1. 心酸酸
2. 台灣組曲
3. 四季紅
4. 母親的名叫台灣
5. 白牡丹
6. 安平追想曲
7. 阮若打開心內門窗
8. 雨夜花
9. 南都夜曲

10. 桃花泣血記
11. 桃花鄉
12. 望你早歸
13. 望春風
14. 悲戀的酒杯
15. 菅芒花
16. 農村曲
17. 滿面春風

我君離開千里遠啊，放阮孤單守家門。
抹食抹睏腳手軟啊，暝日思君心酸酸。

無疑一去無倒返啊，辜負青春暝日長。
連寫批信煞來斷啊，呼阮等無心酸酸。

一時變心抹按算啊，秋風慘淡草木黃。
風冷情冷是無盼啊，光景引阮心酸酸。

白牡丹笑呅呅，妖嬌含蕊等親君，無憂愁無怨恨。
單守花園一枝春，啊........，單守花園一枝春。

白牡丹白花蕊，春風無來花無開，無亂開無亂美。
不願旋枝出牆圍，啊........，不願旋枝出牆圍。

白牡丹等君挽，希望惜花頭一層，無嫌早無嫌慢。
甘願給君插花瓶，啊........，甘願乎君插花瓶。

春天花吐清香，雙人心頭齊震動。
有話想要對你講，不知通也不通。
叨一項，敢也有別項，目呅笑，目睭講。
你我戀花朱朱紅。

夏天風正輕鬆，雙人坐船在遊江。
有話想要對你講，不知通也不通。
叨一項，敢也有別項，目呅笑，目睭講。
水底日頭朱朱紅。

秋天月照紗窗，雙人相好有所望。
有話想要對你講，不知通也不通。
叨一項，敢也有別項，目呅笑，目睭講。
嘴唇胭脂朱朱紅。

冬天風真難當，雙人相好不驚凍。
有話想要對你講，不知通也不通。
叨一項，敢也有別項，目呅笑，目睭講。
愛情熱度朱朱紅。

母親是山，母親是海，母親是河，母親的名叫台灣。
母親是良知，母親是正義，母親是你咱的春天。
二千萬粒的蕃薯子，不敢叫出母親的名，
台灣敢是彼難聽，想著心寒起畏寒。
二千萬粒的蕃薯子，抹當叫出母親的名，
親像啞吧壓死子，乎人心凝捶心肝。
二千萬粒的蕃薯子，不倘靜靜不出聲，
勇敢叫出母親的名，台灣啊，台灣啊，你是母親的名。

屏東以前叫阿猴 高雄舊名是打狗
民雄舊名是打貓 台南古都赤崁樓
永康叫做埔羌頭 白河古時店仔口
北斗舊名是寶斗 人說台西是海口
清水叫做牛馬頭 新竹古時叫竹塹
嘉義舊名諸羅山 隆田叫做番仔田
阿公店叫做崗山 員林椪柑最棒了
鹿港青蚵是名產 麻豆文旦最好吃
人說寶島是台灣 望你早歸

身穿花紅長洋裝，風吹金髮思情郎，
想郎船何往，音信全無通，伊是行船遇風浪。
放阮情難忘，心情無地講，想思寄著海邊風，
海風無情笑阮憨。啊....，不知初戀心茫茫。

想思情郎想自己，不知爹親二十年，
思念想欲見，只有金十字，給阮母親做遺記。
放阮私生兒，聽母初講起，愈想不幸愈哀悲，
到底現在生也死。啊....，伊是荷蘭的船醫。

想起母子的運命，心肝想爹也怨爹，
別人有爹痛，阮是母親晟，今日青春孤單影。
全望多情兄，望兄的船隻，早日回歸安平城，
安平純情金小姐。啊....，等你入港銅鑼聲。

