2005.12.07（三）44
【踏話頭】
1955-1974年，台語片佇20年間總共有一千支片(部)的紀錄，創造了台灣空前毋捌有的電影潮流佮奇蹟。
台語歌謠佮台語電影攏對台語文化的傳承攏有重大的貢獻。但是台語歌謠成就了台語歌星。這對作曲者佮作詞者真無公平。台語電影成就了台語電影明星，這對編劇佮導演嘛真無公平。
戲劇(歌仔戲)、電影是一種國民意識、文化的寧靜革命。
台灣終戰以後，1955年6月第一支(部)電影是用16釐米所拍的台語片叫「六才子西廂記」佇台北市大觀戲院公演。(公演三工就謝幕)
1955年9月第二支(部)電影是用35釐米所拍的台語片叫「薛平貴與王寶釧」(導演何基明)，由麥寮拱樂社女子歌戲團(團主陳澄三)演出。
1956年正月，受著「薛平貴與王寶釧」轟動演出的影響，台語電影大量發行製作，各電影公司紛紛推出《山地姑娘》、《日月潭之戀》(後改郎心狼心)、《遙遠之愛》(後改馬車夫之戀)、《雨夜花》、《廖添丁》、《林投姐》、《水蛙記》、《運河殉情記》、《河邊春風寒》等20外支電影。
1956年，華興電影公司台中製片廠設立，是第一家民營拍片廠。
《台灣主題的歌謠》
台灣有情有義 詞：呂嵩甲 曲：劉清池
我就是寶島出世，台灣的蕃薯仔囝，
四邊大海的綠島，海洋中的一粒星，
男子漢著愛拍拚，毋通予人看袂起，
有尊嚴愛有勇氣，綴著時代換世紀，
好朋友有情有義，逐家來鬥陣，
你挺我、我來挺你，咱是好兄弟。
演唱：缺。
演奏：缺。
寓言故事ghu-ghiăn g𨬭-s聦
獨眼鹿 (台語版)
深山林內有一隻一蕊失明的鹿仔，因為伊g糂n-d糂(干礁)一蕊目珠有看著，所以佇咧食草的時著愛觀前顧後注意四周圍的地形，來防備予拍獵的人掠去(kio)。
這隻獨眼鹿經常佇靠近海邊的草埔食草，因為伊想講：「我ga(共)看會著的這蕊目珠向對陸地，只要有拍獵的人來，就隨時看會著，通趕緊落跑。另外彼蕊失明的目珠向對大海去，按呢著袂有啥物意外的代誌來發生。」
有一工，一個拍獵的坐船對遮經過，看著獨眼鹿佇岸頂d恷m (𤏲)頭咧食草。拍獵的趁鹿仔無防備的時，“咻”一聲，一箭射出去，射著鹿仔。
鹿仔中箭受傷了後，規身軀感覺誠痛苦，倒佇塗腳哀哀叫，佇欲死的時，擱踅踅唸講：「我誠戇！g糂n-d糂知影注意陸地的狀況，煞無想著海邊仔猶原藏著危險！」