一時風駛一時船,chun5
|
即句俗語勸人做代誌愛會曉「看事辦事」,唔通死頭殼袂(be7)變竅,若(na2)親像駛船的時陣,愛看風向,才袂食力佫無采(chhai2)工。共款的道理,佇(ti7)官場卜求發展,愛用錢送紅包來拍通官路,才袂「做甲流汗,嫌甲流瀾(noa7)」,當然這是一句諷刺的話。 一個人做事的要領,愛隨時綴(toe3)時勢潮流來改變,唔通(m7-thang1)執迷不悟,自認為聰明,專做一寡了戇工的代誌,這是做事的方法。但是佇做人方面,著愛跤踏實地做事,唔通為著卜達成目的,專門行後門、斬小路,送紅包佮人巴結的代誌,這是會互人看輕的行為,失去了做人的尊嚴。如果「一時官一時銀」的作風無改變,這個社會猶(iu5)原是「人治的社會」,做代誌愛看人的面色,永遠都無法度建立「有制度」、「有法治」的社會,若安爾,著唔是一個現代文明社會。所以即句俗語。雖然教示咱愛「見機行事」掠著方向,但是嘛愛堅持做人的原則,建立家己的風格。 參即句俗語相關的:
〔註〕
|