1. 一隻鳥仔吇救救
2. 六月茉莉
3. 天烏烏
4. 牛犁歌
5. 丟丟銅
6. 西北雨直直落

7. 走路調
8. 思想起
9. 恆春調
10. 病囝歌
11. 喔嗊嗊
12. 搖籃歌

嘿嘿嘿都一隻鳥仔，哮救救咧嘿喔，
哮到三更一半暝揣無岫，喔嘿喔。啊…

嘿嘿嘿都啥乜人仔，甲阮弄破即箇岫都呢，
予阮掠著唔放伊干休，喔嘿喔。啊…

六月茉莉真正美，郎君生做哩都真古錐。
好花難得成雙對，身邊無娘哩都上克虧。

六月茉莉真正香，單身娘仔哩都守空房。
好花也著有人挽，沒人知影哩都氣死人。

六月茉莉香透天，單身娘仔哩都無了時。
好花也著合人意，何時郎君哩都在身邊。

六月茉莉滿山香，挽花也著哩都惜花欉。
親像蝴蝶亂亂弄，採過一欉哩都過一欉。

六月茉莉透暝香，單身娘仔哩都做眠夢。
好花開了等下冬，娘仔親成哩都何時放。

六月茉莉分六路，一欉較美哩都搬落壼。
日時要挽有人顧，暝時要挽哩都人看無。

天烏烏要落雨，阿公仔舉鋤頭要掘芋，
掘啊掘，掘啊掘，掘著一尾旋鰡鼓，依喲嗄都真正趣味。

阿公仔要煮鹼，阿媽要煮淡，倆人相打弄破鼎，
依喲嗄都啷噹叱噹槍，哇哈哈。

阿公仔要煮鹼，阿媽要煮淡，
阿公仔要煮鹼，阿媽要煮淡，倆人相打弄破鼎，
依喲嗄都啷噹叱噹槍，哇哈哈。(重複)

