後壁走，先去痀tam3電力〔註一〕跤，若有儂來開水， 就共伊講咱卜排tam3伊兮後壁。

　　一尒六、七歲囡仔，三更半暝痀tam3電力跤，驚是卜講 互啥儂聽咧？有一擺，阮老父叫伊先去開水來淹(im1)田。牛 車路仔兮草仔誠(ziaN5)儂懸，伊真驚，就安爾用走兮去。佇 半路仔踢著一塊大杉，tuan5[註二]跋倒。taN5[註三]想卜罵： 「佗一尒夭壽仔遐爾烏looh8心〔註四〕，共大柴箍橫佇he1 路中央-----」斡(uat8)頭　吻　檜　一看，慘啦！大柴箍煞 跋起來卜追伊。阮大姊驚一下險疶佰 (cuah4)尿，勿赴顧痛， 起跤就霸(pa3)〔註五〕，走甲大粒汗，細粒汗。尾後，伊走 去覕(bih4)佇he1電力跤，兩蕊目睛 珠四界巡，目一兮躡(ni2)， 大柴箍tuaN5無去。伊一尒心肝pi7-pong7踩(chhai1)痀佇遐， 真正等勿到天光。　吻　檜

　　嘛唔知影過外久，天才微微仔光，有儂來園裡(lin1)行踏， 伊才敢去開水，順紲(sua3)趖去看he1是啥乜碗糕？唉！原來 是一尒痟(siau2)兮睏佇he1路中央。

　　阮老爸驚牛壓(teh4)重，唔互阮大姊坐牛車，佇he1三更半 暝，亦無星光，亦無月娘，一尒細漢囡仔，穿lo1-li1仔〔註七〕 ，綴佇牛車後壁，走佇he1坎坎坷坷兮牛車路仔，敢有儂會共 (ka7)伊可憐咧？！

　　二十幾年後，阮大姊兮後生，若受氣就講：「我唔共汝食 飯，卜互汝煩惱乎死！」舊年，阮大姊兮後生卜聯考兮進前， 佇he1補習班補習，阮大姊攏準時去共伊載來載去。有一日，姻 後生真大聲共伊講，：「汝若佫駛即台銅罐仔車來共我載，我 就唔坐汝兮車！」

　　我知影即尒代誌了後，真受氣，走去共阮外甥仔罵：「阮 細漢兮時陣，卜食白飯就望過年，平常時仔，若有蕃(han1)簽 通食就偷笑啊！配乜(mi2)配就愛ioN1-ioN1也(a1)〔註八〕；恁 外公連牛車都唔互恁老母坐。恁老母為著卜互汝讀冊通成儂， 等更等醒去共汝載，汝煞唔嘿知影好稗(bai2)，佫店遐唸滫(siau5) 敲椅條...」

　　阮外甥仔煞真傸(sang2)勢共我講：「阿姨仔！汝　吻　愛 嘛勿(mai2)佮阮老母仝款，逐項代誌都講恁卡早安那安。

　　那！阮即陣若佫佮恁卡早仝款，社會唔煞無進步，時勢　吻 愛　無仝啊啦！儂著看頭前，過去兮代誌勿佫提起...」

　　我聽甲強卜坐袂稠(taiu5)，共伊放調：「汝若我生著兮， 我早就共汝捼(jue5)死！」

　　昨昏，阮查仔囝嘛講：「我唔共汝食飯，卜互汝...」