台灣歌仔簿─七字仔
食新娘茶講四句
| 竹林書局自紹介 編者是我林有來 四句風俗無打呆 頭看到尾就會知 食茶四句專新著 內中扣去真工夫 別人食茶講四句 平平歌甲咱無株 只本歌仔做真通 食茶煞落鬧洞房 那愛四句照者講 專甲別人不相同 愛學四句照只本 做汝皆念伊倒巡 到時要用一時拵 通共新娘討手巾 今日腳踏新娘房 卜探新娘甲新人 新娘甜茶雙手捧 不管皆親亦別人 新娘捧茶對面來 囝仔大小鬧猜猜 別位諸君坐在在 敬老尊賢合應該 新娘捧茶手春春 好時吉日來合婚 看伊面貌肴打算 後日百子共千孫 新娘捧茶手正正 房間出來連步行 一杯好茶來相請 致蔭丈夫有官名 手捧甜茶講四句 新娘好命蔭丈夫 奉敬家官有可取 田園建置千萬區 新娘生水看現現 夫妻一對好姻緣 食茶恭賀四句便 丁財福壽萬萬年 新娘入門好家教 尪能某又手頭肴 食茶恭賀四句罩 財子壽全三出頭 甜茶相請真尊敬 男才女貌天生成 夫妻好和月老定 恭賀富貴萬年興 食茶古例朗無禁 恭賀夫妻真仝心 新娘福氣會致蔭 五穀豐收降來臨 來食新娘一杯茶 乎汝二年生三箇 一箇手裡抱 二箇土跤把茶盤 四方金銀滿堂 新娘巧妝 新人財王茶盤四角框 中央夏茶鍾 一杯來恭敬 子孫代代興茶盤圓圓 甜茶甜甜 今夜著變 冬尾雙生子婿娶著好家眷 新郎新娘平平權 食茶恭賀有預算 祝恁夫妻喜團圓新娘生水好人才 玉貌朱唇柳葉眉 恭賀四句合現代 入門富貴進丁來新娘生水真好命 外家內家好名聲 古例甜茶來相請 乎恁金銀滿大廳新娘做人肴尊敬 精神查某出人情 戲好嗎著看變景 年年不者會出丁新娘生水兼伶俐 親像牡丹花一枝 捧茶相請真好意 恭賀福祿慶齊眉新娘娶入門 燈灼點廳堂 房宮專新物 新被新眠床今夜洞房 燈灼輝煌 好話盡廣 女貌才郎廳堂專人客 男女數千箇 喜酒食真多 等候閣食茶新娘野著房宮內 不知是塊變省代 做人著愛恰大概 汝嗎出來阮看覓 |
收 茶 甌 講 四 句 |
| 手提錢銀塊茶鐘 新娘入門尪家興 新人恰水楊宗保 新娘袂輸穆桂英 手提銀票塊茶甌 新郎新娘人平肴 夫妻恩愛好甲老 後日得恰好出頭 新娘我識汝 富家人女兒 省看都定意 相當肴讀書 新娘好學問 做對好詩韻 茶盤收去勸 翁姑著孝順 現代的世界 自由相意愛 新郎才袂醜 新娘黑貓派 新娘甲新人 茶甌緊來捧 宿久無錢趁 袋仔斷錢山 龍鳳相隨 代魚開嘴 新娘生水 新人古錐尾 塊茶甌緊來收 新郎新娘真自由 提錢共恁添福壽 二姓合婚配千秋 |
討 冬 瓜 講 四 句 |