阮若打開心內的門，就會看見五彩的春光。
雖然春天無久長，總會暫時消阮滿腹辛酸。
春光春光你何在？望你永遠在阮心內。
阮若打開心內的門，就會看見五彩的春光。

阮若打開心內的窗，就會看見心愛彼的人。
雖然人去樓也空，總會暫時給阮心頭輕鬆。
所愛的人今何在？望你永遠在阮心內。
阮若打開心內的窗，就會看見心愛彼的人。

阮若打開心內的門，就會看見故鄉的田園。
雖然路途千里遠，總會暫時給阮思念想要返。
故鄉故鄉今何在？望你永遠在阮心內。
阮若打開心內的門，就會看見故鄉的田園。

阮若打開心內的窗，就會看見青春的美夢。
雖然前途無希望，總會暫時消阮滿腹怨嘆。
青春美夢今何在？望你永遠在阮心內。
阮若打開心內的窗，就會看見青春的美夢。

雨夜花，雨夜花，受風雨吹落地。
無人看見，暝日怨嗟，花謝落土不再回。

花落土，花落土，有誰人可看顧。
無情風雨，誤阮前途，花蕊凋落要如何。

雨無情，雨無情，無想阮的前程。
並無看顧，軟弱心性，乎阮前途失光明。

雨水滴，雨水滴，引阮入受難池。
怎樣乎阮，離葉離枝，永遠無人通看見。

南都更深，歌聲滿街頂，冬天風搖，酒館繡中燈。
姑娘溫酒，等君驚打冷，無疑君心，先冷變絕情。
啊........啊........，薄命薄命，為君哭不停。

甜言蜜語，完全是相騙，站在路頭，酒醉亂亂顛。
顛來倒去，君送金腳鍊，玲玲瓏瓏，叫醒初結緣。
啊........啊........，愛情愛情，可比紙雲煙。

安平港水，沖走愛情散，月也薄情，避在東邊山。
酒館五更，悲慘哭無伴，手彈琵琶，哀調鑽心肝。
啊........啊........，孤單孤單，無伴風愈寒。

桃花鄉，桃花鄉是戀愛地，我比蝴蝶，妹妹來比桃花。
雙腳行齊齊，我的心肝，你的心肝，
愛在心底，愛在心底，愛是寶貝，我的希望，只有妹妹。
啊...桃花鄉是戀愛地，我比蝴蝶，妹妹來比桃花。

桃花鄉，桃花鄉是戀愛城，滿面春風，雙雙合唱歌聲。
春風吹入城，我的心肝，你的心肝。
心肝夯定，心肝夯定，相愛相疼，永遠甘蜜，有妹有兄。
啊...桃花鄉是戀愛城，滿面春風，雙雙合唱歌聲。

人生就像桃花枝，有時開花有時死，
花有春天再開期，人若死去無活時。

戀愛無分階級性，第一要緊是真情，
琳姑出世歹環境，親像桃花彼薄命。

德恩無想是富戶，專心實意愛琳姑，
免驚日後來相誤，我是男子無糊塗。

琳姑本正也愛伊，信用德恩無懷疑，
每日作陣真歡喜，望要作伊的妻兒。

禮教束縛非現代，最好自由的世界，
德恩老母無理解，雖然有錢也真害。

紅顏自本多薄命，拆散兩人的真情，
運命作孽真僥倖，失意斷送過一生。

菅芒花白無香，冷風來搖動。
無虛華無美夢，啥人相疼痛。
世間人錦上添花，無人來探望，
只有月亮清白光明，照阮的迷夢。

菅芒花白無味，生來唔著時。
無玉葉無金枝，啥人會甲意。
世間事鏡花水影，花紅有了時，
只有風姨溫柔搖擺，顧阮的腰肢。

菅芒花白文文，出世在寒門。
無美貌無青春，啥人來溫存。
世間情一場幻夢，船過水無痕，
多情金姑來來去去，伴阮過黃昏。

孤夜無伴守燈下，清風對面吹。
十七八歲未出嫁，遇到少年家。
果然標緻面肉白，誰家人子弟。
想要問伊驚歹勢，心內彈琵琶。

想要郎君做夫婿，意愛在心內。
等待何時君來採，青春花當開。
聽見外面有人來，開門甲看覓。
月亮笑阮是戇大呆，乎風騙不知。

每日思念你一人，抹得通相見。
親像鴛鴦水鴨不時相隨，無疑會來拆分離。
牛郎織女他二人，每年有相會。
怎樣你那一去全然無批，放捨阮孤單一個。

若是黃昏月亮要出來時，加添阮心內悲哀。
你要甲阮離開彼一日，也是月亮要出來的時。
阮只好來拜託月亮，替阮講乎你知。
講阮每日悲傷流目屎，希望你早一日返來。

別人捧杯爽快得合歡，阮捧酒杯悽慘又失戀。
世間幾個親像阮這款，噯唷！噯唷！愛是目屎甲憔煩。

自嘆自恨看破了當初，吐氣無奈一杯又一杯。
毋管人笑酒醉倒在地，噯唷！噯唷！誰知阮為啥問題。

帶著酒氣暝日定定紅，目的不是貪著燒酒香。
看破世情一切像眠夢，噯唷！噯唷！第一悽慘失戀人。

透早就出門，天色漸漸光。
受苦無人問，行到田中央，行到田中央。
為著顧三餐，顧三餐，毋驚田水冷酸酸。

炎天赤日頭，悽慘日中罩。
有時踏水車，有時就囌草，希望好日後。
每日巡田頭，巡田頭。毋驚嘴乾汗哪流。

日頭那落山，工作即有息。
有時歸身汗，忍著寒甲熱，希望好年冬。
稻仔快快大，快快大，阮的心頭就快活。

人阮彼日甲伊雙人，做陣去遊去，
伊有對阮講起愛情，說出青春夢，
又擱講阮生成愛嬌，生做真活動。
乎阮一時想著歹勢，見誚面煞紅。

又擱一日甲伊行入，一間小茶房，
雙人對坐滿面春風，咖啡味清香，
彼時伊也對阮講起，結婚的事項。
乎阮一時想著歹勢，見誚面煞紅。

一日黃昏伊有講起，若達成希望，
會得結婚不免等待，三年也二冬，
會凍造成可愛子兒，幸福一世人。
乎阮一時想著歹勢，見誚面煞紅。