2005.11.09（三）40
【踏話頭】
國立台灣師範大學的教授自殺，前途無限的年輕作家(研究生)自殺，台灣一流高中建國中學的學生嘛自殺，糚n攏袂堪得生活上的壓力佮困擾。
佛家講：「人生就是苦海」，所以只要人活咧，隨時攏有有形佮無形的壓力，重要的毋是期待壓力有一工消失去，是愛按怎去面對壓力，簡單講是「按怎對待」的問題。「良性的壓力」是人成長的原動力，咱無欲自動揣麻煩，討皮疼。但是一旦壓力上身，咱著好好接待伊。舉例：
十冬前我�鄜台南駛車到高雄小港，來回時間將近2點半鐘外，頭一冬上班真無法度適應，感覺是艱苦代，定定怪家己佇台南的頭路好好，無代無誌去到高雄上班，時常懊惱。但是後來我唸頭一轉，就逐日利用上下班駛車的時間，收聽我有計劃性的cd佮錄音帶，成做我一日上重要的進修時間，我就按呢記足濟我想欲記的物件，唱我想欲學唱的歌謠佮詩詞。
•常態、良性的壓力：
＊驚燒就毋通去倚烕前。＊做雞著筅，做人著反。
＊做牛著拖，做人著磨。
＊欲做鱟桸就毋驚泔燙，欲做草笠就毋驚日曝。
•壓力常見的種類：
(1)學業壓力(升學)：＊四書讀透透，毋捌黿鼇龜鱉烕。
(2)就業壓力(頭路)：在職怨職，無職思職。
(3)人際關係壓力(社交)：
＊毋捌字請人看，毋捌人死一半。＊鬱鬱佇心底，笑笑陪人禮。
＊好歹在心內，嘴唇皮仔相款待。
＊心bhai無人知，嘴bhai上厲害。
(4)家庭壓力(婆媳．子女)：
＊好bhai粿就愛會甜，好bhai查某就愛會生。＊大目新娘揣無灶。
＊九頓米榚無上算，一頓冷糜抾去囥。＊好種毋傳，歹種毋斷。
＊雜唸大家，出蠻皮新婦。
＊嚴官府出厚賊，嚴父母出阿里不達。
(5)婚姻壓力(個性)：
＊鴛鴦水鴨，粉鳥斑鴿，冤家相拍。＊睏破三領蓆，翁的心肝摸袂著。
＊嫷花佇別人欉，嫷某佇別人房。＊無冤無家，不成夫妻。
(6)升遷壓力(升官)：＊一牽成二好運三才情。＊大工一指，小工磨半死。
(7)其他壓力(工作等)：＊好bh恷i在心內，嘴唇皮仔相款待。
《台灣主題的歌謠》
台灣的男子漢
詞：文夏 曲：東洋 唱：文夏 2002年
我就是男子漢，台灣的男子漢，
為著正義，為著朋友，無惜阮性命。
親愛兄弟，好朋友，為咱故鄉來拍拚，
光明的咱的前途，已經在目前，
你佮我提出勇氣，這就是勇敢的台灣好男兒。
演唱：文夏．文香21世紀新歌第一集-02。
演奏：文夏．文香21世紀新歌第一集-13。
【台語現代詩】
拭面的春風 董峰政改寫
露水是小妹愛哭愛哮
一滴一滴的目屎
阿母的愛就是
hit(彼)陣拭面的春風
春風吹過日時
春風停佇半暝