2005.06.22（三）24
【踏話頭】
好天、落雨天、烏陰天這攏是天意，所以攏是好天。
春天有百花欣賞；熱人有秋凊的南風吹來；秋天有圓擱大粒的月娘通欣賞；寒人有落雪的美景。所以一年四季攏是好天。
用心看台灣 詞：澎恰恰 曲：澎恰恰 唱：澎恰恰o.idv.tw
台灣是咱的土地，你我牽手來作夥，
三百十九的鄉鎮，用心看、認真揣，
看咱對故鄉的了解有偌濟。
青山綠水，有閒請恁來遮坐，
花開花謝，好bh恷i攏是咱家己的，加一分關懷，加一分鼓勵，
咱來用心看台灣，用心看台灣。
演唱：澎恰恰的新台灣歌─台灣男人，-1。
演奏：缺。
〔新聞一〕
杜正勝：閩南語拼音八月底統一
〔記者黃以敬╱台北報導〕
雖然國中小鄉土語言教學已經實施三、四冬，但是台灣閩南語拼音系統到今猶未決定，濟濟鄉土語言教師發出怨言，拼音系統無統一造成教學的困難。教育部長杜正勝正式宣示，預定8月底進前就會針對閩南語教學提出建議的統一拼音系統，並且將以「好教好學」為原則，避免無必要的學術性爭議。
目前國中小閩南語教材，以採用「通用拼音」、「教會羅馬拼音」、「ＴＬＰＡ」等三種拼音系統為多數，教育部國語推行委員會主任委員梁榮茂表示，國語會拍算全面調查學校教師認為叨一種拼音系統kah好教、kah好學，然後才提送國語會討論並請部長核定。
教育部自五月開始，第一擺針對鄉土語言教學gah教材進行一個月的訪視評鑑，所有的評鑑委員最近佇國立編譯館針對各縣市教材進行評比，教育部長杜正勝嘛到現場參觀。佇現場有幾位委員，當場建議教育部趕緊確定閩南語教學的拼音系統，若無m-ni糂教學有阻礙，學生轉學連接嘛有困難。杜正勝部長表示，教育部國語會開過幾遍會，已經有取得共識，會依照「好教好學」為原則、對學習者的角度出發，希望會當佇8月底以前，揀出一套逐家會當接受的拼音系統，來改善目前國中小鄉土語言教學的問題。
毋過，杜部長嘛認為，鄉土教學教材無論閩南語、客家語、原住民語，攏是以語言做基礎，語言之外，猶有文化、歷史、地理，所以鄉土教學是共母語佮鄉土教材內容相結合。(自由時報2005.06.15)
〔新聞二〕
翊安國、英、台語嗄嗄叫，父母值得呵咾
(記者洪哲政□台北報導)
陳總統的外孫趙翊安(dior-ik-an)佇糚n老爸的引導下，當場用台語、華語佮英語表演所學來的成績。翊安用台語唸「打馬膠」童謠：「打馬膠，黏著腳，叫阿爸，買豬腳，豬腳箍仔，滾爛爛，枵鬼囡仔流嘴瀾。」。用華語唸李白的五絕仔：「床前明月光，疑是地上霜。舉頭望明月，低頭思故鄉。」。落尾才用英語唸「拜一到禮拜」的英語來。
有立委表示，zit-m恷，都會區的囡仔佇班上會曉講台語的人數，十支zing頭仔猶有伸。好佳哉，都會區家庭的父母已經開始時行「華、台、英語」互相透濫的「新台灣」語言咧開講，有的嘛用來教囡仔。佇這款風氣之下，咱愛佇台語教育加下一寡氣力，予基礎台語會當佇下一代釘根生湠。(來源2005.06.06台灣日報)
翊ik：展翼。鳥咧飛款。協助、輔助、幫助。鬥腳手。
翊贊ik-zan：像兩翼協力起飛。協助國家元首處理國事。