一枝草一點露，loo⁷
天無絕人之路。loo⁷

即句俗語，佇台灣過去的農業社會，常常用來鼓勵趁食人愛拍拚，自有生路，著親像連一支草仔，上天嘛也賜伊一點露水，互伊活落去。共款，人嘛是按爾，只要照步來，自有上天的相助。

李白的名詩「將進酒」內底講著：「天生我材必有用」，這是一句相當積極、樂觀的話，講了相當的好。咱攏知，一個人經過十月懷胎來出世，受著父母的照顧慢慢才長大。但是在成長的過程中，受著個性、環境佮教育的影響，形成甲人無共款的特質。但是唔管怎樣，每一個人攏有伊特別的所在。佇心理學觀點講，做一個人，首先愛先認識家己(如個性、興趣、專長、外表、體力、環境、思想…)，然後接納家己(家己是世界上獨一無二的人)、欣賞家己(家己嘛有可愛的所在)，最後肯定家己、建立自信心。若安爾，咱著會看得起家己，然後發揮出家己的潛力，做出一番的大事業。

參即句俗語相關的：

1. 甘願做牛，唔驚無犁拖。
2. 做雞著筅(chheng2)，做人著反(peng2)。
3. 三分天註定，七分靠拍拚。
4. 東港無魚，西港拋。
5. 有病死，無餓死。

　〔註〕

1. 將進酒：李白的名詩，「君不見黃河之水天上來，奔流到海不復還。……呼兒將出換美酒，與爾同銷萬古愁。」這首詩，如以台語朗誦，你就能體會出台語聲韻之美、及唐詩的味道，這種驚奇的經驗絕對不是說慣了國語者，所能體會出的。