| 新娘行踏真好派 一對夫妻行相排 食茶恭賀艱至再 福祿壽全一齊來 新娘請茶真清甜 做過高中女先生 匹配好尪看見見 入門發家團團圓 維新剪髮電頭鬃 穿插歸身閣清香 新娘型體真活動 子婿大學讀書人 新娘女德好品幸 德和同事甲學生 甜茶相請真欽敬 配夫發達萬年興 新娘穿插真齊整 師範畢業好學生 請茶好禮肴尊敬 恭賀富貴又添丁 新娘伶俐真文理 無人勝伊肴作詩 請茶恭賀真歡喜 福祿壽全就是伊 來看新娘人真多 甜茶食過討冬瓜 逐家郎有說好話 子婿福氣中頭科 新娘插紅花 腳穿紅皮鞋 阮來無別做 閣再討冬瓜頭插紅桃 身穿紅襖 夫妻保老 百年和好冬瓜是菜 夫妻恩愛 有事公開 七子八婿人我上不黨 四句袂曉講 新娘廣無煌 永有一句通冬瓜著閣乒 閣請眾同學 含慢又閣宋 不敢講凸風 來乎新娘請食茶 一對美貌好夫妻 新娘肴廣閣肴做 可比一蕊牡丹花 冬瓜蜜白糖 每塊寸外長 緊卜去做酸 一醒到天光 新娘冬瓜捧權權 夫妻恩愛兩相全 二姓婚姻相甘願 子孫代代出狀元 乎恁今夜好洞房 可比魚水得相逢 冬尾天上送貴子 富貴長壽福滿堂 新娘娶入來 家財年年富 今年娶心婦 明年起大厝 冬瓜提到嘴 四句講兮對 財庫兼富貴 收刈那山歸 新娘冬瓜捧出來 看著一表好人才 致蔭夫家有至再 祝恁年尾生 雙胎朋友兄弟 冬瓜好味 免皆客氣 不通細字 今日好日子 兩姓結連理 冬尾得恰生 閣來恁恭喜 新娘正妝 學問相當 英語肴廣 腹內能通 新娘順從 夫妻久長 女胎變相 麟趾呈祥 冬瓜捧一凸 詩句著緊廣 看省恰能通 無廣人笑宋 新娘真賢會 女德閣肴做 恁且冬瓜茶 實在食真多 冬瓜食過討檳榔 換食檳榔恰甜糖 新娘理家肴打算 三多九如慶 十全冰糖食過討紅棗 祝恁全家會合和 夫妻百年真和好 宜室宜家敬糧婆 紅棗食過討福員 俗名龍眼亦有拴 夫妻配合真水款 生子生孫上金鑾 |
| 福員食過討桔餅 恭喜好話說恁听 夫妻福氣真好命 添丁進財好名聲 桔餅食過討瓜子 新郎新娘袂羔纏 夫妻一定大福氣 生子傳孫拜墀池 瓜子食過討生仁 嫁妝物件逐項新 祝恁興旺魁生進 壽比南山福日臻 生仁香甜也真好 閣共恁討瓜子糕 配茶恭賀年年好 福祿壽全傳家和 物件食過著閣換 我卜閣討葡蔔干 祝恁一家真完滿 家伙發達那金山 食葷蔔干真意愛 順煞恁討山東梨 食茶恭賀照古代 福祿雙全進丁財 山東水梨真肴勸 又卜討食蜜柑糖 食茶恭賀有打算 富貴榮華滿廳堂 卜討冰糖群蓮子 只味甜湯真開脾 大家共恁大恭喜 興家發達春大錢 點心卜討群杜鹽 冰糖參甜我無嫌 恭喜好話我緊念 丁財福壽年年添 新娘頭鬃原子電 閣掛手錶甲拔鍊 莫怪新郎共阮展 通人都廣好姻緣 新娘派頭真偶 穿洋裝掛手錶 先鬧伊都袂笑 這款人才真小 流行皮鞋駱駝絨 腳步不敢行箱雄 袂來伊有先計共 真賢女德會三從 新娘生水人清讚 入門富貴保平安 真少這款者大辦 添丁進財壽如山 新娘生水好骨格 好意雙手請甜茶 現在新婚照古例 入門好命大發家 新娘有水實在講 親身甜茶雙手捧 廣柯好話說相送 新婚水某配水尪 阮食甜茶有打算 卜共恁討長壽煙 三日做客雙人返 丁財福祿真十全 來食喜酒招朋友 嫁妝專是緞甲綢 窈窕淑女姻緣就 君子好求真自由 人客坐歸廳 听著甌仔聲 新娘塊準備 有食不免驚坐好 免珍動 新娘卜出房 未瓦先鼻隙 卜且咱眾人 新娘出方宮 茶捧幾十鐘 未且先仃定 對省且代先 