社會教化新歌

各位父老眾兄弟　請　參考新歌詩　先報小弟兮住址　能來相會真無疑
我住新竹小市鎮　姓林秋男我本身　先勸我我勸　　　著來正直望成人
父老兄弟眾朋友　道德二字大家修　社會情形皆研究　關係教育大理由
望　父老指教我　祝　子孫歸大拖　為著社會來教化　小弟即編只本歌
互相研究做參考　宰樣家庭即兮和　好兮家教怎樣作　趕緊向前來提高
大家著學好家教　好呆關係岸手頭　理家不論井共老　四正岸家就是肴
岸家兮人著四正　家費開支愛平衡　那無必要勿濫用　先算即開家就成
節儉二字是真理　先算收入即開支　有錢不儉開味是　終久經濟呆維持
總講勤儉即有底　箱過浪費不成家　濫開濫用久負債　生活就兮起問題
用錢節省是實在　不通袂算代先開　借錢利息真利害　財產兮了對靴來
有人開拔半項無　家境日日漸落薄　兮了利息皆咬倒　先開即算就袂和
社會全是錢作人　所致濫用先不通　有錢講話即兮重　錢無講話袂輕雙
錢有講話定空空　無錢人兮廣凸風　有錢不儉是真　　錢有亂用真不通
　不通貪免錢　　事實有損是無偏　這有確實兮證據　伊敢甲汝羔羔纏
貪著免錢兮伙記　不愛難得講不碟　汝廣不愛伊敢死　到時煞著打官司
時到雖在伊要求　無想有頭無尾鰍　著想咱厝有牽手　恰呆亦是愛收留
愛情熱度雙人愿　落去兮死也無關　嫁做小姨愛有　　入門不通起事端
我講兮話是實在　家庭袂和對靴來　袂醒逐項愛　　　後日好呆即兮知
牛子飼大映卜犁　不通求卜娶雙妻　小姨那甲逐　卜　終久家庭起問題
愛某那不看恰透　時常家庭亂抄抄　歡喜代先苦尾後　有時目屎著下流
某　多　那是愛　有人經過就兮知　內容關係姨太太　家庭袂和對靴來
小姨不乎大某管　大某不乎小姨權　時常家庭起內亂　目啁扒金見面冤
袂冤以前有相量　冤了各人各主張　相罵親像曲塊唱　家內時常作戰場
彼時愈冤愈深恨　查某一　恰深沉　某　多　重責任　不時著作石磨心
一夫一婦即公道　夫婦亦即兮協和　多妻主義真不好　不時家庭起風波
家庭風波不時起　關係大某甲小姨　時常家內搬某戲　閣乎外人笑便宜
多妻主義兮家庭　即兮風波常發生　貪　多某無路用　任汝先作袂公平
任汝先作袂平量　迎新去舊先不通　那是愛妾妻來放　到尾變甲無半人
全有事實即有講　貪多妻妾先不通　不時家內吵　　　比到他家不相同
那不相信格暢暢　樂極生悲在其中　尋無幾　相愿諒　家庭運動真時常
　著這　頭著痛　那講雙平朗不听　卜講廣咱無平正　煞鄭不知乎輸嬴
冤家都無為別項　大某小姨相爭　　一　獨占不愿放　一　伊卜歸碗捧
為著　婿起相爭　吵家弄宅亂歸冥　這有事實免相箭　亦有一　冤無錢
人廣一某恰大概　那　二妻就兮知　彼時感情甲塊呆　家庭秘密都敢排
家庭秘密加減拼　冤家全無驚呆听　這事真真是有影　有人　著即知驚
　著知通苦袂了　卜死性命無雙條　有人氣甲死竅竅　心肝積氣真噢消
有人講是相欠債　確實自己虱母把　袂來不知人性地　卜尋好人無幾性
地賴呆煞變好　　除著性地煞兮無　一夫兩婦和真噢　看真尋無幾和一
