| 列位貴君請坐靜 小弟拜託几分鐘 卜念臺灣舊風景 古早三四百年前 以前臺灣袂開化 淺水船著用人拖 有人討掠船打破 逃來臺灣塊生活 原早臺灣無人管 平洋礦土專生蕃 明末清初天下亂 國姓即來開臺灣 來開臺灣鄭國姓 漢人不降伊滿清 抗拒全師十三省 建設澎湖卜屯兵 國姓少年健身勇 將官逐 真盡忠 身邊伊有五虎將 甘輝萬禮甲施良 五虎逐 盡忠義 林四許昌陳魁奇 陳豹陳典不驚死 清兵逐 都驚伊 出兵海水起波浪 陳家兄弟領先鋒 海底都兮浮龍 因何大事未成功 國姓原籍石井鄭 抵抗清兵數多年 南京失敗即致病 歸天即換因校生 民族英雄鄭國姓 堅心守志卜復明 人廣成敗是天命 死後大權交鄭經 鄭經即換鄭克爽 戰敗降清即封王 清朝天下歸一統 即有船隻來交通 國姓開臺無外久 磚城造去真工夫 代先建設南寧府 天興萬年分二區 明末清初即平錠 南寧改號換府城 有看歷史著知影 臺灣全島設三廳 清朝初時來接管 看做小小 臺灣 台南府城竹塹縣 屏東恆春平埔蕃 臺灣都市第一早 台北號做大加 一府二鹿三艋 專是草厝圍籬把 街頭巷尾專草厝 無橫無直三腳株 壁虎油虫逐項有 柱腳閣兮生咒龜 起厝專是塗葛壁 人塊發達未到額 厝頂崁草無崁瓦 暗時專點臭油 許時文化未進步 亦無電火暗摸摸 點臭油 真干苦 一泡親像火金姑 烏暗時代無電火 街路專是瀾溝粥 大溝無橋袂得過 雨來四繪嘗例例 原早精神無帶重 起厝光廳格暗房 厝內逐宮有屎桶 六月暑天非常香 以前頭 是真定 社會非常無衛生 囝仔鼻流袂曉 愛哭嘴食無時停 囝仔 鼻衫手映 街頭巷尾專愛門 暗時甲鬼行相斷 喜時無火即年光 古早大厝第一水 起好另外插竹圍 呆運不時斷著鬼 竹腳皇金歸大堆 時代交通足呆路 大溪無橋 竹 上山落嶺真干苦 專是竹腳芒仔埔 早時大路造無透 專是大埤甲圳溝 瘦田拋荒發竿草 路 全部種林投 本成無車通運送 坐船過水真踐工 專行竹腳 仔巷 黃昏著無過路人 早時市街袂建設 人都也袂即年孽 街頭巷尾真葉帖 壁邊屎壺排歸列 衛生袂曉通拼斷 屎尿放勸路中央 戶蠅蚊虫否塊狀 勸塊生孤煞發毛 地方全部無整理 交通不便真希微 台北喜時無市窄 街頭巷尾專大埤 時代市區真荒廢 彎街越巷路真窄 亦無市場通買賣 第一鬧熱中南街 滿清時代無整頓 交通不便用航船 做官食飽倒塊困 精神專想燒烏煙 來往交通用船隻 台灣亦無自動車 貨物運搬真懊寄 起水工友來塊 市內人數是真散 冬天落雪總靴寒 好天航船那瓦岸 即有工人塊運搬 專是航船塊載貨 台灣出口樟腦茶 溫州粗紙宋米袋 水油糖粉甲大麥 從前台灣無生產 全部都是看天田 無米著去南洋辦 亦無豆餅欠肥丹 農村袂曉通耕作 大肥出剩不甘落 瘦田恰能發草抱 那卜豐收得確無 烏暗時代人恰 專是粗夫塊耕農 文人逐 恰蘇爽 那中進士足威風 清朝亦無設學校 有錢子孫即兮肴 讀書識字通考教 赤子著去 鋤頭 滿清重文不重武 無設學校著恰須 赤人苦學罵是有 十 九 青冥牛 許 專制兮時代 人塊烏暗野未開 狀元三年考一擺 讀書望卜進秀才 出士秀才中過面 閣去福州考舉人 陰公 德真要緊 那無冤鬼兮纏身 清朝舉人真貴氣 一舉成名天下知 牌匾文魁大武字 顯祖榮宗煞 旗 時代考教有規定 貴賤二字分真明 昌優 卒不採用 破戒不準上朝庭 貧窮散赤無要緊 清白無人敢看輕 赤人子孫能寸進 下賤永遠做牛民 古早廉恥真有守 品行各人皆治收 那卜考教能瓊救 