論通用拼音的e與ia

Diōⁿ diōng-bhù / 張忠武

台語通用拼音是屬於乙式的羅馬拼音，佮甲式的羅馬拼音系統「教會羅馬拼音」、「TLPA」是有所不同。雖然通用拼音有真濟可取的優點，但是iū-ghŭan有一寡欠點，雖然無可能有十全(zňg)的拼音系統，但是欠點若愈少著愈好，所以拼音系統本身是有討論的空間。比如以ia讀e音dorh無合軀(su)。

試舉例如下：

tāp：dòr tāp 倒塌 tiāp：hi tiāp 喜帖 tiāp 讀如 i＋a 音

sāt：tō sāt 塗虱 siāt：còng siāt 創設 siāt 讀如 e 音

tiāp 佮 siāt 的ia讀音完全不同。

giā： sūaⁿ giā 山崎 giā 讀如 i＋a 音

giān：kōng giān 康健 giān 讀如 e＋n 音而非i＋a＋n音

又如 lòr siak siak（形容人長得很高的樣子），cià iaⁿ iāⁿ（赤焱焱）的ia都讀i＋a 音。

仝一套標音系統煞有無仝的發音，m 管按怎講攏是一個欠點。

換一個角度來講，英文的shut up，以通用拼音拼出來是siat āp。但佇通用拼音裡，siat擱愛讀做set 音。意即，在通用拼音裡，i+at或i+an的音是無法標示出來的。ùi zit-ē例來看，如將ia讀e音，會減少佮其他各種語言的相容通用性。

雖然規定e和ia都可用。但是既然整個系統做了改進dorh應改hō整套攏合軀才diorh。m-tāng自我矛盾，予初學者「sā無寮仔門」。

進一步來講，民間台語一般攏讀 e 音，似無i＋e的音，懷疑是受華語的影響誤做ie才標準。比如台語「煙」都是說en而非ien（這是華語）。如果有某種腔口加〝 i 〞的音，嘛應該愛寫ien才diorh。