夫一婦就可以　　請勿貪卜　小姨　加　一　加怒氣　不通愛妾妻不碟
那食鹹酸甲苦淺　衫褲　現起行　　有人那是不信聖　小弟敢甲輸嬴
全帶袂朝大部份　小弟叮嚀正諸君　丈二著愛留三寸　注意後腳著愛分
做人著愛伸後步　不通看錢似如土　有錢某子著愛顧　即袂奉笑　查埔
咱人知過必愛改　自己檢討是英該　家庭袂和真利害　致到家散又破財
知過必改來反省　照顧某子是正經　拋妻離子做不正　食老著去有應宮
論娶小姨是真好　大某小姨愛能和　家內失頭相哈作　不通大某皆看無
袂生閣娶是有理　不通大某來不碟　受人批評真不利　大某無愛愛小姨
作人大某著開化　袂生　婿乎閣娶　自己諒途放恰闊　家庭圓滿免箱磨
自己袂生著覺醒　婿閣娶望通生　　接種祖宗香爐耳　自想袂生不值錢
　婿閣娶人人有　恰講袂生著恰輸　親生骨肉真噢取　通娶來生傳后嗣
娶妾通生傳后繼　婿平正無問題　　自古以來有這例　小姨生子大某　
作人小姨愛有　　入門不通箱占權　那作箱起人不愿　失敗人兮堤古關
作人小姨看疼疼　最好不通相哈　　嫁人無某即有望　自飽快樂一世人
第一家官著孝順　勸　各位姊妹群　有孝即是家之本　待婿愛充分　婿
行動看有疑　咱用好禮　待伊　某不通卜格氣　　只　勸　大張池　婿
那是兮作呆　有是共伊假不知　著用好禮皆　代　反悔就袂出去開知影
著鄭不知影　彼時幾分野有驚　量好禮除兮定　　愈吵是愈獅派行婦女
姊妹听我教　夫婦感情就袂差　婿作呆不免吵　　吵是愈噢收腳　我講
兮話　著煽　不信愈吵愈顯然　勿吵開久也兮善　少年永兮起空顛少年
　人人兮　　袂開兮人無幾　　勿吵也兮知呆勢　愈吵定歸愈冤家冤家
比那運動會　相罵親像打笑科　一　愈吵煞愈卜　多數只　人真牙見面
不通呆待度　小弟共　先明呼　愈吵是愈刁意故　冤久夫妻就噢糊那是
做人兮　婿　牽手賢會不通開　雖是一半擺　　　吵家弄宅對靴來作人
　婿著愛想　著愛早收場　　　某事事著相量　　不通錯誤呆主張作人
第一愛模範　某平大甲平高　　有事夫婦著相勸　愛著和好不通冤夫婦
互相相尊重　事事　某好參詳　家庭組織那理想　相親相愛在其中警告
各位查某人　煮食小心顧灶空　第一關心是這項　需要注意灶煙筒煙筒
需要恰什浪　小心火災愛提防　各人知影免閣講　煙筒著愛恰什通災害
損失是真大　加害厝邊防火災　那講卜知甲皆再　得確不通講袂來灶前
時時著愛掃　防止火屎兮加瀏　火災起火是柴草　災後閣煞著賊偷三噹
煮熟火著蔭　斟酌勝過得千金　火是煮食兮責任　時時刻刻愛小心勸　
防火是事實　斟酌有嬴是無輸　那不斟酌火燒厝　一切物件變火伕灶前
時時掃清氣　火星即著愛張池　那無斟酌失主意　卜作乞丐冉當時那是
暗時得卜睏　灶空門戶愛過巡　斟酌有益是無損　著愛掛心十二分卜睏
著愛巡門戶　小心防止著竊盜　那失斟酌知通苦　紛失賴多卜如何小心
注意為第一　我講兮話是事實　那不斟酌大損失　著一擺著袂直　斟酌
好細即去睏　內容亦是勸世文　中年老人閣再論　勸奉列位眾諸君
