乞 食 開 藝 旦 歌
| 卜念現代一故事 一半有實一半虛 一個乞食假紳土 卜乎藝旦飼金魚 這是頂港兮故代 有出新聞通全台 不信 來听看覓 社會人土通人知 一個查某落下港 著一個頂港人 二個冤家株骨蜂 查埔不愿即想空 早前 帶在草地 無想汝我有交培 因為冤家一句話 帶者格氣起問題 汝甲看我無目弟 見著我面赤把把 今日乎汝來送世 定歸甲汝起冤家 冤家汝敢甲靴愛 五個五個都相知 乎我送世有省代 我那出嘴人就來 無想恰早 省份 一疑查某糞掃船 卜趁又欠衫仔本 袂記褲底補面巾 管人面巾補褲底 做人無人汝者衰 非非作呆正敢做 厝邊頭尾偷掠雞 在厝汝是糞掃桶 落來下港者有空 修整一身金送送 忘恩背義大臭人 斬頭短命烏白吐 有鬚汝也管人鬍 卜來菜店律查某 律無省貨通孝孤 為汝洋樓我即賣 銀票歸只由汝提 見著我面共我禮 塊汝一辨也卜衰 加廣不驚兮燕氣 印紙消印省卜碟 廣我是汝舊伙記 斬頭短命路傍屍 為汝生理即失敗 汝廣我無甲汝開 今日乎汝來格屎 等待下日汝著知 不免治塊放臭屁 亦是治塊放雞歸 卜噴汝著走別位 不走小停著克虧 查埔不愿那諫喬 一腹恨氣袂得消 得確卜乎汝見少 乎汝下港帶袂朝 一辨亦卜開藝旦 無愛甲汝箱車盤 有省本等變來看 不驚汝個起鱸鰻 查埔 生越返來 情說乎朋友知 菜店去乎人格屎 冤仇無不報英皆 原早是汝舊相好 目弟亦敢看汝無 這層冤仇那卜報 亦無不著出小刀 好得朋友塊議論 那卜著用恰斯文 來叫乞食甲伊睏 親像恰早王來春 一暗無睏如蔥蔥 好得 來罩想空 來叫乞食罩相共 乎伊一擺做臭人 天光起來尋透透 尋無一個乞食頭 好一個來車口 緊加請入內頭就 共乞食說下項 我卜報汝去好空 去乎菜店伙記送 叫汝加我罩相幫 乞食听著對嘴應 汝是叫我省何因 我卜來去打店面 不通甲我格五人 情兮話加汝廣 我想一計界巧妝 汝共查某調古黨 去敗藝旦兮門風 乞食听著想愛笑 卜用省款兮計謀 無衫無褲大可惜 恐驚乎伊看無著 衫褲物件算帶我 看卜穿寒也穿暑 手錶煞北乎汝掛 卜穿皮鞋亦淺拖 那卜洋服借我送 來穿皮鞋恰有通 身份那甲格兮重 省人知我乞食人 這層代志那卜做 欠省物件做汝提 身軀雪文提去洗 洗好通來穿皮鞋 乞食听著心歡喜 身軀洗甲斷先糸 頭毛提錢走去剃 鬚弟剃甲無半枝 乞食腳盤力外厚 皮鞋先穿袂到頭 天光穿甲日卜鬥 拔甲大汗四面流 好得主人皆罩穿 晶甲強強卜開卿 刈廣皮鞋穿倒炳 正腳穿治倒腳平 穿好來穿洋服褲 乞食身份足大 二條吊帶吊無路 架架纏纏俺滾 西米落閣袂曉穿 紳士我敢假袂成 三領獻下穿炳倒 一條 帶外平 身穿洋服掛目鏡 派頭格甲鬼都驚 親像富戶人兮子 省人知帶乞食營 主人暢甲打皮箱 就叫花子來思量 汝去計智用盞樣 時到不者袂 香 我是不免乎你教 查某是我上肴貓 人阮原甲前古早 又原亦是富戶家 格甲只款兮身份 身軀不時斷一文 百圓銀票汝做本 事成罩汝五百銀 敢通靴多乎我勸 