茶園挽茶相褒歌

朋友大家坐恰瓦　卜念挽茶相褒歌　竹林本人就是我　拜託靜靜听念歌
列位諸君著來听　有來編歌有出名　歌仔專編七字正　又卜罩句閣好听
國父建國都袂呆　滿山種茶連片栽　這是民國兮時代　即有這歌編出來
因為挽茶用查某　男女份雜做何途　近來茶界真進步　無論幼茶也是粗
卜挽春茶清明後　著倩茶工上山頭　是清明兮前後　　茶山查某亂抄抄
三月時節都袂寒　事業做榮上茶山　停　頭一下看　　真多挽茶查某官
阮娘舉頭皆看覓　听伊念歌即兮知　一身格甲即好派　對咱茶山直直來
看娘挽茶在山頂　我是治者山下平　不識扒崎成僥倖　扒起拔倒真不明
　是不識行山路　按算一步扒歸埔　土粉噴甲歸領褲　無彩格甲即年蘇
不識扒山足成慘　拔甲褲底煞庵針　人阮一日想甲暗　想卜甲娘打笑談
听汝塊廣只句話　專工卜來打笑科　不知是卜廣省貨　著共阮娘照實回
挽茶查某即多人　卜來問汝是刁工　看娘一身即刁弄　何用干苦瓦茶　
阮娘算是無　婿　厝內家官真嚴癡　受人束縛千古代　無說君仔　不知
听娘是人兮養女　受著家官嚴教示　上山挽茶無寫四　曝甲滿面紅枝枝
汝有可憐我呆命　我今煞廣乎汝听　不是人兮親生子　事事卜講嗎袂行
听汝廣著即呆命　身邊又閣無親兄　示大家官又無痛　所廣兮話全不听
我今食到十八九　全部做食去外頭　趙猴小叔讀學校　心肝歪歪鼻交交
听娘汝說真可憐　我卜共汝問恰真　家官無痛無要緊　叫　生母來熟身
阮厝外家是真散　帶治真遠大武人　只事無人替我辨　冥日煩惱心不安
汝那有卜嫁　婿　厝住址報我知　　我即共汝問看覓　尋甲相當能哈台
汝卜共我罩相共　阿君真正兮做人　我有一話對汝講　不知通廣也不通
汝有省款做汝廣　君子至接卻無防　汝有省　兮希望　或是什麼不相當
想卜廣出驚呆世　愛汝共阮罩挽茶　不閣姊妹人即多　也有外人甲頭家
汝卜招我挽共　　驚了頭家甲茶工　我創共汝說下項　人問皆廣娘　　
汝卜假我兮　婿　瞞過外人即不知　那問理由只條代　問娘丈夫倒位來
那問丈夫兮事件　汝照這話廣乎听　前月因者來送定　野袂　入先來行
汝　計智成肴用　緊甲娘挽共平　　不知君仔省心性　听君廣話足正經
今我共娘挽一把　叫娘春手過來提　看娘一身成好體　目啁釘巡面肉白
春手共君提茶菜　看君形體即兮知　目尾共君汝偷駛　生做標亮好人才
看娘目神靴活動　目尾偷觀君一人　害我想甲足多項　免驚我　想省空
看君豎停煞定定　我娘開嘴叫一聲　來挽共平恰有影　甲君廣話驚人听
听娘叫我挽共平　心頭這久即精英　今日來到　山頂　看娘十分好感情
看君意愛在心內　爭差不敢廣出來　想卜廣出見少代　算是初逢汝都知
汝有省話娘緊廣　不免驚了初相逢　是有按盞不套棟　亦是省款袂相當
汝問我共君廣起　一句卜共汝通知　廣出不閣真燕氣　愛卜汝我來同居
听娘汝講兮世面　愛卜汝我來結親　古早兮話愛著信　人說弄假煞成真
弄假成真無關係　斷阮娘來挽茶　　嫁婿娶某是大　　汝是氣嫌阮做妻
廣甲氣嫌就無理　看著娘面真哈脾　當今現廣看甲意　卜是古早病相思
恰汝講甲卜成事　汝卜乎我做丈夫　厝牽手都敢有　　也著共我說實詞
人我野袂　牽手　者有出來四過遊　那甲姻緣卜成就　嘴甲講出無閣收
甲　廣甲即年成　汝卜　我都正經　不知郎君省字姓　也著共娘說分明
名姓戶口有一定　不免說甲靴分明　那卜起厝著愛用　也著疊壁甲格宮
听君汝廣有崁斬　就是號做莊仔杉　字姓咱閣無相　　姻緣不是打笑談
驚了汝我來共姓　汝著煞共我通知　姻緣長久兮代志　不時虛花免看時
看君廣話都袂　　知君腹內足能通　這句秘密閣煞廣　只項物件無凸風
驚了汝甲我　滲　刁工說來打笑談　那無甲我黑白探　我名叫做楊仔甘
君仔姓莊娘姓楊　字姓都無共生張　問君心肝想盞樣　也著實情回復娘
汝今叫我回言語　我就共汝說透枝　只邦我那返鄉里　兮差媒人先通知
一所挽了過一崙　歡喜配著水郎君　是咱前世有緣份　那看閣煞那斯文
共娘罩挽一大把　旦落茶籃不免提　姻緣今咱廣好世　娶汝水娘無幾　
一　挽了過一　　歡喜我娘配水　　共君汝說有一項　那返就緊叫媒人
甲娘相亂卜回返　想著心肝足成酸　我叫媒人　厝問　汝今不通帶茶園
甲君行出茶園外　害阮無心袂念歌　不知治時卜來娶　驚君做事肴拖沙
雙腳行出娘茶園　一心歡喜一心酸　今日得著一項物　恰好織女見牛郎
袂記　帶省地號　汝閣共我說下落　也著共君照實報　媒人即袂去尋無
听君汝廣有下項　不敢拿汝做別人　住址報實無　滲　汝著有影我親住
址有報袂走閃　那來尋無海摸針　景美過去是新店　老實無人敢犯嫌所
在共君報了後　汝著緊記在心頭　等待春茶那挽透　我就兮返去阮兜約
束時間那到位　就卜娶娘來做堆　歌仔到者無接嘴　下句男女卜分開竹
林歌仔編只款　制度婚約自由權　古早例規無熟慣　近來改正萬多端為
著婚姻不合意　生命即來歸陰司　每年真多為戀死　有看報紙就知枝逐
日新聞治塊刊　戀愛每月數十層　雙方家長袂對辨　切心自殺歸陰間做
人示大想看覓　維新智識愛打開　男女平等兮時代　婚約自由即英皆婚
約著乎自由權　不通乎伊海底冤　有　父母箱肴管　後嗣到靴無人傳謹
請諸位好朋友　念歌能改人憂愁　少年無讀歌研究　袂輸　四過遊　到
者停筆卜宿困　拜託女士眾諸君　萬一有來小地分　且來奉茶甲且煙　
(終)