(上本終)

一　做人兮示大　得確不通箱風化　那想世間有卜帶　不通對色箱過磨
做人示大著平正　教訓示小即兮听　那是有想卜教子　自己呆路不通行
咱做示大愛模範　教訓子弟即有權　自己不正就奧管　治家方針第一關
四正即有人尊重　不正示小不服從　偏心示大事種種　示小就起無天良
上若不正則下歪　只點請　愛關懷　示小不從亦莫怪　怎樣乎咱教袂乖
食老認老著愛守　即袂奉笑老不修　一面人罵老夭壽　示小不服省理由
示大不通箱專制　代志一切少年　　食老著愛改性地　家內亦即兮整齊
老人不可箱什念　罵子不通箱過嚴　著是什念上欠點　顛倒煞乎示小嫌
食老著來想食便　一切放乎因少年　各位父老　著煽　事事勿管榮仙仙
著認咱兮呆習慣　即乎少年看無權　加講是加乎人怨　煞乎示小廣青蕃
示小不通箱屎派　亂罵示大不應該　只　風俗有妨害　兮受官廳來制裁
爸母咱著愛尊敬　作人子兒愛順情　不孝示大逆天命　閣受外邊人批評
大兄小弟听我講　家庭袂和先不通　著愛耳空放恰重　亂家朗是查某人
做人著愛主心定　不通某講話著听　我勸兮話朗有影　家庭內亂呆名聲
人著定性最要緊　作人不通耳空輕　某廣兮話免皆信　家內袂和終久貧
兄弟和　興不退　家內袂和不成家　兮受鄰右加廣話　終久野有大問題
家內大小著和好　不時內亂奉看無　某那不賢話肴學　致到兄弟煞失和
呆運　著某不賢　卜食不做想私偏　那愛家庭乎發展　不通誤听枕頭絃
不賢查某一部份　使弄　婿著愛分　家內不時弄弄滾　足食不作肴輕分
查某一　貧彈作　一日食飽想　吵　卜分家通食好　　即兮甲人朗袂和
家內不時車車返　婿一冥吵甲光　　只　魔病除袂斷　兄弟兮分長頭毛
作人不通听某嘴　呆某極肴生是非　著呆某相連累　　兄弟致到煞分開
查某一　真　籠　生言造語駛弄　　三噹卜食不珍動　定定吵愛分孤人
不分伊塊驚人偏　暗中肴扣獅腳錢　只　查某極呆物　逐暗　婿吵歸冥
時時都塊吵　婿　只　查某極嘴獅　合例多人嫌食呆　這種查某大家知
家庭最害是只點　愛食查某眾人嫌　不守家規婦道欠　專無甲人　方針
親像只　呆模範　家內不時生事端　著呆某真噢管　　驚某兮人煞無權
一　吵食甲吵穿　狹四想趁人流行　無想　婿兮環境　不守婦道無正經
亦有一　貧富貴　離　放子真　虧　歸日想卜妝美美　食老一定無所歸
有人貧歡不碟　　嫌　古意不成人　不碟　婿子煞放　親像只　先不通
古意煞乎嫌婿　　紅杏出牆人私通　不听家官　婿講　厝內伊塊做人王
逐　那甲有　婿　不通甲人亂使來　克苦勤儉顧家內　後日出頭即兮知
人講家和萬事成　家內和心家就興　著呆某真不幸　　那甲吵家萬世窮
有做差錯　緊改　不比柴米兮夫妻　著想家庭兮經濟　吵夫吵婿不成家
　婿有時無錢趁　好言好語皆慰安　錢無不是限定咱　貧賤是野真多人
那失機會就失志　不通強迫　婿伊　有　受迫自殺死　彼時卜知著恰遲
扁人兮圓圓兮扁　散赤有時出頭天　做人一生著　變　不管富貧著罩鉗
作人家后是內助　婿勿乎箱過勞　　用錢著愛札制度　不通開費箱過粗
