!但是為著卜保持形象,猶原擱面帶笑容講:「摔死是一時的,若g(bhai)甲卜死,是一世人的代誌!」

 

ABC狗咬豬

ABC狗咬豬,阿婆也坐飛機,

摔一下冷吱吱,叫醫生來共伊醫,  (siāk;冷吱吱ling-gī-gi)

醫一下跤骨大細隻。                              (跤骨kā-gūt)


主題二:台語現代詩

到美國的迄通電話         董峰政

正月的迄一工

佇阮的冊房

看著手記簿仔寫的事項

雖然已經過了幾外冬

心情猶原袂輕鬆

親像霜雪咧落降

 

炎熱礁燥的八月天

佇學堂參睏神坐仝邊

予一張紙條仔扑醒

逶故鄉來的因單

神魂一時飛四散

台灣傷心的哭聲

講出老父意外的事件

 

晴天霹靂

這敢是事實的代誌

一時毋知怎治理

等到回神的時

目屎泗湳垂

美國、台灣兩分離

偌久才會當回鄉里

 


拜託悲傷予阮囥一邊

一心想卜飛過天

親像走馬燈

機場轉無停

對聖路易到丹佛

對丹佛到西雅圖

猶原飛袂出米國的國土

 

揮別舊金山衝到東京

行出桃園機場的大廳

看著故鄉才心頭定

到厝趕緊跪落地

大聲吼出叫老父

請赦免不孝的子弟

 

天公伯也那會心肝赫爾硬

撽到美國的迄通電話

煞予我逶天跋落地

時間雖然一冬一冬過

到今我猶原數念阮老父

(註:1988年佇美國密蘇里州進修期間,聽著老父的車厄意外,透早開車到聖路易機場,前後坐了三工兩暝的飛機,才到台灣的心情。)

 


電話了的珠淚            作者:董

「撽到美國的迄通電話」

一通予人傷心的電話

一首數念阮老父的歌詩

寫出我遺憾的心聲                 遺憾ūi-häm

      

電視播送

「大聲吼出叫老父

請赦免不孝的子弟」             

守佇電視前的阿母         守佇ziu-di

目屎拭袂離

 

當我唸出

「撽到美國的迄通電話

煞予我對天跋落地」

徛佇阮兜對面的阿綢也

ko紅紅含(gām)著珠淚             

 

無意唸出

「時間雖然一工一工過

到今我猶原數念阮老父」                          數念siàu-liäm

初次熟似年輕的薛小姐                       熟似sik-säi

煞也目冀齠騔Y酸

 

阮啥乜都無唸                                      啥乜sian-mì

阿媽想囝的心情

那像風吹斷了線                                  那像na-ciün

半暝夜深偷偷流出

肝腸寸斷的目屎

這是真情的珠淚

人性的語言

感人的詩篇


主題三:台灣古詩詞

 

【花宮怨】

 

台中竹枝詞       莊嵩

下山採茶日欲沈,       ha san cai că rit iok dĭm

上山伐木雲未深,       siong san hūat bhok ŭn bhī cim

山歌一曲誰家女,       sān gor it kiok sūi gā lù

半帶漳音半粵音。       bùan dāi ziōng im bùan uat im

 

【台文譯】

農村人家勞碌走闖拍拚工課,查某人落山挽茶,一直到天卜暗才歇困,查甫人上山剉柴,嘛是無閒到日落西山才有通歇喘,遠遠傳來陣陣美妙的山歌,毋知是誰家的兒女所唱的,歌聲當中一半漳州音擱濫著一半的客家口音,即款的山歌予人感覺好奇擱心適。

 

【說明】

.莊嵩:字伊若,號太岳,台灣彰化鹿港人,日本佔領台灣期間,就讀台中師範,後來擔任教師六冬。