2005.08.31（三）31
【踏話頭】
「弱者的舌是柔軟的(日本俗語)」咱因為弱勢，為著生存，所以只好學習各種語言，也因為有各種語言的能力，才共台灣成做一個連接到全世界的橋樑。弱者的命運帶予咱擱卡大的可能性，讓咱有機會擱學卡濟，精神內涵因更加豐富，佮世界的連繫擱卡密。因此，本成的「弱勢」也變做咱的「優勢」。
會曉講狗話
改寫：dang h稭ng-zing
有一隻niau(鳥)鼠無小心煞現出行影，引起貓仔的注意，一步一步向老鼠bh糚h(匿)的所在行過來，鳥鼠急中生計，想出一個好辦法，就是學狗仔的吠聲：「汪！汪！」貓仔聽𤥢狗聲，就放棄繼續c聦e(揣)鳥鼠的行蹤。鳥鼠看貓仔行走了後，就喘一個大kųi(喟)共家己講：「好佳哉！我會曉講狗話，若無今仔日生命就烏有去！」
語言是溝通的工具，會曉愈濟種語言，人佮人中間愈無界線；所以咱學國內各所在的方言，會達到族群和諧的目的；學外國語言，會當開闊眼界、認識zit(這)個世界。
《歌唱台灣》
台灣話 詞：鄭俊義 曲：鄭俊義 唱：陳雷 1995
這是啥物社會，cit-tŏr的比拍拚的錢卡濟，大街小巷買無一本冊，
電動pi��-pi��的開gah規四界，你若會欲會逐家會，巧的我嘛算一個。
台灣話講：「若想欲靠贏gi恷u存家賄，到尾仔賣某賣囝賣老爸」。
這是啥物社會，做官的本錢著開赫濟，大大細細買票兼烏紗，
當選著換伊Ａ咱老百姓，你若買欲買逐家買，痟貪的我嘛算一個。
台灣話講：「若有人做大人用錢買，到尾仔衰你衰我衰逐家」。
這是啥物社會，目珠攏看懸無看下，大人只干礁顧著面體皮，
比七仔比車比厝比路螺，你若吹欲吹逐家吹，膨風的我嘛算一個。
台灣話講：「做人無照紀綱，腳踏實地，到尾悽慘落魄佮狼狽喔」。
演唱：陳雷─台灣話(-3)。夜市走唱(8)黃思婷主唱，-9。
演奏：缺。
台灣話的教示：
細漢偷挽瓠，大漢偷牽牛。
葉無挽毋成欉，囝無教毋成人。
細漢毋聦t(鬱)，大漢聦t(鬱)袂屈。
年頭飼雞栽，年尾做月內。
做雞著筅，做人著b罱ng(反)。
食gah(到)老，學gah(到)老。
繳若diău，神主牌仔囥椅條。
目珠看粿，腳踏著火。
食糖算頓，食水久長。