想厝的心情(修正版)

餐旅學院烘焙系/2000.05

厝是咱人一世人的岫，無論好天也是落雨，攏予咱上蓋安全的保護，但是經過了舊年(1999)的九二一大地動了後，足濟人煞無厝通好蹛(dua)，尾後逐家對(ùi-)電視新聞知影即個情形了後，著(dorh-)有善心的人士前往災區，為災民起一寡組合厝，但是有的人著無跡(ziàh)幸運囉！怹即碼有的擱蹛佇搭棚內面，有的蹛佇別人無愛的豬寮內面，想著怹的困境，心肝頭著感覺實實(zat-zat)艱苦，仝款攏是台灣人，是按怎那有毋仝款的命運咧？尤其是最近阮兜附近有一個有錢人，怹厝才起無偌久，感覺無合意，著馬上共伊拆掉，親像迄的家庭環境跡爾好，實在無濟，厝起了無合意，只是開伊千萬分之一的財產而已，但是對無厝通好蹛的災民來講，卻是上蓋大的討債（浪費）。

我想咱人生攏嘛是有起有落的，阮阿公定定共阮講：『飽的時毋通袂記得枵的時』，意思是咧講咱人若是有一日好額了後，千萬著毋通袂記得艱苦的時陣。講到遮，我想咱每一個人攏愛感覺幸福，因為咱踮佇(在)台灣，大部分的人攏有厝通好蹛，所過的是無煩惱食穿的生活，咱應該愛感恩，佇家己的能力以內，嘛伸手出來幫助需要幫助的人，我想按爾才是一個有溫暖的社會。

想厝的心情 (原版)

厝是咱人(一世人)的避風港，不論好天也是落雨，隴予咱上蓋安全的保護，但是經過了舊年(1999)的九二一大地動（震）了後，足濟人煞來無厝疼好住，尾後逐家逶電視新聞知影即咧情形了後，就有善心的人士前往災區，為災民起一寡仔組合厝，但是有的人著無即幸運囉！因即碼有的隔住佇的搭棚內面，有的住的別人不要的豬寮內面，想到因的因境，心肝頭煞感覺酸酸，仝款攏是台灣人是按怎那有毋仝款的處境呢？尤其是最近阮tau1附近有一個有錢人，因厝卡起毋多久，就感覺不甲意，馬上共伊打掉，親像迄咧家庭環境跡爾好的，實在無濟，厝起了不合意，只是開伊的千萬分之一，但是對無厝疼好住的災民來講，卻是上蓋大的討債（浪費）。

我想咱人生攏嘛是有起有落的，阮阿公常共阮講：『飽時不疼袂記的餓的時』，意思是te 講咱人那是有一日好野（有錢）了後，千萬著毋疼袂記的艱苦的時準。講到遮，我想咱每一e 人攏愛感覺幸福，因為咱惦在台灣，大部分的人攏有厝疼好住，過得算是豐衣足食，咱應該要感恩，佇e 家己的能力範圍以內，嘛伸手出來幫助需要幫助的人，我感覺安爾卡是一咧有溫暖的社會。