h.gif (2826 bytes)
h1.gif (1979 bytes)

台灣歌仔簿─七字仔


大舜坐天歌(上本)

大舜落井且宿困 換廣坐天換新君 大舜做人上孝順 上兄下弟朗有分
大舜者來有希望 太白叫伊著上山 歷山汝去有預算 六畜甲汝鬥耕田
汝今緊去勿延遲 日後必有出頭天 話說明白人不見 大舜心內大青疑
必是神仙來點醒 叫我緊去恰順利 听真伊廣閣有理 廣我少年當合時
仙人指示我明听 著緊伐落通起行 來去歷山恰有影 路遠行山望功名
工作現場鬧紛紛 山頂作田四五群 大舜耕田無宿困 歸日工作朗巢韻
自來到今帶山間 全無看著我親人 來者耕田大央望 獅象鳥隻罩幫忙
獅來犁田象作圍 群鳥齊來做袂開 猿來扣柴共挑水 鼠貓運糧一大堆
日夜巡守眾神顧 免驚鄰右有強盜 大舜落難者切路 認做認食不驚勞
早間起來粟著種 一粒落土百收成 好呆五谷我無影 一年四季滿倉宮
歷山耕田有三年 收成米粟高半天 太白神仙下肴變 又閣變做老先生
見著先生真歡喜 就問老伯麼名姓 汝是何方何人士 今日大駕來指示
老人無說汝不知 我是杭州對者來 卜來共汝廣大概 姚家甲我真熟賽
杭州飢荒有三年 聞兄米粟積半天 刁來共汝細商議 未知施主 主意
大舜听說心頭悲 借問姚家兮代志 老伯必然能知枝 萬望共我閣指示
老漢對嘴說乎听 汝問姚家省路行 內容大概朗知影 共汝敢是有親成
大舜照實就皆廣 姚家是我 祖宗 人伊對我真套棟 老伯望汝說無妨
姚公青冥不見天 姚婆后娘身染病 自早杭州上有錢 現在家伙了離離
姚家前妻早過世 後娶后娘無尊天 孝兒大舜加害死 今日反悔事恰遲
大舜乎迫落古井 到靴卜敗作一時 六舍目啁看不見 錢銀米粟飛上天
后娘兮子叫象兒 占卜家伙害舜死 過後三人即知機 后娘挑柴去換米
一家 寒受不起 華首張舍扣去飼 免受后娘伊凌治 現今飢荒卜在年
堯王坐天無哈時 杭州全縣斷粒米 百姓 飢三年餘 一升白米千外錢
第一飢荒是杭州 三年大租全無收 施主有米也有救 汝著緊去濟杭州
二人相議都完備 老伯相辭就返去 大舜听說心頭悲 不緊救濟等治時
設法運糧真無變 山神土治得知機 卜請龍王降法旨 水晶宮內隨知機
卜救運糧袂得快 一時海水滿通流 山坑變海杭州透 廣卜救濟去因兜
十隻帆船塊運米 全部載去杭州市 都無半日就到止 全市百姓大歡喜
大舜到位米緊份 杭州城內鬧紛紛 歡喜歸冥朗袂困 有通份米甲錢銀
無人認得大舜在 大舜看甲鬧猜猜 為何姚家無人來 乎我想著真不改
果然象兒來到止 倚治店口笑微微 塊問升米賴多錢 大舜假意回答伊
大舜看著真歡喜 問伊何方人民氏 實情說出我知機 白米不收汝家錢
阮厝老母甲阿爹 姓姚青冥名六舍 我母南山做乞食 听汝賑濟即來者
想著后娘無天理 害爹青冥恰不是 萬且共伊來相見 先送三升免收錢
象兒接米心歡喜 多謝客宮真好施 白米不收阮 錢 相辭背米就返去
將情說出伊母知 米客官真好意  可憐我爹人青冥 看咱家貧無收錢
后娘听說心歡喜 果然有影好情意 送米又閣送銀兩 等我明日去看伊
后娘去到米店邊 大舜 米無停時 大舜舉頭親看見 認得后娘無差宜
只位嬸姆何位來 全頭說出乎我知 后娘說伊情內代 說起姚家青慘害
前日我子來 米 客官好意無收錢 老身刁來感謝汝 客官恩情大如天
大舜一時有主意 再量白米卜乎伊 我共姚家有親宜 送汝老人不收錢
后娘接米心歡喜 感謝客官恩如天 汝說姚家有親宜 共汝相辭卜返去
后娘一時返鄉里 就共姚公說透機 米人客真好意  再送白米又無錢
六舍听說一 人 敢是舜兒即有空 老漢昨冥得一夢 夢見舜兒入我房
后娘听說罵姚公 人說食老人就  當時舜兒古井葬 汝敢夢著鬼仔風
汝今一時一著子 再想汝子早無命 伊廣六舍不愛听 卜去緊叫象兒子
汝今牽我落街去 卜探米客是在年 雙人行甲急如箭 來到大舜米店邊
大舜認得是爹親 趕緊出來相見面 跪落共爹卜相認 汝是為著麼原因
六舍听說大舜兒 雙手緊加牽伊起 是我命底來所致 不免怨恨別人伊
听爹塊說苦聲悲 雙腳跪落投告天 燒香點灼跪落去 嘴舌舌爹兩眼鉗
神仙下凡來塊救 醫好六舍 目啁 大舜叫弟去請娘 來者換好兮衣裳
杭州城內人歡迎 青冥目啁醫下明 大舜孝子好德行 神仙退伊加同情
勸爹今來免傷悲 我問華首汝女兒 我妹無在汝身邊 罩致伊是那裡去
就出賞格去尋伊 尋返小妹來相見 望卜一家來團圓 豬殺羊答謝天
有人看著必然知 帖中有寫名共姓 姓姚華首是女兒 有人收養大恩義
有人扣著華首女 千兩黃金賞賜伊 張舍看帖心歡喜 緊返華首伊通知
張舍返來無幾時 就共華首來說起 城內各處出告示 卜尋華首一女兒
告示有寫名共姓 莫非汝兄敢正是 說若有人扣去飼 黃金白米答謝伊
華首听著心歡喜 感謝大人兮慈悲 兄妹兮得再相見 張爺大娘恩如天
敢是汝兄來到止 緊去相見莫延遲 張舍共汝罩恭喜 干苦到者出頭天
安人內面听一見 來問員外便知機 賑濟財主麼名姓 叫華首去不合宜
員外听著應一聲 告示寫尋華首名 財主大舜伊親兄 緊去相認不免驚
華首奉令有主張 感謝員外甲大娘 受汝牽成恩不  今日離別不安心
張舍夫妻也歡喜 勸汝放心做汝去 千兩黃金免廣起 別日請即再相見 
( 大舜坐天歌 上本 終 )