大 舜 出 世 歌
| 新編大舜歌袂歹 是阮小號親手裁 不信且 念看覓 頭念甲尾即兮知 此本歷史註在內 十四孝頭一排 不舜名香透四海 阮即翻歌印出來 湯州府縣兮因由 先廣六舍帶杭州 前某死了娶后壽 大舜受若八八秋 帶著杭州本義縣 地方姓姚人流傳 做去真好賢打算 散凶無米罩週全 真有肚量姚六舍 伊帶杭州頭一名 娶伊曾氏結 者 地方困難總伊 曾氏嫁姚無賴遠 不免煩惱刈心腸 魚魚肉肉配三當 真多厝宅甲田 田 厝宅租業有 無子出頭有恰須 曾氏娶來不止久 真兮照故因丈夫 夫妻恩愛二三年 不識離開因身邊 愛子莫怪咱趁氣 那有咱無人雙生 英方早暗都有敬 灶君那無上天庭 地方人阮做真正 甲無一人賜阮生 運命乎人看袂見 買柯金紙祝告天 伊那降納有成意 著賜麟兒乎咱生 某參詳且呈止 緊拴香案來下天 泡柯清茶免別 金紙加買几千錢 六舍去到店仔頭 金紙四果通有包 香案創著廳門口 某跪落土腳兜 灶君上天 奏板 六舍真有救赤人 求生男女無別項 乎伊有子應當通 帶著杭州本義縣 門口一個大員環 玉帝听見這個 賜伊祖上有人傳 玉帝引肯未發言 六舍好心無私偏 灶君即出靈宵殿 放乎玉帝去摧千 玉帝想定出玉旨 則時則刻召紫微 叫伊凡間去出世 通乎姚家做子兒 紫微接旨未到位 靈宵殿門野開開 入去殿內著緊跪 那有急難事改為 交帶紫微今好細 杭州本縣去姚家 曾氏是汝親娘禮 下凡投胎伊一個 紫微星君緊領旨 拜別玉帝出丹池 卜凡間去出世 太白神仙引娶伊 下凡皆娶甲到位 六舍 某塊安睡 曾氏得夢大心愧 夢見龍鳳娶相隨 三更半冥 來到 神仙即時上雲頭 曾氏得夢天光卯 夢見龍鳳塊相交 曾氏扒起落眠床 得夢困甲天光光 對因丈夫著緊問 夢見龍鳳入房門 曾氏驚甲義義 因何龍鳳入咱門 若無汝我床 困 我著驚甲無神魂 皆再丈夫瓦來緊 廣話強卜底舌根 龍鳳入房行做陣 敢是呆鬼來纏身 聲聲句句問因 諒必呆物入咱房 我兮得著這號夢 不久敢下大呆空 六舍想真著知影 叫因牽手不免驚 女人得夢兮生子 男人這 好路行 龍鳳那入咱房內 男人這 得橫財 無廣賢妻不知代 女人得夢居花胎 那夢龍鳳入房宮 夢解有注批明明 咱著信神來採用 允兮查埔生大先 那是夢見龍甲鳳 一定降世咱地方 夢解內面有塊廣 生子決定做人王 夢龍夢鳳有上取 千萬不通夢銀牛 夢鮮內面 項有 卜病 邊在身軀 夢見銀牛入房底 著是卜破人個家 人叨 邊致病體 呆運十個死九個 所夢兮話免廣起 話屎箱多高高纏 換廣曾氏居花喜 有子四月喜冬時 一困病甲十二月 曾氏愛食九廷吹 冬天愛食暑天 病甲廣話嘴飛飛 有無胎孕造化是 舊年病子到新年 朗朗無食半粒米 皆買淡泊鹽酸甜 甜酸朗總無愛碟 丈夫汝朗不知枝 自病到今扒袂起 腹肚痛著人真虛 六舍听著因某報 物件全然食未落 腹肚那痛眠床倒 我央厝邊老阿婆 十四下哺起大痛 痛甲半步叨未行 厝邊阿姆真知影 敢是卜生哀大聲 六舍去到隔壁厝 緊央老姊名寶珠 因某得卜生長子 伊做產婆足工夫 珠觀听著這層代 拴拴好細甲伊來 相 行入房宮內 曾氏干苦野塊哀 珠觀實在真兮曉 腹內囝仔塊滾 痛甲手冷脈袂跳 六舍緊共插條條 珠觀出手直直武 變甲汗流歸身軀 按盞兮踐即年久 明明考倒老工夫 舍娘暈去不知人 珠觀不識這號空 別人生子那眠夢 曾氏生子卜歸工 六舍香拜東西平 去下公媽甲神明 全望正神相保應 緊生通好報出生 