一頓久久,ku2
|
即句俗語說明,有的人食飯無定時,有當時食一頓飯踉(lang3)傷久,有時仔兩頓煞綴(toe3)做伙。總講一句是,生活無正常,參食飯亦拖拖沙沙,無法度照正常的時間進行。 工商社會的特色是,逐(tak8)家攏親像誠(chiaN5)無閒,唔知咧無閒啥乜(mih4)?照文字學來解釋「忙」是心亡;「盲」是目亡。所以「忙」表示失去了「方寸」,生活無方向、無目標,做代誌無計劃、無效率,進一步講可能是無「量力自為」,心肝恰大天,莫怪規日無閒唧唧(chhih4),無法度過著正常的生活。其實一個人所拍拚的,是為著三頓。三頓有下落的人,嘛是為著卜過恰好的生活品質,結局參食一頓都袂當正常、都無度好好享受,這是唔是誠諷刺的代誌。禪宗有一句話講:「食飯的時陣食飯,睏的時陣去睏。」即句話值得咱好好去體會。 參即句俗語有相關的:
〔註〕
|