少 年 男 女 挽 茶 相 褒 歌
| 這二三工人真善 厝邊鄰右罔連禪 有人對我治塊典 茶山查某上界天 茶山查某嘴真麗 大寮倩著歸百個 上山起嶺真肴扒 嘴那念歌那挽茶 茶工肴挽相爭倩 上山念歌罩好聲 不知有影亦無影 去愛褒歌人真驚 不識出門恰生份 含慢廣話嘴恰鈍 卜看挽茶著這陣 人有外久通青春 卜看挽茶上山頂 清明了後谷雨前 人罕安坑甲石碇 那愛深山著南平 識去兮人塊呵惱 苓林查某好佚跎 文山風聲亦恰好 靴有查某兮相褒 這款第一哈著我 我真愛听人念歌 今著來去行一咀 那卜著緊不通拖 今年初即卜去看 不通去甲箱深山 伐落衫褲赶緊換 這兮時陣無籟寒 那卜登山穿皮鞋 赤有哈腳免鞋拔 穿著真正有四配 出門不比在本街 準備好勢就出門 來到車頭天抵光 卜去不驚路頭遠 這陣日頭初塊長 到位閂好六點半 任錢瓦去買車單 卜拆公路新店線 決定愛卜去茶山 坐車時間免箱等 近來公路足多邦 愛坐公車著西站 十五分鐘無離隙 西站開車到崁頂 蠻橋過了到古亭 公車宿困有指定 水源公館通有停 公館閣過萬隆庄 景尾停車無几分 大坪七張通宿困 稽查驗票那塊巡 元早車單不識驗 近來驗票設真嚴 車閣宿困到新店 三十分鐘野拈拈 行對溪岸恰袂慢 入街驚了踐時間 付著渡船不免等 江名現今改碧潭 元早著過雙咀渡 今有吊橋有恰蘇 橋頭憲驚治塊顧 吊橋政府大功勞 那愛行路對這跡 政府禁止通行車 著愛扒山甲落崎 那看光景即對者 今日初來頭一擺 無就坐車到烏來 那行也通認所在 後日路頭即兮知 借問汝這什麼伯 倒位恰有人挽茶 報我對面山恰低 三班茶工數百個 知我這塊罕得到 那愛听歌著內頭 茶工無甲一個老 全是少年袂腳梢 對面半山無外權 者去直直路免彎 對我這款兮圓滿 乎汝朋友真勞力 甲我相辭行去遠 不知村野亦田庄 今緊來去免閣問 苦袂即時到茶園 看人著塊秤茶菜 越頭過來看即知 卜是甲咱有熟賽 我緊悅手叫伊來 听見對面人塊吪 乎我心肝巢看活 苦袂即時通近瓦 听真聲音塊念歌 倚高共伊看落低 皆治一人無加個 不知倒位兮人客 敢是卜來看挽茶 念著聲音即年清 倚者愈听愈分明 出門不敢箱狂性 斟酌看覓即進行 簡有這款兮青年 念歌袂輸荖先天 生份真正不利便 袂得當面來談言 那挽目啁那看我 簡是即年肴念歌 生蘇不敢倚箱瓦 据在日曝不驚籟 自我投胎出母腹 不識抵著即呆目 乙直觀對我這角 倚塊据在日頭曝 愛看我就甲汝看 恨我初即到茶山 假用手巾來拭汗 想無計智通好爛 倚著斟酌一下想 減形伊是頭家娘 聲音甲人無同樣 後韻零外一個姜 別人不看顧看我 那塊食菸那念歌 想卜出聲共伊吪 來者閃影恰袂籟 忽然心內想一計 來去假共伊討茶 安年絕對袂失禮 不管因是茶頭家 小人這款即忠厚 閣是美貌兮乾埔 不知塊做省頭路 派頭稠甲即年粗 一步一步不敢趕 聲音兮鑽人心肝 茶工頭家逞好看 假卜討茶就落爛 知伊罕行山頂路 人地亦有恰青蘇 行著一步煩一步 我緊悅手皆招呼 看伊手悅無宿困 目啁看甲無返倫 行瓦假皆相借問 有茶淡泊來相份 恁是何方兮人客 出門簡兮孤單個 來阮山頂真無禮 現時冷冷無燒茶 那有冷茶無要緊 勸倒一位報我？ 