禁止三教下九流 滿清制度朗灰換 舉人門口 旗竿 來台五縣鎮一半 那卜祭祖回唐山 這 古例是習慣 原籍朗是帶漳泉 初來經商做小販 有 耕種帶鄉村 祖先專是國內人 五十年前流頭鬃 查某縛腳袂粗種 穿插全部無相同 想著早時兮穿插 許 查某縛小腳 鞋底一粒木屐搭 出門行踏澳去沙 有 勇敢縛真細 有人驚痛虎咬雞 行路腳骨能廣話 著是大腳假小蹄 查某縛腳古早例 縛著腳骨那姜牙 三寸金蓮真好禮 行路親像雲過月 一 小漢無認份 驚痛縛甲義義尊 暗時偷流即去困 大漢袂須杉 船 時代縛腳即大辦 查某穿衫勤欄杆 看著實在真希罕 出門袂行著人牽 社會烏暗兮時 男女做堆著愛分 身穿衫褲逐嶺滾 寒天頭 包烏巾 時代束縛舊禮教 查某縛腳甲梳頭 平數不識出門口 千金小姐店繡樓 查埔頭鬃長大抱 富戶長袍甲羊羔 文人出門戴碗帽 僥倖虱母蠕蠕 那是紳士恰幼秀 頭鬃放直生尾鰍 少年格燙麵線紐 逐 虱母生歸球 早時頭鬃真鎮塊 粗夫著因頭鬃螺 查某囝仔未出嫁 頭鬃專葛紅凸紗 查埔熱天紅水褲 通聯染 踏田塗 赤人腳巾做頭布 包甲頭 即大 古早兮人有恰宋 寒天專穿破裘公 衫褲穿甲闊 鱸鰻紳士包拔風 時代流行霞堵汗 無論紳士亦鱸鰻 繡龍繡鳳真好看 赤人布袋做雨披 歷代金錢上高貴 世間貧窮真克開 富戶鞋襪甲褲腿 粗夫笠仔甲棕簑 以前查某無路用 平平一 算半丁 比較現代 女姓 煞比查埔恰才情 舊時查某無塊看 現代女人做大官 公務人員鎮一半 觀音恰高大屯山 近來男女真平等 剪髮流腳即文膾 研究電髮成好用 全頭化裝几分鐘 (鄭國姓開臺灣歌 上本 終) |
| 成功漢人不降滿 帶兵即來開台灣 清朝光緒日本反 鴻章寫字去下關 鴻章下關去寫字 尾省臺灣寫乎伊 咱乎清朝賣去死 害咱干苦五十年 今日好得咱祖國 想著臺灣漢民族 來乎日本即拘束 即用心神來光復 卅四年祖國到位 索仔即共咱放開 有話今通講 愧 不免心肝結歸雷 臺灣兄弟眾同胞 束縛日子今過頭 日本今朗總 走 永遠不肯帶咱兜 全島的人通怨嘆 日本束縛人真按 臺灣以前六百萬 事事乎伊真 難 日本政府人不願 放去箱重警察權 冤枉受刑真不滿 咱都無塊通訴冤 並並百姓食咱到 官廳因恰有勢頭 臭狗因是為臭狗 真賢欺負咱同胞 見面咱著乎伊哄 官廳為因日啞人 無通乎咱講半項 到嘴胚雙平紅 今日是咱的日子 重見青天白日旗 日本敗戰人歡喜 莫怪眾人怨恨伊 那講臺灣的干苦 講著天頂通全烏 四面是海走無路 任汝做鳥難得逃 臺灣百姓真好管 日本上愛咱臺灣 全島百姓不甘願 克剝一番過一番 日本罪惡上等重 上賢克剝臺灣人 縛腳縛手袂振動 雖便 咱塞耳空 日本卜敗天隨變 乎打敢怨不敢言 今日失敗即看現 實在有影合該然 日本今日來失敗 亦是對咱箱亂來 事事乎伊真使派 敗戰百姓叫應該 就到今日即知苦 行為做了箱過粗 分廣內地共本島 職權濫用真糊途 代志明明是冤枉 重刑有認恰有功 不認不時刑共槓 刑事親像活閻王 日本刑法通人畏 掠去現現著青梯 松乳罩在咱兮嘴 灌水即閣赤高槌 等到半冥即卜問 親像閻王坐陰堂 刑事打人手袂軟 不驚人死打到光 日本無天的刑具 打人親像那打牛 無影亦卜刑到有 全然無借人身軀 日本警察高等課 下司愛卜有功勞 冤枉有認上等好 不管有影亦是無 面巾蓋面即灌水 頭調向天嘴開開 灌著強強卜無愧 腹肚水是食歸堆 日本問案刑罰人 打著是能鑽土空 犯罪無論輕亦重 