囝仔內面直直令 曾氏雙腳大力經 珠觀身軀乎伊拼 六舍野塊下神明 六舍下好行入去 囝仔正正無氈欺 夏神保庇緊出世 听見雞公支支啼 囝仔出世看著面 喜 雞報寅 珠觀返才真緊信 袂記才帶野塊珍 兮得出生上介妙 囝仔身軀緊加超 加再生著有生鳥 廣伊才帶縛真條 緊養燒水來皆洗 囝仔球球那龍蝦 洗好抱入眠床底 伐落去台囝仔胎 囝仔身軀包好好 曾氏伸手即甲唆 母子帶治眠床倒 六舍銀提乎產婆 母子困困做一張 身軀洗好換衣裳 不知簡兮只個樣 那象廟宮塊燒香 六舍物件捧真多 親手捧乎因賢妻 桔餅乎 塊腹底 三工即通麻油雞 賢妻先食看薄厚 這號正正燒酒頭 早早郎有拴甲到 看愛食省不通流 歸碗食甲空空空 六舍伸手去甲捧 甘草去買半斤重 沉好 緊捧入房真 主出世著精公 生去才貌閣龍通 厝邊見看郎塊廣 呵惱囝仔大才王 正人目周也真鏡 此命界倒杭州城 六舍緊去皆看命 時日說乎先生听 路中塊問人皆報 西街一個那大羅 先生姓劉名金寶 伊看八字袂羅唆 六舍歡喜子看命 出門著緊先探听 人廣四街我知影 就緊伐落閣再行 來到者是四街市 看著牌匾即知枝 行入店內著廣起 卜且先生造命書 先生緊叫員外坐 好意請伊食煙茶 叫我共 造命冊 著廣生時甲日月 生時日月我兮記 正月十五上元冥 四點外鐘即出世 囝仔閣是生男兒 先生听著對嘴應 嘻 正正雞報寅 好呆郎寫治內面 提返 即看伊真 命書寫甲真清楚 犯破二字郎巢無 大漢官小無愛做 精差有帶五俠羅 自細相命帶五俠 亦有真多個羅業 那是略娶兮妻妾 恐驚乎人甲打牒 此命五俠真危險 加治送肉去上 真知兮死伊無閃 有孝乎人加倍嚴 囝仔長成真大斷 無帶水火危險關 精差兮乎人加怨 將來出身在金鑾 (大舜出世歌 一集 終 ) |
| 老漢命書寫完備 送乎六舍著知機 囝仔曲真好腰飼 七歲腳兜著張遲 先生吩咐姚員外 好呆命書內有批 養飼那甲七歲過 所有俠數總退回 閣再交帶六舍听 子天下頭一名 愛著兮曉通甲痛 致蔭姚姓入金城 子真正有上格 員外著痛伊一 以后諒必做皇帝 歸尾登科 一家 六舍 緊問先生 姓姚皇帝閣几年 好命我子相點醒 閣送乎汝恰多錢 六舍卜閣問几句 閣再讀教恰工夫 我子那能做真主 賞汝金獅甲銀牛 先生回答伊六舍 金獅銀牛不敢騎 省款內面朗有寫 代先失敗尾即營 六舍強卜起性地 提錢倩伊稍面皮 無愛甲伊瓊到底 錢乎命書提返回 六舍命書提著走 起行閣煞無日頭 喜 先生識不到 枉費乎食伊靴老 我帶杭州大富戶 省人能營我田租 敢廣食老兮干苦 先生食糞甲食塗 六舍這 真受氣 卜返無甲伊相辭 到 對妻即廣起 出因子 命書 曾氏緊問命好呆 六舍皆廣無省知 好呆氣怡心肝內 常細全不廣出來 伊廣姓姚做皇帝 問伊看是子一 全然不共我折白 當面廣咱命運下 杭州是咱上好額 金銀財寶歸百車 當面稍皮我六舍 廣我食老做乞食 我 田 滿滿是 也無爭差甲半糸 廣著莫怪我受氣 卜是別人命難移 皆換曾氏罵 婿 靴年急性止省代 先生斷汝食老呆 食袂到靴那兮知 人食兮老溪袂考 命甲條骨也難逃 燈心汝敢架石磨 恰大江山都能無 有人江山靴年大 卜了親象風飛沙 先生當面共汝破 忍耐到尾看賴誇 順煞問伊看有改 改汝老命通居財 假恰好禮皆款代 別日即去請伊來 實在我有恰急性 氣著心肝強卜迎 今卜听妻汝命令 以後即答伊先生 出生三日己經到 先生治因 內頭 糯米有 十外斗 通好去倖 