提甲十張青腳瘡 等待汝來我即返 乞食伴來叫門 汝著兮曉加假鬼 等我叫門即通開 加伊假參假若桂 得確加變乎 衰 乞食笑笑應一聲 打辨周志卜起行 汝免交帶我知影 我個假作富戶兄 主人看著想愛笑 查某兮看人無著 今日 著汝一橋 得確兮死準無藥 乞食手汗軟皮包 用新聞紙晶內頭 十張十票排外口 格甲凸凸真大包 有錢行路三角肩 行到菜店門口前 走棹不知來接應 就請乞食入房宮 乞食行入菜店內 歸陣查某招招來 好煙請伊廣無愛 伊是專食雙砲台 查某砲台捧歸廣 捧來面前即開封 實在有影大冤枉 乞食看作大主公 查某 茶落茶鐘 雙手捧到面頭前 百般好禮來奉敬 乎伊不伊真不明 查昧看伊真送世 有個走去叫頭家 樓頂一個新什客 專卜好煙甲好茶 頭家听著喘大愧 緊著扒上樓梯 不知乞食來假鬼 沉甲頭殼共卜威 乞食兮曉格身份 坐塊靜靜看新聞 見著伊沉幾十 越頭目啁即返輪 人客 帶省所在 做何事業對者來 那卜食酒注文菜 讚成查某叫來開 我是頂港來賣粟 地頭青蘇無相熟 自己一人無心色 內面查某肩恰敕 頭家開嘴大聲叫 內面金枝甲玉葉 梅蘭菊竹老梅笑 寶蓮寶治甲阿招 甲靴多是卜死 看是藝旦亦娼妓 乎我看了那甲意 娶來頂港做小姨 一個高等兮藝旦 人人稱呼秀戀官 那卜叫來乎汝看 人客定定拆無單 乞食听著笑咳咳 拜託汝去叫伊來 乎我看了那是愛 英暗春辦恰伊開 人客者坐且等待 我來去叫念邊來 頭家歡喜在心內 趕緊去報藝旦知 樓頂一個大富戶 廣卜來者開大租 卜碟高等兮查某 報汝來去上對都 汝著等我梳頭鬃 漂亮身格極乎重 看帶頂港是 人 問乎上世咱即通 汝是甲我一粒一 者有對汝廣照實 一空報乎汝去得 淡洎乎我做伙食 二個那行那廣話 驚無福氣通交培 飽肚入手我即買 送汝豬腳無掛蹄 藝旦上樓未幾時 行瓦乞食身軀邊 坐塊恰伊使目箭 恰伊治塊羔羔纏 乞食隨時就落瀾 人廣汝是秀戀官 算是高等兮藝旦 拜托北琶 來彈 人阮學曲無外久 無聲唱了有恰須 南曲北曲雖然有 驚汝嫌阮呆工夫 阮道知影汝高點 汝都不免講故嫌 阮也不八開菜店 好呆阮亦袂曉嫌 看卜南管亦北管 通霄品仔阮有拴 頭塊來唱共君斷 二塊昭君去和蕃 乞食昕著笑咳咳 呵老藝旦真高才 宿困通來食酒菜 英暗春辦洽汝開 藝旦北琶 去勸 樂在決樂在中央 坐瓦去甲乞食損 乞食嘴胚洽甜糖 藝旦 不知死 百般好禮奉待伊 卜食山珍亦海味 隨時注文莫延池 乞食下水煮一碗 注文一尾無目鰻 厝鳥一隻二斤半 煮好下落大水盤 藝旦听著一句話 注文無的卜倒提 九鯉沖天有人做 亦有廣鴨布袋雞 亦無嗎有龍水廣 豆菜赤肉廣中央 雖在總 去打算 根屬我有著擔當 藝旦听著笑微微 這是人客半刁池 燒酒卜食威士氣 亦是卜食莫連池 普通來食都著好 莫連即厚飲袂落 亦無卜辦漢席棹 注文一 白萄桃 注文酒菜隨時到 燒酒一人 一瓶 藝旦禮數用足到 坐在乞食大腿頭 只鏨到者小叉擺 請看下本兮即知 乞食藝旦食酒菜 二個歡喜笑咳咳 (乞食開藝旦歌 上本 終) |