刑罰腳腿磧石枋 石條足重磧真久 雙手攪在腳頭龜 冤枉強卜刑到有 人是比犬亦恰輸 講到日本的刑具 打人相似撻金龜 索仔縛吊指頭母 屎尿溜甲歸身軀 煙枝點火共咱灸 屏灸凸 歸身軀 恰弱的人當無久 實在比死也恰輸 無認每時共咱打 刑事掠頭共掠腳 手指共咱折指甲 暈去閣再用腳踏 呆人刑死無要緊 好人刑死成可憐 奸諜冤枉歸大陣 十 掠無一 真 咱人字運那恰呆 禍就落對天 來 掠去到位苦憐代 能哀打甲汝袂哀 只 朋友得人罪 起無空頭生問題 實在奸諜無影做 掠去打死足成衰 若講戰爭罪犯重 巫賴奸諜上呆空 乎伊掠去難得放 不管汝是何等人 日本全無惜百姓 下司專是想食錢 食到腹肚那飽鄭 不管編私無公平 有食後手恰免打 亦有燒茶食嘴乾 無夏後手強強押 有夏拘留免調查 刑事食錢賢冤枉 皆打乎死是應當 己往不究今免講 火可警戒是無防 臭人今都不免打 刑事走到無停腳 亦著小可共伊教 即佑伊有做爭差 刑事莫怪人怨嘆 打人心肝足粗田 前日伊能來打咱 光復打伊無相干 刑事警察罪惡重 真賢刑罰臺灣人 今卜吊豆亦跳港 那卜閃避走無空 亦著做好恰有底 即免乎人炒生蝦 刑事警察足成多 若是做好無問題 做好官警閣復職 祖國認定有老實 有到這 有所得 做呆現時難過日 烈位同胞眾朋友 今咱免講報冤仇 編歌乎人做研究 配送臺灣分五州 以前罪惡作過重 呆運遇著只號空 原子爆彈一下放 昭和著驚緊投行 役場內面專百姓 尋靴辦事無公平 全尋內底 書記 公工卜抽卜食錢 無論富戶亦散赤 不驚無趁無通食 普通頭咯亦會社 公工一 一份額 臺灣百姓眾朋友 大家愛著佑理由 好得祖國緊來救 那無大家命就休 不管無力袂粗重 強制抽去做公工 家族疏開去下港 乎汝返來尋無人 屏叫不乎汝佑影 抽去海外也著行 返來尋無某仔子 想真臭狗人 驚 那 無法廣屏段 隨時咱厝吊米單 三餐無食卜按盞 上毒日本惡心肝 講到公工虛時代 听著 滓流落來 日本 來乎失敗 大大小小 應該 恰大事業亦著放 著緊通付做公工 某子一汗那肉粽 伊不驚咱餓死人 有人公工作三擺 作未到完單又來 是咱加治做鬼怪 乎人甲打合應該 有人甲伊下後手 絕對免做的理由 買物送伊請燒酒 公工二字免憂愁 听見朋友塊相箭 辦事的人無公平 克開貧窮的百姓 無通去下後手錢 第一糊途勞務課 上司做事無下落 有人公工常接作 有 半擺都野無 講到日本 政府 天地不平應皆輸 抽省百姓做勞務 全然無惜人身軀 講到公 工干苦 日本政府心真粗 乎咱餓腸共餓肚 食亦無飽著挑塗 食都無飽按盞作 著腳手軟 日本第一無人道 天良二字全然無 食飽閑閑塊監督 叫人 柴共枕木 工作袂做足正惡 閣罵咱是清國奴 日本明明是卜敗 出有只疑即亂來 共人減米共減菜 失敗百姓叫應該 組頭專是十本人 小錢卜倩倩袂重 即對政府去使弄 著用免錢抽人工 列位同胞想看覓 好得咱兮祖國來 日狗害咱悽慘代 著打乎死免乎哀 愛國也著人 忠 國家即有出英雄 流傳萬國人敬重 不比日本即奸雄 美國對咱有影好 看咱政治袂羅唆 咱 國家有公道 萬國對咱真提高 日本最後想反悔 人死國土了一哇 伊是私偏 滲做 亡國閣煞塊連回 效忠領袖蔣總統 軍民準備卜反攻 光復大陸有希望 打倒共產走無空 日本做去箱過硬 到者即知不達錢 汝咱免閣伊相見 算是命運由在天 此本敗戰說詳細 開台國姓伊一 請 看了那合格 每本三角寄來買 (鄭國姓開臺灣歌 下本 終) |