■台語小偏方:激骨仔話 「激骨仔話」有人稱做「孽譎仔話(giat8-khiat4-a2-ue7)」、「孽畜仔話(giat8-thiok4)」,北京話叫做「歇後語(hiat4-hio7-gu2)。激骨仔話是將真正要講的話故意藏起來,不明講,講者往往只講出前一部份,讓聽的人跟話尾,去想真正的話意。當想著的時,常會哈哈大笑。 【激骨仔話舉例】 .一空掠雙隻 ─好康(空) .一盤魚脯仔 ─全全頭 .八仙過海 ─隨人變通 .十全欠兩味 ─八珍 .乞食做祀 ─無半撇(phiat4)(無半盤) .乞食揹(phainn7)葫蘆 ─假仙 .大兄坐無正 ─歪哥 .火燒甘蔗園 ─無笚(無合) .火燒罟寮 ─無網(無望) .火燒墓仔埔 ─薰鬼 .北港廟壁 ─畫仙(話仙) .台南迎媽祖 ─無奇(旗)不有 .甘蔗規枝囓(khe3) ─無斬節(無站節) .耳空塞破布 ─假無聽 .西北雨 ─大落 .囡仔人食甘蔗 ─食少吐濟 .和尚划船 ─無髮渡(無法度) .狗吠火車 ─無路用 .金仔山查某 ─礦區女(控固力) .阿公仔娶某 ─加婆(家婆) .阿公爬(peh4)山 ─邊仔喘 .阿婆也炊粿 ─倒塌(倒凹、倒貼) .青暝(盲)食圓 ─心內有數 .青暝个看戲 ─綴人笑(huah4) .保護三藏取經 ─著猴(需要猴齊天) .查某人喙齒 ─女牙 (汝个) .紅龜抹油 ─嫷面 .美國西裝 ─大輸(大軀) .胡蠅戴龍圓殼 ─蓋頭蓋面(憨頭憨面) .食紅柿配燒酒 ─存死 .烏矸仔貯豆油 ─無地看(看不會出來) .納稅 ─飼政府(市政府) .缺喙的食米粉 ─看現現 .草厝湊(鬥)鐵窗 ─無四配 .釘板模師傅退休 ─會譑,譑甲袂譑(撬) .做賊點燈火 ─真癮頭(gian3-thau5) .啞口予蜂釘著 ─無話講 .娶啞口某 ─指天突地 .娶新婦,嫁查某囝 ─一入一出 .接骨師 ─鬥跤手 .產婆摸尻川(kha1-chng1) ─外行 .規欉好好 ─無剉(無錯) .鳥鼠仔無洗身驅 ─有鼠味(有趣味) .麻薯師父 ─欠舂(cing1) .蚼(狗)蟻跋落鼎 ─吵死(炒死) .博士班畢業 ─無效(校) .提錢挵破人的腰兜 ─無彩錢 .提薑母,拭目墘 ─假哭 .斑鴿吼(hau2) ─久久久(咕咕咕) .菜脯搵豆油 ─加了 .當衫仔褲,買燒酒 ─顧喙無顧身 .矮人爬厝頂 ─欠梯 .矮人看戲 ─綴人喝(huah4) .跤底抹粉 ─妝跤(庄跤、鄉下) .摸蜊兼洗褲 ─一兼二顧(順煞工) .漏稅 ─關政府(縣政府) .種匏仔生菜瓜 ─有夠衰 .貓爬樹 ─毋成猴(無像猴) .頷管(kun2)生瘤 ─拄著 .頭殼戴石帽 ─毋知輕重 .雞仔啄鈕仔 ─無彩喙
|