| 乞食那食那歡喜 燒酒飲甲醉微微 做人只擺上福氣 藝旦來伊身軀邊 酒菜食了小宿困 藝旦捧水提面巾 英暗汝我是緣份 藝旦加伊拭嘴唇 乞食藝旦加拭面 暢甲嘴瀾汁汁珍 花子心內愛 緊 只驚目弟逢看輕 藝旦知人兮輕重 緊 乞食入內房 百般好禮用疼疼 也是花子塊好空 藝旦 路行頭前 就瞞乞食入房宮 相牽扒上眠床頂 講話講甲朗無停 乞食心內暗歡喜 藝旦 不知枝 今日是汝注皆死 呆運 著天狗星 藝旦菜頭不知棕 歡喜文著富戶人 眠床蚊罩成煞放 注得花子塊暢空 前日一人一所在 亦是天地來催排 是阮前世做好代 郎君即兮恰阮開 安年塊廣敢有影 討我全台好名聲 三噹捧碗塊奉請 有厝登記我個名 藝旦就塊落瀨頭 汝是富戶野行郊 汝那是袂 家后 我即乎汝久長包 塊我食穿袂難苦 專專塊收白米租 實在阮野袂 某 出門先個人稱呼 一更過了二更在 藝旦 全不知 不知名聲為伊呆 歸冥無睏格天胎 二更過了三更來 乞食嘴仔義獅獅 等待天統明仔再 汝個名聲通全台 三更過了四更止 五更落雷雞塊啼 藝旦翻身就扒起 去泡牛乳甲咖啡 乞食出手緊皆捧 下日敢無只號空 天統汝著罪掛重 汝著知我省 人 藝旦開嘴著皆問 今日卜去省地方 加帶幾暗即通返 幾點汝即卜出門 九點外鐘就卜返 送汝十張青腳瘡 下日閣來即打算 卜恰汝行久長 藝旦看伊錢大株 評治乞食伊身軀 人客汝那錢靴有 愛汝乎阮做丈夫 二人坐落治塊損 听見人叫房宮門 藝旦開嘴就皆問 省人店塊亂亂蒼 乞食假仙不知影 省人叫門靴大聲 即早省人塊哮痛 諒必是汝舊契兄 藝旦罵甲青瑾瑾 省人叫門者青秦 阮有人客治內面 即早卜來炒人眠 歸陣乞食下下哮 一個兄弟來 兜 敢死睏甲透中罩 不開著食拐仔頭 藝旦不知甲半項 歡喜交著富戶人 開門看著如蔥蔥 歸陣乞食來省空 歸陣花子諫甲糟 乞食敢來者 查某有錢見人好 藝旦煞變乞食婆 藝旦听著只句話 化日簡下者年衰 那哭那啼坐塊禮 菜瓜 狗去一哇 乞食出來邱邱掃 老蔥出來亂抄抄 七 八妹郎巢到 卜來皆扭乞食頭 歸陣乞食恰伊論 查某愛錢總無分 別人共阮整資本 亦卜共 刊新聞 老蔥伊道不信聖 走去卜皆助中爺 人伊官家富戶子 汝敢打呆伊名聲 花子歸陣惡刺刺 歸陣卜打甲卜爭 身軀衫褲皆北起 加志凸廣株乎伊 老蔥看著死無變 斬頭短命拖屎年 五爪金龍裸出現 即知化食來假仙 乞食敢死開藝旦 加扭見警官 加志凸廣株乎 一領布袋提乎伴 那兩人煞那大陣 里長即來做公親 為省代志來變面 就問乞食的原因 這個查某成格屎 無廣里長汝不知 人客真多乎屎派 提錢侑阮恰伊開 里長听著煞愛笑 著一款尋無藥 今不通計計叫 煙共 會不著 里長汝都不知代 刁工卜來皆鬧台 長壽恰多阮無愛 鬧乎厝邊頭尾知 藝旦驚去人知影 乞食那兩那大聲 老蔥拜託里長兄 汝即斟酌說伊听 乞食兄弟代念阮 淡薄乎 去買煙 不合藝旦甲 睏 