不比親像富家女　專想差　甲駛兒　逐日打牌想看戲　老來好呆即知機
衫褲一切映人洗　三噹食飽頭顧梳　少年卜作都野兮　食老即換乎人差
我對姊妹廣幾句　在家從父嫁從夫　那嫁乎人做主婦　到時行動愛參思
婦女姊妹相听嘴　著愛嚴守好家規　爭取婦女兮地位　不通不正過行為
著尊三從甲四德　某是　婿幫助力　婿勝敗妻負責　　免廣大家亦明白
　某朗有　責任　做人家后愛關心　勸　姊妹姆共嬸　和心烏土變成金
小弟勸　眾朋友　兮作夫婦是冤仇　事事夫妻皆忍受　一家大小免憂悲
事事夫婦相吞忍　家和就有錢通春　大家那來守安份　福祿自有慶家門
這歌親像塊勸善　著愛尊照古人言　善惡也有上古典　最好模範孝為先
家聲名譽著愛顧　作人著來想前途　愛國忠孝是正路　孔子有教人之初
講出囝仔初出世　無穿衫褲哮甲啼　父母苦心來養飼　父生母養甲池
著想父生母來養　對待雙親愛從順　第一父母著敬重　不通不孝無天良
父母愛子那寶貝　著愛歸汗十個月　順月母身也著做　生產危險袂食粥
生兮過手雞酒香　生袂過手四塊板　父母恩清是真重　所致不孝先不通
講到父母塊痛子　時時貝在加隻背　都是痛命命　　　不甘乎子哭出聲
閣恰無閑亦著抱　不甘乎伊土腳　　那無蜀纏是真好　生苦病痛心就糟
生苦病痛緊要要　時時刻刻抱朝朝　父母苦心用不少　驚寒驚熱驚子　
親像一　呆腰飼　不時面色黃施施　下神托佛相保庇　儉食忍寒為子兒
有人母身那無乳　冥日為子塊無榮　那泡牛乳驚燒冷　漏屎　緊叫醫生
飼乳亦著札時　　那冷起火閣再溫　大人為子不敢睏　歸冥父母顧甲光
等下落眠隨時醒　父母無睏抱歸冥　有時發燒閣生病　求神問卜無惜錢
囝仔那睏袂落眠　非常驚動父母身　獅公紅姨叫緊緊　講是犯著土煞神
父母關心塊致意　求神下佛叫來醫　投下祖宗罩保庇　夏卜乎子勿蜀纏
亦有一　著猿損　一冥不睏哮甲光　父母為子相替睏　問藥乎子食面黃
爸母愛子真保惜　冬天驚子睏袂燒　亦著年屎甲六尿　不時共子抱塊搖
最上麻煩是這項　尿巾袂乾用火烘　那是雨天尿愈放　囝仔是真創治人
年屎六尿袂準煞　紅紅幼幼抱甲拖　養子父母諒真闊　生著大陣真拖磨
無論富家野散赤　好物是留乎子食　有人飼大心變野　大漢不識母共爹
小漢苦飼袂大漢　求神下佛求平安　飼子用錢無制限　非常身苦養子難
食水因源最要緊　作人著識父母恩　不通那教句句應　無受教育不成人
作人要緊著識想　不通不孝亂主張　不孝後繼照這樣　只　關係呆後場
父母苦心養飼咱　飼到大漢心即安　免乎父母塊怨嘆　最上必要是只層
鳥獸都兮行孝義　鳥子咬虫飼母伊　不乎父母食無理　鳥報母恩即有奇
羊子吃乳跪雙腳　大隻小隻做一堆　鳥羊人廣禽獸類　兮報母恩即古錐
咱來出世有因源　著愛先想生死關　鳥子羊子作模範　不通不孝箱極端
不通多子餓死爸　多　心婦餓乾家　雖是孤子恰欠客　卜食恰袂相挨釵
多子好名無好命　這是一面兮風聲　感無有人真多子　無塊哮孤加呆名
歌是到者　宿困　我勸朋友正諸君　做示人小行孝順　有子二字有保存
(下本終)