人生親像大舞臺,tai5
|
即句俗語,將人生比喻做一個「大舞臺」,在人生的過程中,有悲傷流目屎 亦有歡喜笑詼(khoe1)的劇情,終其尾攏會佇人生的舞臺頂公開表演出來。 有人講,人生在世親像一齣戲,每一個人攏咧專心演伊家己的角色,有的人扮演小生、有的人扮演苦旦,有的人扮演是小丑仔、舉旗軍仔,唔管是啥乜角色,攏是劇情內底袂使(sai2)欠缺的。人生的滋味往往是鹹、酸、苦、汫(chiaN2),有光明嘛有暗淡的時陣,有得意嘛有失意的時刻,有舖橋造路的功德,嘛有僥倖失德的行為,唔管是啥款?最後攏愛現身佇世人的眼前,接受別人呵咾佮批評。前美國總統林肯,捌(bat4)講過「汝會當一時瞞騙所有的人,嘛會當永遠瞞騙一部份的人,但是汝無法度永遠欺騙所有的人。」有的獨裁者無了解「苦齣笑詼攏公開」的道理,以為會當「一手遮天」濫滲烏白做,攏無人會知影,嘛無人有法度伊。但是歷史是無情的,夠時一件一件的罪行攏記錄在人間的大舞臺上。 參即句俗語有相關的:
〔註〕
|