頭戴竹笠喂，遮日頭啊喂，
手牽著犁兄喂，行到水田頭，奈噯唷犁兄喂，
日曝汗愈流，大家合力啊，來打拼噯唷喂，
奈噯唷里都犁兄唉，日曝汗愈流，大家來打拼，噯唷喂。

腳踏水車喂，在水門啊喂，
手牽著犁妹喂，透早天未光，奈噯唷犁妹喂，
水冰透心腸，大家合力啊，來打拼噯唷喂，
奈噯唷里都犁妹唉，水冰透心腸，大家來打拼，噯唷喂。

手扶牛耙喂，來鋤田啊喂，
我勸著犁兄喂，毋通叫艱苦，奈噯唷犁兄喂，
為著顧三餐，大家合力啊，來打拼噯唷喂，
奈噯唷里都犁兄唉，為著顧三餐，大家來打拼，噯唷喂。

火車行到伊都，阿末伊都丟，唉唷磅空內。
磅空的水伊都，丟丟銅仔伊都，阿末伊都，丟仔伊都滴落來。

雙腳踏到伊都，阿末伊都丟，唉唷台北市。
看見電燈伊都，丟丟銅仔伊都，阿末伊都，丟仔伊都寫紅字。

人地生疏伊都，阿末伊都丟，唉唷來擱去。
險給黑頭伊都，丟丟銅仔伊都，阿末伊都，丟仔伊都撞半死。

借問公園伊都，阿末伊都丟，唉唷對都去。
問著客人伊都，丟丟銅仔伊都，阿末伊都，丟仔伊都我不知。

拖車走到伊都，阿末伊都丟，唉唷拖我去。
去到公園伊都，丟丟銅仔伊都，阿末伊都，丟仔伊都摸無錢。

拖車大哥伊都，阿末伊都丟，唉唷免生氣。
明年還你伊都，丟丟銅仔伊都，阿末伊都，丟仔伊都有甲利。

西北雨直直落，鯽仔魚卜娶某。
鮕鮐兄拍鑼鼓，媒人婆仔土虱嫂，
日頭暗揣無路，趕緊來火金姑，
做好心來照路，西北雨直直落。

西北雨直直落，白鷺鷥來趕路。
搬山嶺過溪河，找無岫跋一倒，
日頭暗卜怎好，土地婆做好心來帶路，
西北雨直直落。

緊來走啊，咿…………，
縱身望路卜來去咿，唔通路中，唔通路中，路中相延遲。

思啊想啊起，日頭出來啊伊都滿天紅，
枋寮哪過去啊，伊都是楓港，噯唷喂。
希望阿哥來疼痛，噯唷喂。
噯唷疼痛小妹啊做工人，噯唷喂。

思啊想啊起，四重溪底啊伊都全全石，
梅花哪當開啊，伊都會落葉，噯唷喂。
小妹啊想君抹得著，噯唷喂。
噯唷恰慘拖命啊吃傷藥，噯唷喂。

思啊想啊起，恆春大路啊伊都透溫泉，
燈台哪對面啊，伊都馬鞍山，噯唷喂。
阿哥啊返去妹無伴，噯唷喂。
噯唷親像轆鑽啊刺心肝，噯唷喂。

思啊想啊起，恆春過了啊伊都是車城，
花言哪巧語啊，伊都不愛聽，噯唷喂。
阿妹啊講話若有影，噯唷喂。
噯唷刀鎗作路啊也敢行，噯唷喂。

附：
思啊想啊起，桃花含唇啊伊都有胭脂。
李花哪獻白啊，伊都無香味，噯唷喂。
舊情啊再來思想起，噯唷喂。
噯唷甘蔗好吃啊雙頭甜，噯唷喂。

思啊想啊起，綠竹開花啊伊都綠竹青。
大某哪娶了阿，伊都娶小姨，噯唷喂。
小姨啊娶來人人愛，噯唷喂。
噯唷放捨大某啊可憐代，噯唷喂。

（男）要去台東花蓮港，路途生疏仔喂，是不識人。
　　　希望阿哥仔來疼痛，疼痛阿娘喂，是出外人。

（女）要去恆春無外遠，妖壽尖山仔喂，是鎮中央。
　　　等待尖山仔迺輪返，即來甲君喂，來睏同床。

（男）要去伊平搬山崙，看著阿娘仔喂，是結歸群。
　　　其中彼個仔阮意愛，可惜無人喂，來鬥安排。

（女）阿君不知叨位來，日頭落山仔喂，來講你知。
　　　阿娘生美仔像英台，阿君生美喂，親像梁兄。

(男)正月算來囉，桃花開。(女)娘今病囝伊都無人知。(一)
(男)君今問娘囉，卜食啥乜。(女)卜食山東香水梨。
(男)卜食我來去買，(女)你買予我食，(男)哎喲俺某喂。

(男)二月算來囉，田草青。(女)娘今病囝伊都面青青。(二)
(男)君今問娘囉，卜食啥乜。(女)卜食枝尾桃桃仔青。
(男)卜食我來去買，(女)你買予我食，(男)哎喲俺某喂。

(男)三月算來囉，人播田。(女)娘今病囝伊都心艱難。(三)
(男)君今問娘囉，卜食啥乜。(女)卜食老酒這大矸。
(男)卜食我來去買，(女)你買予我食，(男)哎喲俺某喂。

(男)四月算來囉，日頭長。(女)娘今病囝伊都面帶黃。(四)
(男)君今問娘囉，卜食啥乜。(女)卜食仙草滴白糖。
(男)卜食我來去買，(女)你買予我食，(男)哎喲俺某喂。

(男)五月算來囉，人扒船。(女)娘今病囝伊都心憂悶。(五)
(男)君今問娘囉，卜食啥乜。(女)卜食五香雙糕潤。
(男)卜食我來去買，(女)你買予我食，(男)哎喲俺某喂。

(男)六月算來囉，碌碡天。(女)娘今病囝伊都倚床邊。(六)
(男)君今問娘囉，卜食啥乜。(女)卜食新出紅荔枝。
(男)卜食我來去買，(女)你買予我食，(男)哎喲俺某喂。

(男)七月算來囉，是普施。(女)娘今病囝伊都心礙礙。(七)
(男)君今問娘囉，卜食啥乜。(女)卜食豬肺炒鳳梨。
(男)卜食我來去買，(女)你買予我食，(男)哎喲俺某喂。

(男)八月算來囉，是中秋。(女)娘今病囝伊都面憂憂。(八)
(男)君今問娘囉，卜食啥乜。(女)卜食麻豆文旦柚。
(男)卜食我來去買，(女)你買予我食，(男)哎喲俺某喂。

(男)九月算來囉，九葡萄。(女)娘今病囝伊都無奈何。(九)
(男)君今問娘囉，卜食啥乜。(女)卜食羊肉炒黑棗。
(男)卜食我來去買，(女)你買予我食，(男)哎喲俺某喂。

(男)十月算來囉，人收冬。(女)孩兒落土伊都腹內空。(十)
(男)君今問娘囉，卜食啥乜。(女)卜食麻油炒雞公。
(男)卜食我來去買，(女)你買予我食，(男)哎喲俺某喂。

十三十四電頭鬃，啊喔嗊嗊，啊喔嗊嗊。
阿母仔，唔知囝輕重。親像牡丹花當紅啊。
喔嗊嗊啊，喔嗊嗊，喔嗊嗊。

十五十六轉大人，啊喔嗊嗊，啊喔嗊嗊。
阿母仔，唔知囝輕重。睏著會寒佮會凍啊。
喔嗊嗊啊，喔嗊嗊，喔嗊嗊。

十七十八當活動，啊喔嗊嗊，啊喔嗊嗊。
阿母仔，唔知囝輕重。希望予囝早嫁尪。
喔嗊嗊啊，喔嗊嗊，喔嗊嗊。

十九二十半內行，啊喔嗊嗊，啊喔嗊嗊。
阿母仔，唔知囝輕重。親晟趕緊甲阮放。
喔嗊嗊啊，喔嗊嗊，喔嗊嗊。

搖仔搖仔搖，搖荖搖，搖來搖去，一搖搖到烏趁橋。
橋邊雙爿，樹木花蕊青笑笑，橋下一條清清溪水流無歇。

搖仔搖仔搖，搖荖搖，搖來搖去，一搖搖到烏趁橋。
乖嬰古錐，親像花蕊文文笑，阿娘阿爹無時無瞬疼惜惜。

搖仔搖仔搖，搖荖搖，搖來搖去，一搖搖到烏趁橋。
乖嬰爻大，暝大一寸日大一尺，連鞭會行連鞭會走也會哮。