■台語小偏方:謎猜 「謎猜」是用來影射事情、東西、動物、植物、人抑是文字等,讓人猜的暗語遊戲。 「謎猜」的題目叫做「謎面」,謎猜的答案叫做「謎底」。台灣話的謎猜,除了考驗一個人機巧、詼諧以外,它往往帶有教育兒童的作用。尤其是謎面往往講究「押韻、鬥句」的特色,所以容易默唸、好記。 【謎猜舉例】 .一支矸仔,貯兩粒烏棗,日時開,暝時鎖。→臆身體部位(目珠) .一枝竹仔直溜溜,有鼻仔無目珠。─針。 .一坵田鬆鬆鬆,幾蕊花紅紅紅。─香爐 .一個老歲(伙)仔,老哀哀,厝前厝後補米篩,胡蠅、蠓仔毋敢來。(蜘蛛) .一群鴨仔白蒼蒼,二枝竹篙趕入空。─食飯 .一欉樹仔,兩片葉,斡(uat8)來斡去看袂著。→臆身體部位─耳仔 .九個人,十粒頭殼。─基隆 .九橫六直,孔子公想三日。─晶 .二姊妹仔,平峘平大,一個佇內,一個佇外。→臆日常用品一種。(鏡) .二個賣蚵仔蹛隔壁,二個大姐頭仔喝卜掠。─擤鼻 .八個人扛一面鼓,二個舉竹篙叉佮塗冤家。─蟳仔 .大姊頕垂,二姊粗皮,三姊無骨,四姊無皮。─檨仔、荔枝、芎蕉、蓮霧 .山頂一區秧,無雨無水家己長。─頭毛 .五股菜園仔,四股溝,五塊厝瓦蓋(kham3)股頭。─手 .公仔峘,婆仔矮,公仔放尿予婆仔貯(te2)。─茶鈷、杯仔─滕茶(thin5) .半天起一間廳,起甲無「鑿仔」聲。─鳥仔岫 .四角二面;六齒(起)七面(拿起擦面)─面巾
.四個兄弟,仝名無仝姓,一個水裡淪(nng3),一個塗裡鑽(cng3),一個手裡 .四跤二耳,歕鼓吹,賣蔭豉(sinn7)。─羊仔(咩仔) .生時佇水溝,死時佇床頭,也卜看人生,也卜看人死。─草蓆 .白甕仔貯(te2)黃蜜,會生跤,會發翼(sit8)─雞卵 .有根擱無枝,有葉擱無子,風吹溜溜去,日頭曝袂死。─水薸 .有跤無手,有穿衫無鈕,出門坐飛行機,串啉(lim1)紅露酒。─蠓仔 .有翼飛袂起,無跤走千里。─魚 .有聽見聲無看見影,有滋味無鹹汫。─放屁 .肉空對肉榫,姿勢著掠予準。頂懸抱尻川,下跤抱頷頸。─阿母飼奶 .我的手攬汝的腰;汝的尻川,放予火燒。─食薰 .長若弓,圓若斗,卜來初三、四,卜走廿八、九。─月娘 .青布包白布,白布包柴梳,柴梳包蝦米,蝦米包酸醋。─柚仔 .洞口一堆草,囡仔(gin2-a2)揹袂贏,老人揹咧踉踉走。─喙鬚 .穿長衫,沓(疊)馬褂,食點心,腹肚破。─炮仔 .紅布包白布,一喙食一喙吐。─甘蔗 .紅門籬,白蠓罩,中央蹛一個烏頭仔舍。─荔枝 .紅筒仔蓋(kham3)烏蓋,借汝摸,毋通扑破。─紅柿 .紅頭師公,瘸手裁縫,大不孝,死袂臭。→(胡蠅、虼蠽、虱母、蜜蜂) .柴做城(siann5),竹做埕(tiann5)、龜敢過,人毋敢行(kiann5)。─籠床 .細漢穿烏衫,大漢穿青袍,水內過日子,岸頂咧睏晝。─田蛤仔(四跤仔) .規面全庣(thiau5)仔子。─貓、鱉、豹 .頂山佮下山,中央一塊牛肉乾。─喙舌 .頂石合(kap4)下石,會生根袂發葉。─喙齒 .頂無瓦,下無磚,新起大厝無久長。─戲棚。 .新娘無洗身軀。─甲仙 .廣東是廣東,相拍扭頭鬃。─鑱仔(鈸)。 .樹頂一塊碗,雨來貯袂滿。─鳥岫 .貓大姑,嫷新婦,躼跤姊夫,紅面大舅。─苦瓜、瓠仔、菜瓜、茄仔 .頭全刺,尾拖帆,在生無血色,死後滿身紅。─龍蝦 .頭食塗,尾凍露,卜食剝衫褲。─竹筍 .頭圓圓,尾直直,六隻跤,四隻翼。─田蠳(chan5-enn1)
|