新娘真明白 面水簡那玉 新人肴物色 恰早敢有識只平 乙直等 野袂著到咱 新娘真好辨 果然有影贊真白 肉小粒只 玻瑙襪金薛薛 甜茶著緊皆接 咱大家恰世字 新娘真派頭 又閣針只肴 逐項做兮到 記池免筆抄 咱來是客免箱銃 酒那袂食無路用 茶卜準酒共咱敬 袂喝伊敢共咱爭 我卜先勸咱眾人 三八話不通湳滲 四句那是廣袂凍 著緊叫人罩幫忙 新娘回答眾朋友 我是用茶準燒酒 那興即來刺看覓 即知省人恰技手 看汝四句學外多 著趁今夜兮機會 句豆那是有欠契 箭甲乎汝袂廣話 四句那是廣有通 新娘卜助咱威風 看是省人袂曉廣 甜茶著飲三碗公 茶酒捧來到面前 新娘免塊箱榮倖 看是省人恰槍永 卜典四句等恰程 新娘父母真肴生 請汝來倚我身邊 眾人耳目看見見 那乎溜愧不達錢 國家錢好寶 今日好佚陶 恰好共阮報 不免阮羅梭新娘 甲新人 紅衫也紅 倒一甌甜香 汝嗎報我捧 新娘手頭肴 帶阮厝邊兜 目啁共我漏 叫我捧這甌 報我這甌無爭差 我做一嘴飲甲乾 兩人訂婚有甲打 乎汝頭胎生生泡 入門喜真正好 連家官都呵惱 三日做客返倒 第二胎好佚陶 食甜茶會人客 茶甌伐落共厭 乎一年生一箇 逐箇閣肴讀冊 甜茶共人食過了 我用銀票來做鳥 那無茶甌袂報消 安年來變即有巧 恁做只款也好細 換我銀票做田螺 卜閣共恁廣好話 祝恁囝仔生多箇 我嗎拴一包 卜共厭茶甌 才情做會到 著開大行郊茶錢 我有拴 子女程度權 有 做課長 有 省議員 這擺我真正散 落雨都無錢趁 春二箇龍仔銀 乎新娘肴大漢 新娘伊看兮知 銀元共伊舖排 免氣治心肝內 金鍊掛到肚臍 新郎新娘慢且 我有拴鹹公餅 夫妻著恰打拼 入門喜我知影 新郎甲咱那兄弟 安年娛樂恰趣味 夫妻和順過日子 家官壽元食百 二新郎才子 新娘高女 乖巧子兒 逐箇規矩專來 恁祝賀 詩詞做參考 物件有亦無 敢著乎阮討知 阮愛手巾 提來照頭份 阮送免算論 會出好子孫手巾 份甲通有到 人水連物煞水透 乎恁家官食恰老 子心婦逐箇有孝 恁是自由戀愛 野是媒人紹介 廣乎阮听看覓 幸福這款子婿 門當閣戶對 榮華兼富貴 今夜日子水 緊去做瘦愧恁 尪仔肴展寶 廣汝笑神真好 有影緊共阮報 當面甲汝參考 那是有影這號代 汝緊笑乎阮看覓 輕快人都恰大概 一生好呆即會知 那笑賞品阮有拴 生子程度逐箇權 舉筆文章有就選 至小也有縣議員 新娘今日娶到塊 紅龜著做恰大箇 念麼生子做肚節 新郎亦通做老爸 兩姓來合婚 日日有錢春 乎恁乾家官 雙手抱雙孫 新娘腹內能通 人才也有相當 新郎快做老爸 念麼通做阿公 新娘真美雅 明年就有子 心肝恰提膽 真緊做媽媽 新娘真古意 鬧久會受氣 大家量早返 通乎變把戲咱來 喜酒食真多 今冥卜搬鐵公雞 趁早來返恰好細 仲著刀鎗做狗把 喜酒扣著拂 坐久兮鬱卒 卜返趁早返 乎搬冥尾出 新娘食神帶真重 大家量早緊籠隙 準備緊返恰允凍 通乎兩人變猿弄 大家緊起行 乎因去輸營 著恰肴打拼 念麼做阿娘 新娘大斷兼慷慨 新郎斯文閣大才 好話阮講歸船載 等待肚節即閣來 編歌在人腹內炳 食茶四句到者停 愛念歌名既恁景 歌仔字句印真明 |