邊兜 邊頭尾即年多 預算著 恰多雞 也通敬神且人客 豬倒羊謝天地 別人無因即賢創 好得珠觀甲親同 油飯歸兮記人 也有牲禮拜天公 油飯雞鴨棹頂 后拜公媽前神明 保庇囝仔頭 定 肚祭即閣敬五牲 大先燒金即放炮 燒酒破甲歸塗兜 共伊眼錢今了後 道士鼓吹亂抄抄 外公肛來坐大位 灶腳汝 直直摧 無省好物騙汝嘴 請汝燒酒大家 有人油飯青慘靠 見著好物食未落 恰慘無食不時餓 不驚乎人笑 羅 有人連食八九碗 不識見著大碗盤 好物出來坐塊看 到尾即塊傷心肝 六舍出來巡一變 燒酒閣再共人延 有人袂食現 現 帶塊目周炳白然 六舍汗酒共人敬 歸宮人客巢 停 員久好禮塊接應 通人回禮敬一鐘 那敬叫人食物件 也有朋友甲親成 六舍即廣伊 子 叫因外公皆號名 外公名叫曾全壽 接應六舍禮甲收 號名伊無省研究 即問隔壁大頭秋 秋仔應答緊回文 看因姪仔笑汶汶 大家參詳那卜準 姓姚名號叫大舜 曾氏出來廣因听 是因阿叔賢號外 六舍歡喜生男子 囝仔抱乎因阿娘 大舜抱入房宮內 夫妻歡喜笑咳咳 號做大舜名未呆 六舍歡喜閣出來 六舍出來閣敬酒 通人食飽叫緊收 也有親成甲朋友 雖 食甲嘴油油 歸宮人客食真飽 雞骨食甲歸棹腳 大家卜散著趁早 有 卜返先相辭 邊頭尾罩相共 棹頂收甲空空空 各人食飽巢弄港 好塊 邊嬸姆人 親成五什裸返 也有內親甲外親 人數請去太大陣 燒酒食去數百升 對客塊廣無好物 感謝親成甲 邊 日月摧迫緊如箭 曾氏有身止閣生 太陰太陽迫瓦瓦 六舍子有真榮華 因某腹肚又真大 初生一子免箱磨 大舜年尾 二歲 因母有身順只月 閣央 邊甲頭尾 珠觀本成就交倍 曾氏腹肚受受彈 塊卜閣生塊車盤 六舍知影止免看 差人閣叫老珠官 珠官皆懶幾落下 囝仔遂時著翻胎 真下順手生落地 一胎一 無恰加 六舍听著真歡喜 歡喜二胎是女兒 返才返好緊抱起 珠官洗身笑虛虛 囝仔洗好真錦硬 舊衫提來抱紅英 六估做人真善意 頭尾三年連煞生 麻油燒酒煎吉餅 曾氏食多煞兮驚 甘草水捧塊飼子 某參詳卜號名 號做華首名真好 滿月預算卜代落 參詳滿月煞來做 通拜神明甲公婆 豫算著再 油飯 代落洗米拴籠床 吹好即捧起來勸 通超淡泊雞酒湯 蝦米香菰參落超 甲一鼎巢巢巢 也有親同甲姑表 過路人通食袂 叫人棹朗拴好細 油飯大盤捧二下 拴甲一付大牲禮 歡喜閣生第二胎 一付牲禮著棹頂 點灼燒香拜袖明 保庇囝仔頭殼定 先對下袖拜大先 油飯另外一大桶 叫因姑表去罩捧 卜拜公媽恰多項 一鍋雞酒真成蜂 保庇華首好腰飼 后拜祖宗甲神祈 雞酒飯朗收起 通請舅 甲姑姨 伐落物件通相且 人客來甲歸大廳 歸棹拴甲全物件 卜請知己甲親成 人客且甲一內面 也有曾氏外家親 來客有遠也有近 位坐好細酒緊 華首母舅坐大位 菜色實在串歸追 塊共華首求雞髓 乎伊大漢白甲肥 人客好話廣完備 六估出來抱子兒 請因飲酒甲 箸 大家嘴仔笑微微 大家食甲貢貢滾 酒味那飲那 拳 有人那宿困 食甲未落加論吞 酒是那飲那袂醉 歸十打酒直直開 來賓人客坐各位 食去箱飽嘴開開 六估開錢朗免看 朋友請甲滿四山 大家食飽巢改散 句豆好呆免相瞞 曾氏抱因查某子 滿月了後四繒行 六舍卜閣皆看命 即塊廣乎因某听 二年以前生舜兒 先生共咱造命書 內中好呆朗廣起 此回著閣來問伊 二集歌仔到者止 煞看三集就知機 好呆在人腹內變 句豆兮和即達錢 (大舜出世歌 二集 終 ) |