一更窮，二更富，pu³
　　三更起大厝，四更拆袂赴。hu³

人生起起落落，足濟互人料想袂到的代誌。即句俗語描寫一個人一夜之間，唯散赤夠好額起大厝，唔拘天猶(iau2)未光煞咧走路，「落魄」、「風光」攏看佇眼前，真是使人感慨萬千。

俗語講得好：「坐咧食，山嘛也崩」。一個人若願趁願食，唔免驚會餓死，。「勤儉拍拚」恰有底。一個人上驚趁著大錢了後，去惹著歹習慣，比如酒、飲、嫖、賭、毒，等，遮兮物件，往往攏會使人傾家蕩產。莫怪有人一夜之間財產化為烏有。另外，趁錢愛照起工，唔通一心想卜好額，著行歪路趁無良心錢，一旦事機敗漏被發現，著會家伙破產。古早人講：「僥倖錢失德了，流汗錢開袂了。」是值得咱思考的一句話。

參即句俗語相關的：

1. 半暝報贏徼，天光報上吊。
2. 好天無存雨來糧，到雨來就無思量。
3. 一更報喜，二更報死。

　〔註〕

1. 一更窮：窮keng5，讀台語音「敬」的第五調。指窮困之意。
2. 二更富：富pu3，讀台語音「新『婦』仔」，指富有之意。
3. 拆袂赴：袂be7，讀台語音「賣」，表否定不會之意。赴hu3，讀台語音「副」，來得及之意。整句表示來不及、趕不上拆掉房子。