| 新娘賢會人清讚 入門富貴保平安 食茶恭賀真大辦 添丁進財壽如山 新娘生水好骨格 好意雙手請甜茶 恭賀新婚照古例 入門好命大發家 新娘有水實在講 卜接甜茶雙手捧 食茶好話說相送 富貴好某配好尪 新娘生水有上算 請客甜茶煎冰糖 三日做客雙人返 丁財福壽真十全 來食喜茶招朋友 嫁妝專是緞甲綢 窈窕淑女姻緣就 君子好求真自由 人客坐歸廳 听著甌仔聲 新娘塊準備 有食不免驚 新娘行出房 茶盤雙手捧 確實有成意 卜且咱眾人 新娘出房宮 茶捧幾十鐘 新娘加伊廣 乎人且代先 咱人客坐歸排 看新娘兮人才 新娘塊報伊知 對喜平請過來 新娘真好意 茶捧喜平去 確實有影敕 衫穿粉紅色 坐者乙直等 野袂著到咱 人廣新娘水 果然有影贊 真白肉小粒只 玻璃襪金薛薛 甜茶那捧來 咱著緊共接 派頭有閣大風 待人又能通 一對那龍鳳 入門財丁旺 人客免相銃 是恁愛不是我興 四句廣了那有通 茶卜準酒共恁敬 賢會新娘人清讚 入門全家保平安 新娘生水閣大辦 祝恁家官壽如山 到者無拵好朋友 我是用茶準燒酒 那興即來刺看覓 即知省人恰技手 看汝四句學外多 著趁今夜兮機會 冬瓜拴便便 箭甲乎汝袂廣話 四句那是廣有通 新娘替我罩威風 看是省人袂曉廣 甜茶著飲三碗公 甜茶捧來到面前 新娘免塊倘蚋榮 無汝兮代志 卜展四句等恰程 今日娶入門 嫁妝滿廳堂 新娘閣巧裝 目睭又廷純好話 緊廣 今夜洞房 話無亂凸 財丁興旺廳堂物 真多 數千兮人客 喜酒那食過 閣討新娘茶 新娘甲新人 野著新娘房 先走都無隙 甜茶著緊捧 新娘緊出阮看覓 紅包治阮袋仔內 人廣水醜有至再 不通乎阮箱等待 提錢等卜塊茶鐘 對恁家官收代先 新娘入門才子盛 男宗保女穆桂英 茶盤淺淺 茶甌顯顯 我無恁片 止有二錢 錢是國家寶 流通者兮好 食好相打報 乎恁發萬草 新郎娶著好妻位 所有困難今放開 腹內能通人閣水 今夜恁著好安睡 翁姑著孝順 客來好嘴問 兒女生大群 廣話那詩韻 門當戶對 龍鳳相隨 玳魚落水 永久不開好呆 尪某愛相勸 有話來廣恰甜糖 婚姻成就免閣問 二姓合婚久長長 |
討冬瓜講四句 |
| 社會這款恁看覓 一對新婚行相排 人廣是卜傳后代 天賜麒麟降生來 新娘水閣肴炳變 因兮父母肴皆生 一對可比鳳凰鳥 致蔭尪家大趁錢 新娘維新電頭鬃 子婿本是讀書人 新娘體格真活動 身穿紅襖透身香 新娘生做好 目尾肴拖刀 我緊共恁報 美觀世間無 新娘品倖我相信 生子朗兮做大臣 順孝女德一方面 入門對人加倍親 新郎伊有大福氣 得著富家人女兒 請茶恭賀真歡喜 今日入門年尾生 兩姓合婚好日子 新娘生子著新年 祝恁一家造化是 全家幸福團團圓 新娘插紅花 高崎白皮鞋 嫁著好子弟 有福中雙科 四句治腹內 阮即敢帶來 子孫歸船載 配著好尪婿 