七坐、八爬、九發牙che7-pe5-ge5 |
即句俗語是咧(le0)描寫嬰仔(eN1-a2)成長的過程:七個月開始會曉學坐,八個月著會佇土跤(kha1)爬來爬去,第九個月就開始發喙(chhui3)齒。按即個(e5)過程,看出一個嬰仔生長的艱難,但是嘛感受著嬰仔大漢的歡喜。 「嬰(iN1)仔嬰嬰睏,一暝大一寸;嬰仔嬰嬰惜,一暝大一尺。」這是逐(tak8)家攏會當(tang3)琅琅(long2)上口的「搖嬰仔歌」。這是一幕足動人影像,嘛是一首足感人的歌曲。人(lang5)的生命歲壽雖然有限,但是透過嬰仔來出世,人(jin5)類的生命卻是安爾延續落來。但是嬰仔成長,是父母付出無數的心血,俗語講:「一塊紅紅,顧甲變大人。」是上好的說明。「七坐、八爬、九發牙」,每一個動作、成長、攏有伊的階段性,一步仔一步來達成。共款的道理,一般人唔管是就學亦是創業,為著卜(be7)達成目標,嘛是像嬰仔咧大漢的方式,愛照步來。中國的聖賢─老子,伊所主張的理想社會是教人「倒轉去嬰仔的世界」,即個觀念值得咱好好來思考的。 參即句俗語有相關的:
〔註〕
|