今日兮來這方面 對者經過卜探親 無嫌呆茶免即趕 罕得汝到阮內山 我叫囝仔近去汗 通卜緊來請客官 隨便茶水來相請 不免叫人近去炾 乎伊著閣扒山嶺 不通勞煩伊加行 汝是出外兮人客 那通請恁食冷茶 做人總無即失禮 嗎兮溜愧阮頭家 流甲歸身專是汗 冷茶就好免去煎 對我這款真圓滿 幸福通到恁茶山 在得汝到阮山內 挽茶查某恰不知 罔做義量試看覓 五分鐘久茶就來 我來問汝恰詳細 卜做義量省麼個 那有好意請人客 据我好嘴討無茶 山間不比恁都市 阮無刁工塊延遲 去泡燒茶是誠意 恰汝參常免釵辭 甲我參常倒一項 汝簡即肴創治人 全然不知人輕重 討一甌茶等半天 在得汝到阮這跡 愛茶粘麼有通食 來試看覓手罔摘 下方秤嗎恰有額 這句听即有常細 叫我共恁鬥挽茶 歸日挽敢無一把 秤是倒小簡有加 秤是有加那有小 話廣這款就不著 學挽看覓省敢笑 不通挽甲箱粗葉 我挽手勢定歸醜 頭家看著得確知 那卜人恰無諒解 顛倒共汝擎起來 頭家真有故茶工 恰早原是佚跎人 在者話廣真兮動 上愛人客罩幫忙 汝那听有落耳空 咱來公家挽歸欉 念歌手著那振動 愛茶我緊來去捧 初即來到恁山頂 乎汝這款來歡迎 那愛罩挽我都肯 這位乎我汝唏平 汝塊廣話有實在 初即學挽手恰癡 談天說地我真愛 近下廣去遠廣來 談天說地塊開講 今日初即瓦茶欉 下到山邊角仔隙 全部是歌塊害人 歌是無省大不了 戀愛縛人即下條 汝來路途行袂少 腹肚諒必敢真飫 出門我都有準備 那飫乾糧通止饑 戀愛我是無趣味 歌塊留人恰兮甜 汝是對歌恰希望 性質甲人不相同 驚汝飫久難得棟 單身出門在遠方 當今有錢介利便 看愛食飽野酒筵 乾糧在身飫著免 那卜去買加延踐 出門汝真有主細 那是袂飫無問題 山間所在無塊買 不比台北大市街 人那甲肴便是肴 汝比乾埔恰孔交 知我這塊罕得到 定定掛在心肝頭 山間無賣省物件 不比艋舺大稻埕 店仔有是糕仔餅 那帶乾糧飫免驚 受恁這款兮顧愛 痛著我是外位來 想卜訪問汝看覓 驚乎汝笑無大才 恁是何方兮人客 罕得來者看挽茶 做汝表明無關係 看是卜問什麼個 汝上知人兮輕重 真有顧著出外人 想卜訪問恁一項 汝是頭家野茶工 阮都不是茶頭家 來者乎人倩挽茶 呆命七歲就無父 喜陣阮帶著三叉 汝廣七歲爸就無 現在住所帶倒落 恁是客人野和腦 恰早舊名三叉河 恰早加治作茶園 即有去帶客人庄 舊年即閣搬倒返 那卜廣起話頭長 听著這款足可憐 七歲老爸就過身 今在鄉村野市鎮 省塊共汝罩編輕 現時帶在坪林尾 挽茶維持三噹粥 也無兄弟甲姊妹 孤孤那生我一個 廣著家內即年散 屈守兮條在山間 那甲無人通罩趁 確實有影真艱難 舊年返來帶坪林 那無挽茶共做衫 家中那阮母仔子 萬項著阮一個挑 兮曉認定咱呆命 廣話真有哈我听 小人這款塊打拼 汝是號做省麼名 名姓不免廣即緊 下鏨即知我原因 乾埔食醋先反面 愛人煞來變仇人 那卜好听等下鏨 相娶新店遊碧潭 去帶旅社卜宿暗 卜听歌煞無為難 (全本終) 【個】〔抵〕〔陣〕〔款〕 |