好話那袂廣 人兮笑罔黨 新娘足活動 等卜打乓乒 新娘真色當 歡迎咱同窗 盡量閣甲廣 免乎笑凸風 甜茶冬瓜食真多 新郎新娘水美麗 恁是媒人做好細 亦是戀愛用寫批 盡量好話今著廣 那無人卜去渦房 正式夫妻無煽動 即兮魚水得相逢 冬瓜蜜白糖 新房新眠床 新娘真伶俐 今日帶過門大炮 一直放 歸宮專是人 有人抵即來 亦有塊共送 人客歸大廳 袂輸北京城 遠人都知影 即有即出名 今日帶心婦 入門蔭丈夫 新年起大厝 珠寶歸身軀 帶著新娘水 鳳肉送到位 今夜敢著跪 無者難解為 大家免世字 物件排齊備 提提起來食 即知好氣味 新娘好針只 新郎肴讀書 今年卜赴試 後年進墀池 新娘肴化妝 學問真相當 國語閣肴廣 英語亦能通 夫妻肚量 永久保長 新郎福相 麒麟呈祥尪 某真大風 二人平能通 想乎恰色當 念乜財丁旺 好意請人客 物件捧真多 愛食閣再提 不通加廣話 新娘真和平 年尾生雙生 一箇理國政 一箇進朝廷 物件食乎礁 雙生有生泡 一箇伴聖駕 一箇辦國家 歸棹菜色看現現 那愛甲食不通踐 只款筵席真罕見 乎恁富貴萬萬年 實在有影肴打算 歸棹全是辦好物 順孝家官恰什問 祝天壽元食恰長 新郎得著好牽手 今日幸福真自由 大家共恁添福壽 家官亦著配千秋 家官老運真好命 即兮娶著好親成 有錢人箇查某子 看因嫁妝大家驚 生水人清讚 女德頭一層 不是水大辨 最好家平安 |
| 新娘對咱真好禮 好意雙手請甜茶 只款新婚照古例 致蔭丈夫礁家官 四句盡量恰伊講 卜接甜茶爻手捧 祝恁一對龍甲鳳 伐落通卜去洞房 月老催排早有算 請客甜茶煎冰糖 三日做客雙水返 丁財福壽久長長 卜看新娘招朋友 妝嫁專是緞甲綢 夫妻感情閣成就 只款新婚真自由 人客坐乎定 有听甌仔聲 大家免礁侃 有食不免驚 新娘行出房 好物閣再捧 確實有成意 卜且咱眾人 新娘出房宮 大家免競爭 新郎行做前 乎人且代先 人客緊坐歸排 媒婆塊甲紹介 新郎塊報伊知 對喜平請過來 新娘有影敕 腳手白那玉 面水簡那刻 衫穿粉紅色 大家乙直等 野袂著到咱 大約物相送 項項都真香 小粒只真白肉 玻璃襪高崎踏 咱看那無甲打 當伊面呈好 炒派頭辦有哲 對人正親切 今冥新建設 不通箱不結 人客免箱 那愛敬代先 四句顛倒炳 兮乎新娘爭 兮袂奉看見見 三八話湳滲鄭 四句無恰注意 來者著乎人精 列位眾朋友 那愛來喝酒 不通討吪救 看省恰技手 看汝四句學外多 著趁今夜兮機會 那是袂曉接嘴尾 箭甲乎汝袂廣話 四句那是廣有通 新娘贊汝大威風 看是省人袂曉廣 燒茶著飲三碗公 燒茶捧來到面前 新娘免塊箱榮倖 那卜量汝廣代先 著我卜廣等恰程 食新娘茶配肉餅 人水穿插閣時行 一家好命真端正 發達金銀滿大廳 好意食過真多物 亦有點心四果湯 只款新婚有就算 夫妻和好福壽長 點心食過討香煙 雙喜壽煙歸枝吞 祝恁男家大福份 新娘入門年年春 新娘派頭真肴格 穿玻璃襪即有敕 新娘自早我有熟 