2005.11.16（三）41
【踏話頭】
台灣民主國：馬關條約簽訂了後，台灣地方的士紳佮官員為扺制日本所組成的新政權。
1895年(光緒21年)4月17簽訂馬關條約，滿清帝國將台灣佮遼東半島割予日本國。4月23遼東半島佇俄、德、法三國的要求下，退還中國。這件代誌予台灣人抱著希望。
1895年5月23，台灣的官民模仿西洋政治觀念，宣佈「自主宣言」，要求各國援助。
1895年5月25，台灣正式成立新政府。新的國家以「台灣民主國」為國號，以「永清」為年號，以「藍地黃虎」的圖樣為國旗。由原來的巡撫唐景崧(1838-1924)擔任總統，劉永福(1837-1917)任大將軍，丘逢甲(1864-1912)為全台團練使，林維源(1840-1905)為議長。
1895年5月29，日本近衛師團(師團長北白川宮．能久親王)登陸「澳底」海岸(今台北縣貢寮鄉鹽寮)」。6月初3，日軍攻陷基隆，敗軍逃入台北城。
1895年6月初4，「台灣民主國」總統唐景崧，利用暗時棄職落跑轉去廈門。被稱呼做「十日總統」。
1895年6月14，日本軍隊攻到台北，一位台北的婦女放梯予城外的日軍b��牆入城。
1895年6月17，日軍佇台北舉行「始政式」，日後稱呼做「始政紀念日」。
1985年10月19，劉永福cua親人佮親信偷渡轉去中國。感慨講：「內地諸公誤我，我誤台民。」，佮唐景崧總統落跑逃亡，前後相差4個半月。
1985年10月21，台南淪陷，台灣民主國滅亡。
台灣人歷史的選擇：(1)抗日到底：吳湯興、徐驤(c糚-siong)、姜紹祖(ki稭ng-siau-z𨬭)、江國輝…。(2)逃往中國：唐景崧(siŏng)、丘逢甲、林維源、林朝棟、劉永福…。(3)變節做台奸：辜顯榮、李春生、李望洋、陳修五…。
《台灣主題的歌謠》
台省民主歌 詞：台灣民主歌 說唱：楊秀卿1895
(七字仔)
這是清朝的時代，編出一歌予恁知，台灣歷史欲了解，設造火車對遐來。
設造火車行鐵枝，無腳會走嘛真奇，欽差所想的計智，百姓文明數念伊。
百般心神用通通，設造火車欲載人，看日興工一振動，各地路頭設票房。
火車起磅著添火，火車起行霆水螺，西螺溪中袂得過，才請爻人來收尾。
欽差告老轉家中，派伊手下唐景崧，台灣千軍萬馬將，無疑反背心奸雄。
(都馬調)
鴻章東洋通日本，欲拍滿清光緒君，在伊咧想真安穩，按算江山對半分。
說起京城李鴻章，奸臣設計無天良，無想朝歌為首相，擱再佮人去通商。
鴻章見想奸臣計，去通日本扑高麗，轉來朝中奏皇帝，各地港口著愛b𥼚h。
為著江山的問題。光緒掠話應鴻章，由你主意免參詳，日日朝廷陪聖上，
無疑變心無盡忠。
後悔合作無通順，第一中毒是日軍，黃潭去守八里亭，望欲功勞通常文。
無疑江山予日本，官兵毋免去出軍，日本去見李鴻章，欲扑台灣唐景崧。
欲獻江山還皇帝，勞師動將姑不將。
(江湖調)
鴻章電報拍過來，城內撫臺已經知，欲攻日本真厲害，不久日子著會來，
日本為著伊滿州，兩排戰船海面游，欲運糧草袂過手，有軍無糧怎干休，
撫臺設計去征番，通知海防著設關，即時滿州咧造亂，庫銀袂當運台灣，
海關一時有注意，著叫頭人來商議，共伊安館無延遲，大局安落在地場，
即時設出團練長，抽出練勇出外鄉。去共富良借錢糧，抽出練勇滿滿是，
毋知練勇是在年。鴻章日本去寫字，尾省台灣割乎伊，鴻章寫字著完備，
著共日本說透機，保領台灣無代誌，隨拍電報來通知，撫台即時請頭人，
即時抽兵來過江，百姓紳士齊振動，好心勸伊千毋通。黃甲下面探聽知，
帶起清兵著起來，好漢即時入城內，來到中落見撫臺，撫臺煩惱本無意，
坐落無話通應伊，即時欲走袂得離，先脫家后轉鄉里，一日電報直直到，
番船欲來入港口，城內撫臺亂操操。眾人欲扶伊做頭，尾省頭人無妥當，
封伊撫臺民主王，未曾徛旗人先講，甘心為伊去陣亡，四月城內貼告示，
眾人迎印去交伊，民主國號三大字，山頭徛起百姓旗，眾人齊聲咧喊喝，
抗日絕對無拖沙。（口白：咱的心事是真大，這z糂m叫做民主歌。）
演唱：音樂台灣(The centennial
music Taiwan)1895-1995，cd-01。
□把電視關掉：李遠哲表示最近一直無看電視，報紙嘛小可過目而已，所以逐日攏用著愉快的心情，面帶笑容咧工作。因為電視報導是台灣上大的亂源。