2005.05.04（三）17
【踏話頭】ą į
ų
ę ǫ
1999年921大地動，鄭智仁醫師以一首「天總是會光」的歌謠，感動、溫暖台灣人的心。
福爾摩莎頌 詞：鄭瑞堂 曲：鄭智仁 唱：鄭智仁 1993年
Formosa咱的夢咱的愛 親像阿母叫阮的名
搖啊搖啊搖 惜啊惜 永遠抱著美麗的夢
Formosa咱的夢咱的愛 有咱祖先流過的汗
搖啊搖啊搖 惜啊惜 永遠抱著美麗的夢
Formosa咱的夢咱的愛 無怨無悔來期待
搖啊搖啊搖 惜啊惜 永遠抱著咱的夢
＊來源：台灣之愛─鄭智仁經典作品(一)
「七字仔詩」看台灣的社會（全） dang h稭ng-zing
政黨私心用策略，國會對抗連續劇，協商內閣顧政局，飛走烏鴉來喜鵲。
台灣心結二二八，屠殺精英封密密，源頭真相愛明察，歷史瓜葛緊解決。
台日關係真微妙，中國壓霸來攪擾，登輝先生有絕招，安全文化彈仝調。
政黨合作大考驗，吵吵鬧鬧百姓嫌，社會不安有欠點，協商誠意無風險。
政治布局挺阿扁，台灣向前著覺醒，藍綠恩怨囥一邊，今年定著是好年。
南亞海嘯著重傷，災情傷亡難料想，萬名兒童來認養，台灣愛心受尊重。
台灣社會有愛心，四方八達傳福音，六千外萬的獻金，張家子女受致蔭。
起起落落是政治，吵吵鬧鬧為私利，彎彎曲曲用計智，聲聲句句講民意。
台灣困境拍通關，受盡委曲無埋怨，制憲正名了心願，創造歷史新模範。
捷運交通真利便，一工旅客萬萬千，管理疏忽是難免，負責坦白求改善。
台北囡仔真不幸，爸母虐待摃無停，台北病院真無情，踢去台中卡清閒。
首都醫療大笑話，衛生局長會失禮，市長毋知啥問題，馬腳無停趕宴會。
市政處理腳手鈍，馬馬虎虎看捷運，轉診風波斬二軍，作風無改難平順。
總統講話若唱歌，大小選舉四界喝，在野過半歹收山，搬出民意來解破。
台灣外交沐沐泅，外館人員無堅守，台灣主體是主流，職務換人重要求。
市政拋荒半浮沈，機器生銑大水淹，穿插體面無用心，踢著鐵枋感慨深。
患者凊彩烏白踢，大主大意無盡力，瞞騙事實講白賊，名譽掃地真毋值。
烏魯木製真調會，法律權限上大尾，無法無天烏白批，笑破人民腹肚皮。
第一笑詼真調會，卸世卸眾講痟話，畫烏擦白真超過，趕緊落臺免狼狽。
豬頭毋顧顧鴨卵，亂㗒亂刪總預算，國家建設無法轉，百姓那想心那酸。
野性不改欠擔當，一千外億刪預算，台灣田園會拋荒，回心轉意受苦勸。
宜蘭經驗開基祖，打造蘭陽的基礎，青天參選受照顧，故鄉發展大進步。
三級貧民陳總統，保護散赤的兒童，健保免費顧健康，疼惜未來主人翁。
戰鬥內閣一段落，水牛歇睏換人做，拚命建設台灣島，百姓懷念擱呵咾。
長廷組閣憑本事，一路落伍毋願輸，港都包袱變真珠，牽成後輩接市府。
台灣女子葉菊蘭，一路行來有牽挽，退出副座無怨嘆，一生奉獻為台灣。
協商內閣為國家，名單慎重做調查，副手人選讓泛藍，第一要緊台灣腳。
帛琉台灣共環境，邦交堅固跋感情，偉大人民鬥相拱，公投獨立受尊敬。
柴城演習遭傷亡，意外發生難提防，性命無常一陣風，武器害人向誰講？
包機飛過烏水溝，台商利便走透透，全然無想台灣兜，木馬屠城一路哭。
上臺落臺時常事，起起落落定定有，官位職務是工具，民意靠勢才會久。
(連載美國太平洋時報2005.03.17／03.24／03.31／04.04)
【補充】2005年公佈（來源：自由時報）
鹿港天后宮：香客500萬／題緣金6000萬元
新港奉天宮：香客250萬／題緣金7000萬元
北港朝天宮：香客500萬／題緣金1億元
大甲鎮瀾宮：香客1000萬／題緣金1億元
◎宗教信仰：依法不依人
＊三月siau媽祖。(三月指舊曆)
＊府城迎媽祖─無奇(旗)不有。
＊先顧腹肚，才顧媽(佛)祖。
＊人重妝，佛重扛。
＊媽祖婆押後。
＊北港媽祖興外境。
＊神仙難救無命囝(客)。
＊也著神，也著人。
＊問神著有毋著(會礙謔)，看醫生著食藥。
＊有山便有水，有神便有鬼。
＊近廟欺神，路頭遠才有親。
＊天頂有天公，地下有母舅公。