人爻,
gau5
|
即句俗語主要是咧(leh4)表示,人的聰明才調(tiau7)佮天是袂比的。所以往往「天不從人願。」勸「人」唔通驕傲,愛會曉謙卑、知進退,這才是為人之道。 佇台南有三大名匾,「爾來了」、「了然世界」、「一」,其中以天公廟(天壇)的「一」字匾上出名。即塊「一」字匾,教示眾善男信女講,「千算萬算,唔值天一劃。」基督教的聖經箴言有一句話講:「汝著專心倚靠上帝,唔通倚靠汝家己的爻。」「天公」也好、「上帝」也好攏會當看做大自然的主宰,代表的是世間的「真理」。過去因為「人」的無知,想卜超越大自然,誇口講「人定勝天」,所以無限制的開發,徹底破壞了大自然的生態,結局「臭氧層」有破空,「水土保持」袂好勢,莫怪不時鬧水災、旱災等天災不斷,這攏是「天咧做對頭。」所致。「現代文明人」愛好好體會即句古早話的教示,為下一代留一塊淨土,夆囝孫有生存的空間。 參即句俗語相關的:
〔註〕
|