037講─09/12/2002(拜四)

【標音系統:通用拼音】

 

線上收聽

主題一:台語開講/話仙/破讀

食飽未 (ziah-bà-bhūe)

指平安無代誌的意思。是台灣人見面「相借問」的語詞。古早人講「無恙」,現代人講「汝好」。

一方面代表稻榖收成好,另外一方面表示身體健康會當正常飲食。

台灣是一個移民社會,所有「唐山過台灣」的唐山公,攏是為著生存,為著腹肚,才著千辛萬苦渡過烏水溝來到台灣。所以佇台灣的鄉親用「食飽未」來表示對別人的關心,後來著成做「招呼」、「相借問」的話句。

佗去dōrh-ki

佇路上相借問的語詞。完整的講法是:「汝卜去佗位?」。

早期移民的時,漢人時常參平埔族群起衝突,另外佇荒郊野外有孟獸、毒蛇出入,所以人佇外口,時常有不測的禍端,所以問人「佗去?」,通好有所防備。有「出入相聞,守望相助」的意思。

*食飯皇帝大

*先顧腹肚,才顧佛祖。

*米飯一粒著抾起,拍損(sǹg/sùn)五榖雷摃死。

*食飽著無巧。

 

□自我安慰

林作雄(足雄)怹後生參加學校的走飆比賽,啥知煞走上後壁,林作雄著共怹囝安慰講:汝看走佇汝頭前迄個選手,乎汝逐甲怦怦(pē)喘,前氣接袂著後氣,一副苦瓜面,汝看伊是毋是足可憐(e0)

 


主題二:台語現代詩

南瀛之歌(台語)                                 作者:董峰政

南瀛勝地  (狀元樓)
水火同源有性靈,烏山景色那仙境,

虎頭埤水好心情,南鯤鯓廟佑前程。

 

南瀛特產  (狀元樓)
麻豆文旦通京城,玉井檨仔上出名,

楠西楊桃滿山坪,關廟王梨好名聲。

 

南瀛藝文  (留傘調)
鹽份地帶有鹹味,歌詩創作無人比,

人文藝術好風氣,南瀛文化好地基。

 

南瀛科技  (留傘調)
新港社名古早講,科學園區有眼光,

先進科技顯神通,南瀛創造新故鄉。


主題三:淺談台灣的地名(五)

【台南縣】31

台南縣以曾文溪為界,分為溪南、溪北兩大區。

溪南:新豐區、新化區。

溪北:新營區、曾文區、北門區。

新豐區:永康市仁德鄉歸仁鄉關廟鄉龍崎鄉5

新化區:化鎮、新市鄉、安定鄉、善化鎮、山上鄉、左鎮鄉、
井鄉南化鄉楠西鄉9

新營區:新營市、後壁鄉鹽水鎮白河鎮東山鄉柳營鄉6

曾文區:麻豆鎮下營鄉、六甲鄉官田鄉大內鄉。     5

北門區:佳里鎮學甲鎮北門鄉將軍鄉七股鄉西港鄉。6

鄉鎮市分類

(02):新營市、永康市

(07)化鎮、善化鎮、鹽水鎮白河鎮麻豆鎮佳里鎮學甲鎮。

(22)仁德鄉歸仁鄉關廟鄉龍崎鄉。新市鄉、安定鄉、山上鄉、
左鎮鄉、
井鄉南化鄉楠西鄉後壁鄉東山鄉柳營鄉下營鄉、六甲鄉官田鄉大內鄉。北門鄉將軍鄉七股鄉西港鄉。