2005.12.14（三）45
【踏話頭】
一、
＊國民黨是外來政權，民進黨是外行政權。
「外來的政權」有可能一夜之間將台灣出賣掉，
「外行的政權」有可能將台灣輸gah空空空。
但是台灣若欲hŏng(予人)出賣掉，不如選擇聊聊仔輸、聊聊仔賠。
二、
＊甘願因為改革來輸，嘛毋通輸佇無作為、無改革。
執政者因為改革困難重重，有可能一時會失敗；但是若毋改革，國家、社會就會敗了了，執政者會成做台灣歷史的罪人。
《台灣主題的歌謠》
台灣快樂頌 詞：官不為(歐秀雄) 曲：官不為 唱：幸福男聲
好額散赤心情放輕鬆，好好過日心內無怨嘆，
把握機會拍拚來做工，千萬毋通做貧憚人。
燒酒幾杯灌落嚨喉空，心內憂愁敢著會消散，
一時失意毋通怪別人，創造機會才擱望後冬。
厝邊頭尾人若有困難，咱愛好心共伊鬥相共，
社會安寧家內有平安，做夥來編織快樂的夢。
啊！na-lu-uan dor-i-ia
na-ia-he na-lu-uan千萬著毋通做貧憚人。
啊！na-lu-uan dor-i-ia na-ia-he na-lu-uan做夥來編織快樂的夢。
演唱：永遠的故鄉Formosa/官不為/台語創作歌曲專輯cd-05。2001.10。
演奏：缺。
寓言故事ghu-ghiăn g𨬭-s聦
gau蟻佮粉鳥
有一隻gau(蚼)蟻，無細膩�鄜樹頂落落水池仔內。gau蟻佇水池仔內大聲喝「救命喔！救命喔！」
有一隻粉鳥du(拄)好經過水池仔，聽著gau蟻咧喝救命，就趕緊飛倒轉去，含一片樹葉仔d恷n落水池仔內，予樹葉仔浮佇水面，才叫gau蟻kah(卡)緊爬去樹葉仔頂，予樹葉仔載伊靠岸，平安倒轉去。
gau蟻平安無代誌了後，抱著感恩的心，對粉鳥講：「多謝你來解救我的性命，救命之恩我會永遠記佇心肝內。」
經過一段時間了後，有一日，粉鳥du好佇樹頂咧起鳥仔岫(si聦)。這個時陣，佇遠遠的草埔內，bh罱一個拍獵的，ghiah一支獵槍相準準，準備欲duan粉鳥。
gau蟻看著粉鳥有性命的危險，心內非常的著急，一心一意趕緊想辦法欲救粉鳥。想啊想，gau蟻靈機一動，想出一個辦法，爬去彼個拍獵的的腳盤，大嘴g糂咬落去。
拍獵的予gau蟻咬一下，疼gah哀哀叫，趕緊將手中的銃kǹg落塗腳，恷n頭落去看腳。粉鳥聽著拍獵的的叫聲，一時生驚就即時飛走。
拍獵的看著粉鳥飛走去，只好將銃ki稭rh(抾)起來，誠失望來離開。後來粉鳥知影是gau蟻來救伊的，就真感激對gau蟻講：「真多謝你救我一命！」gau蟻嘛足歡喜的，因為伊報答粉鳥當時的救命之恩。
【附】
＊人情留一線，日後好相看。
＊天生我才必有用。＊lam-lam(荏荏)馬，嘛有一步踢。
＊一枝草，一點露。＊毋通看貓無點。
＊知恩報本。＊食人一斤，還人四兩。
＊廣結善緣。＊結緣毋通結冤。