不通共伊賣新聞 買煙看卜拴省款 帶念里長來周全 那無廣甲阮甘願 新聞賣出通台灣 三頭二面講好勢 廣錢卜乎乞食提 一人百元會失禮 乞食 好二十個 一千元銀趁入肚 份了無到卜如何 藝旦閣提一千銀 二千乎乞食份 歸官人客娼娼滾 看靴乞食錢現份 藝旦去乎乞食睏 一人帖伊百元銀 藝旦目屎汁汁滴 了錢閣再奉掃皮 斬頭短命無天理 害我面皮無半糸 後門開乎乞食返 不敢乎對店口門 甲主人行相斷 透早鬧甲到不方 乞食銀票林起來 將情說乎朋友知 名聲不通皆打呆 一人百元乎阮開 主人听著氣半死 提人這號臭賤錢 食了不驚兮破病 恰緊提去通還伊 飽肚那甲提入手 不通閣再提血 從這錢銀辦燒酒 得確共伊報冤仇 冤仇 那共阮報 恰久人情免驚無 買菜 酒煞辦棹 代志做汝去伐落 花子隨時就分派 想卜去叫藝旦來 那兮叫來咱舍內 卜乎通街通人知 乞食實在肴想計 花子 好二十個 那來得確乎哭爸 乎正兄弟打公家 乞食寮內倩總 酒菜一千五百元 野伸四百叫查某 卜叫藝旦者有蘇 乞食想空倩計程 計智想去足巧宗 不敢共伊照實廣 運轉手亦無知防 百元交帶運轉手 叫伊不免廣理由 騙伊五舍叫倍酒 百元卜乎伊先收 藝旦听著是五舍 妝甲美麗恰伊行 到位計程車停定 叫伊入去乞食營 藝旦就罵溜屎症 五舍煞是帶這宮 目啁著去換龍眼 都野袂到車就停 因者叫我走去叫 不是共汝駛不著 司機知影不敢笑 歸陣乞食雀雀趙 藝旦落車塊 斗 五舍敢有來 兜 歸陣乞食塊等候 強強加扭入內頭 藝旦不知甲半項 乞食卜拖我省空 拖入寮內手著獲 親像草耳弄雞 歸陣乞食雀雀跳 藝旦汝來乞食寮 無棹用蓆上介巧 無椅汝著坐石條 藝旦這時即知苦 今日看今卜如何 看甲只時兮地步 袂來先收提百元 今日辦去真香派 二千元銀朗卜開 不通看阮無目地 刁工倩車載汝來 藝旦那想那見少 字運那下即衰消 體面共阮剝了了 又閣叫來乞食寮 今日叫汝來食酒 面個不通靴年憂 那不阮是敢強扭 阮是替人報冤仇 藝旦目屎流滿面 孤不如章酒皆 寮內乞食歸大陣 大家相晶卜摸乳 藝旦那想那怨恨 嘴齒打斷咸血吞 今日叫來只地份 恰慘共阮賣新聞 乞食目啁青瑾瑾 有兮嘴瀾汁汁珍 藝旦想著情都盡 想見趁食成可憐 藝旦不願開聲哭 哭甲有天無日頭 尋無麵線通吊豆 買無豆腐通闔頭 想卜刈喉血那滴 路落古井冷支支 有命無塊通去死 煞尾走去跳乾埤 不願坐塊哭一困 哭甲目啁袂返論 想起煙花無教本 那哭那塊勸世文 藝旦治塊哭呆命 廣乎通街下人听 那是見過就知影 敗名失節呆命聲 卜勸列位姿娘人 姿娘飼大著嫁 別人頭面無所望 風花誤了一世人 那有媳婦查某子 嫁 招婿好名聲 趁食查某無好命 乞食羅漢叫著行 少年想卜學藝旦 到老袂得通收山 那生呆物卜晏盞 亦著嫁 恰霸盤 少年有樹有鳥宿 到老就逢看無著 身苦病痛大聲叫 看省卜共咱煎藥 少年兮趁搖錢樹 老就無人通收留 做人示大去研究 招 嫁婿恰自由 (乞食開藝旦歌 下本 終) |