真賢三從會四德 今日恁好意 食甲笑咪咪 食飽緊來去 不通羔羔纏 新娘手頭肴 帶阮厝邊兜 逐項做兮到 報我捧這甌 這甌我有哈 做一嘴飲乾 物件又閣巧 頭胞生 巴 入門喜真正好 連家官都呵惱 做恁食免驚無 新年閣來佚陶 食甜茶兮人客 茶甌伐落共壓 是一年生一箇 逐箇規矩讀冊 甜茶食了後 銀票做鳥頭 新娘看兮到 大家變真肴 安年生無奇巧 銀票做花汝插 花鳥即有甲打 阮逐箇食真飽 阮有預備拴一包 卜共新娘壓茶甌 祝恁官員朗做透 有的國外做外交 卜來茶甌錢有拴 新娘名聲真流傳 新郎下屆著競選 一定當選省議員 食煞緊解散 各人通閣趁 只款有順辦 夫妻平大斷 新郎新娘徛在在 嫁妝疊甲歸房內 專是新色流行派 日本西洋買過來 看真逐款都有影 台省野袂塊時行 恰早人都塊罕聲 看著現品即兮驚 新娘入門恰客氣 新郎對咱閣趣味 一家團圓好日子 家官壽元食佰二 新娘笑咪咪 富家人女兒 白肉小粒子 逐項好袂是 子兒規矩尪某好 卜甲新娘汝羅梭 不是我愛做參考 敢著乎人出嘴討 新娘真單純 好物提來分 豐收食著允 祝恁出好孫 新郎新娘人仁慈 物件專新不是舊 伐落通閣起大厝 念乜卜娶孫心婦 大家朗有份巢到 人水連物煞水透 乎恁家官食恰老 福祿壽全朗出頭 新娘水逐箇愛 尋無人通紹介 亦著幸福家內 即得著好子婿 相當門戶塊相對 貧人難得通富貴 尪生某妲閣真水 看著真肴做瘦愧 看人尪某靴年好 可比一對小寶寶 這款家庭好佚陶 倒位乎咱尋都無 新娘看著真慷慨 新郎斯文閣大才 紅包治阮袋仔內 汝笑一聲阮看覓 那甲有汝只號樣 大大預備甲汝賞 看卜古器亦現金 祝恁夫妻永同心 水人又閣真大斷 現代男女朗平權 舉筆文章有就選 派汝大使外交員 合婚日子閣真水 恭賀兩姓結做堆 通去預備做瘦愧 天光相排行相隨 兩姓來合婚 錢銀年年春 家官肴打算 雙手抱雙孫 新郎新娘相當 人才學問能通 別人嗎有塊廣 念乜做內外公 新娘真小膽 無想快生子 有哈家官痛 著快做阿娘 對咱真歡喜 知人兮趣味 咱著乎緊去 人卜變把戲 今夜酒食真多 伐落緊穿皮鞋 咱那返去好細 通乎做鐵公雞 比較金山扣著掘 坐久新郎會鬱卒 大家離開返咱厝 乎因去搬冥尾出 新郎新娘食神重 大家量早緊籠隙 盆好抵著花閣香 趁早奉去皮猿弄 食飽著緊行 人因卜輸營 空契骨力拼 念乜做阿娘新娘 大斷閣慷慨 新郎斯文人大才 好話阮講歸船載 話說香煙一支來 來探新娘己完全 生子生孫中狀元 乎恁發財代代傳 子孫箇箇上 金鑾食新娘茶真歡喜 祝恁發財造化示 食茶洞房到者止 乎恁囝仔好腰飼 句豆袂醜無自誇 內容阮全換新詞 無嫌那是卜閣煞 閣編話屎袂箱拖 食茶洞房到這鏨 離別新娘甲新人 四句所有阮盡講 緊返通乎因洞房 一本四元無廣價 恰遠呈好用寫批 四集16元即有賣 郵票寄來做代替 竹林編歌兼自印 煞報廠址發行人 中央戲院相對面 者過招牌看乎真 (食新娘茶講四句．鬧洞房歌 一、二、三、四集終) |