第43講─10/24/2002(拜四)

【標音系統：通用拼音】

線上收聽

主題一：台語開講/話仙/破讀

□烏鬼
 
 當年歐洲人咧開發北美洲的時，由非洲大量運載著所謂的「烏奴」。仝款佇1624年荷蘭佔領台灣的時，嘛大量對非洲載「烏奴」來台灣做「苦力」，仝迄個時陣來台灣的漢人，共怹稱呼做「烏鬼」。
台灣真濟地名攏有烏鬼的跤跡。譬如府城上鬧熱的所在叫「十字街」，分別叫做「東安」、「西定」、「寧南」、「鎮北」等四坊。聚集的所在佇東安坊，叫「烏鬼埕」；
所挖(摀)的井佇鎮北坊，叫「烏鬼井」；所造的橋佇永康，叫「烏鬼橋」。
 
 
 
□牛仔褲
 
有一工，阿佳去雜貨仔店(敢仔店)，一踏入店裡：伊著喝講：「我卜買『無花果』！」頭家娘一時煞捎無總，著應講：「歹勢，阮遮無咧賣『牛仔褲』(台語)。」
 

主題二：台灣古詩詞

思 歸 sū-gui 沈光文 Sim-gōng-bhŭn

歲歲思歸思不窮， sùe-sue /sū gui /sū but giŏng

泣歧無路更誰同？ kip gĭ /bhū lō /ging sūi dŏng

蟬鳴吸露高難飽， siān bhĭng /kip lō /gōr lān bàu

鶴去凌霄路自空， hok /ku /līng-siau /lō /zu kong

青海濤奔花浪雪， cīng-hài /dōr pun /hūa long sūat

商飆夜動葉梢風， siōng piau /ia dōng /iap-sāu-hong

待看塞雁南飛至， tai kan /sài-ghān/lām hūi zi

問訊還應過越東。 bhun-sin /hūan ing /gòr ūat dong

【說明】

1652年沈光文遇著風颱漂流到台灣善化，開始佇台灣建立「漢文化」。沈光文被稱呼做「台灣文獻始祖」。(1624年荷蘭佔領台灣，佇台灣建立了「新港文化」。

即首詩是沈光文來台灣10年(1662年)所寫的鄉愁詩。

逐冬想卜回鄉的心願一直無法度達成。

佇亂世有跤嘛行無路，即款的苦楚有啥人會當了解？

為著堅守清高，啥知連三頓都食袂飽！

懷著滿腹的壯志，無可能提人銀兩接受投降。

青海所絞(gà捲)起來的海湧一重過一重，親像雪花一片一片落落來。

暗時秋風驚動了樹尾的樹葉。

只好直直等、目珠金金看、雁鳥何時南飛？

故鄉浙江的消息應該會隨著雁鳥渡過烏水溝。

結論：沈光文想卜飛過「烏水溝」，轉去中國的心情。每日思思念念都是故鄉的情景。(日久他鄉變故鄉)

主題三：淺談台灣的地名(八)

【曾文區】5

□麻豆鎮(mūa-dāu)

．舊名「麻荳」(平埔族語Mattau)。意指目珠、中心地帶的意思。

．麻豆人郭藥以三斗米換六欉文旦柚栽，從此文旦柚變成麻豆的代名詞。

．麻豆林家古厝、板(枋)橋林家古厝、霧峰林家古厝並稱「台灣三林」。開基祖林文敏是一個苦力出身。

．麻豆總爺糖廠被縣政府設定做「南瀛藝術特定區」。

．文旦的故鄉：每年九月舉行「文旦節」。

．自古傳說：「麻豆出皇帝」。「龍喉泉」成做麻豆上熱門的觀光點。

□下營鄉(e-iăⁿ)

．舊名「海墘營」。

．急水溪過去時常改道，「昔日滄海今日桑田」，早前是漁民，即碼變農民的鄉鎮。(佮安定鄉仝款)

．拜溪活動：每年舊曆八月十六，中庄仔人準備半爿豬，舉行拜溪風俗活動。

．蠶絲被、燻茶鵝全國出名。

．本土龜之鄉─武承恩公園，規劃為「本土龜生態區」。

．武承恩北極殿玄天上帝廟的上帝爺是下營鄉上大的地主，佔地一百六十甲。

．每年五月舉行蠶仔節(娘仔節)。

□六甲鄉(lak-gāh)

．烏山頭史前文化遺址─灰黑陶文化時期。

．鄭氏參軍陳永華佇遮(在此)教官兵「取土燒瓦」，從此落地生根。

．磚瓦之鄉：六甲黏土燒窯色緻柔和溫潤，表現台灣之美。

．林鳳營車站是南瀛現此時三座日式木造車站之一(後壁/保安)

．景點：蓮花世界/林鳳營牧場/赤山龍湖巖。

□官田鄉(gūaⁿ-diän)

．舊名「番子田」。由「官家」、「佃農」合名而來。

．三百年前陳永華官兵在此安營開墾。

．景點：烏山頭水庫(珊瑚潭)/日據時期東南亞第一大水庫。葫蘆埤：大、小葫蘆番仔田埤。

．秋風起的時，划竹棑仔佇埤頂挽菱角(微笑蔬菜)，是田庄上特色的畫面。尤其不時有「淩波仙子」之稱的水雉(tī/dī)的畫面。

．「八田與一」沈思銅象佮感人的故事/1942死訊。八田外代樹/1945殉情。嘉南平原上一首動人的史詩。

．總統的故鄉：官佃鄉西庄(村)。

．番仔田復興宮祭阿立祖，舊曆十月十五舉行。

．每年十月舉行菱角節。有菱角之鄉。

□大內鄉(dua-lāi)

．西拉雅族故鄉，成立「平埔文化園區」。文化園區的範圍包括：頭社、埤仔腳、燒灰仔、竹圍、鳴頭等

．頭社「太上龍王忠義廟」平埔族夜祭─每年舊曆十月十四到十五，是全台灣上大的平埔族祭典。

．幸福果(酪梨)之鄉。酪梨節每年十二月舉行。

．「大內楊」、「柳營劉」、「官田陳」、「新營沈」，怹的古厝抑是祠堂，攏是當地出名的景點。

．景點：走馬瀨農場。八十公頃盤古拉草原上有特色。/疊彩山，被稱「裸體龍」。