台灣歌仔簿─七字仔
家 貧 出 孝 子 歌
| 只本恰好廿四孝 恰早有人編過頭 內面也著看句豆 竹林只回閣再抄 句豆著奉兮呵惱 買去乎人念兮落 歲多精神也真好 著塊編歌那 第一有孝姚大舜 堯帝坐位呆年巡 內閣大臣啟奏準 御駕請伊去為君 大舜登基人呵惱 太平不識動兵刀 五谷豐登年冬好 夜免閉門賊馬無 大舜遇著呆後母 傷痕打甲歸身軀 因爹不時無在厝 好得神明塊相扶 後母心肝無平正 叫伊去死伊也行 神明改救即有命 大舜乎伊害不驚 大舜行孝巨母騙 後來用象塊耕田 年冬好收時機變 因為孝子感動天 周朝曾參字子輿 事母至孝賢讀書 屈守山林不出仕 那無 柴便釣魚 真正有孝甲守己 也無想卜娶妻兒 二十四孝排第二 勸 世上著學伊 曾參山頂塊 柴 心肝痛甲袂停腳 驚因老母卜差甲 緊收拾就回家 曾參有孝尊母令 雙腳跪在母面前 驚因母親卜差用 灶君替奏上天庭 灶君天庭去保奏 曾參後來也出頭 勸 著學即有孝 子孫即有好尾梢 第三閔損字子騫 無恨後母人不賢 閔損鄭 巨伊騙 恰寒伊也無怨言 閔損隨父到城外 卜有出日就著活 千霜雪落真大 腳手軟甲車袂拖 閔損因爹一兮著 衫穿即多野塊寒 閔損不敢說按盞 後母二款的心肝 因爹看著衫一空 內面專是 竿芒 無想霜寒雪又凍 後母即賢苦毒人 因爹毒婦卜甲離 閔損跪塊改勸伊 我野二 親小弟 我母著留通 池 周朝一位名 子 帶在山邊塊住居 偷辰鹿乳也敢去 不驚猛虎野山豬 父母愛食青鹿乳 逐日透早去偷辰 去甲鹿母困做陣 靠有鹿皮罩在身 千打獵來到位 分做四面塊包圍 緊跪塊皆好嘴 即免打獵甲剋虧 孝子不敢逆母令 父母兩眼巢失明 獵戶野閣恰欽敬 汝即有孝緊量情 獵戶賞銀有二兩 通去奉養 爹娘 勸 著學伊兮樣 那卜有孝照這張 周朝仲由字子路 家貧專食蕃薯 二十四孝排第五 楚國負米尋因姑 家內真散無塊借 歲小趁人錢袂著 有米也是欠煮小 加治三當食菜葉 白己食菜無要緊 粥飯奉養因爸親 有塊通借食兮 通 敢著咱上貧 後來出身的日子 想著無米喜當時 那卜父親野未死 早暗有通敬奉伊 子路後來做太守 奉命楚國去週遊 人廣萬善孝為首 有做爭差著緊收 周朝一 老萊領 對因父母真奉承 共稅戲服來塊穿 比塊做戲野恰成 驚因父母兮煩惱 終戲坪頂卻來學 顛來顛去假拔倒 妝甲囝仔差不刀 頭 格來梳角鬃 嘴胚點甲紅紅紅 因爹笑甲袂珍重 誤認因子囝仔人 父母看著正歡喜 認定伊野小孩兒 廣伊真賢兮做戲 嘴胚胭膽紅枝枝 老萊野閣未娶某 到者七十歲頭多 有孝不即有補所 父母生咱有功勞 前漢文帝名劉恆 國母染病在皇宮 真驚內監顧的停 文帝親身塊奉承 劉恆國號漢文帝 二十四孝第七 驚人呆心用毒計 親身著塊奉湯茶 文帝那卜奉湯藥 著先試看冷野燒 深宮內院無滾笑 驚了藥方食不著 煩惱國母不緊養 退殿就到萬壽宮 一統之主孝即重 這 介倒世間中 真驚太后歲即老 湯藥文帝飲做頭 那學伊此 孝 子孫絕對好尾梢 孝子蔡順字君仲 王莽纂漢賊真強 入山採桑準米用 度食歸年孤不章 採桑來做代用品 克虧因爹早過身 桑材二 有記認 烏兮奉養因母親 蔡順被賊掠去問 汝即好膽來採桑 簡那分做二位勸 一籃烏兮一籃黃 黃兮真酸兼退味 烏兮老人食恰甜 賊人听著即覺醒 知是孝子賞伊錢 蔡順暢甲不好說 頭 闔甲卜溜皮 緊離開過別塊 不敢越頭那鳥飛 漢朝一 名郭巨 無想孤子卜傳祠 三當飯是令外煮 夫妻專是食蕃薯 夫妻想甲土大愧 家內即散上克開 子 母親偏頭嘴 也閣細漢真累堆 有乎子食都無論 阿媽生成恰痛孫 囝仔食是無分寸 難得 孝答母恩 某對頭有歡喜 活埋手抱 子兒 玉帝則時就出旨 天賜黃金送乎伊 天賜黃金有一錠 字註郭巨兮親名 列位 听就知影 行孝二字好名聲 董永後漢 時代 二十四孝照頭排 因爹過往在家內 真散無錢通收埋 恨咱家庭即年散 爹親袂得通平安 賣身卜來買壽板 天賜仙女下凡間 董永賣身葬老爸 槐陰樹腳得著妻 妾身代還賣身債 日來織絹冥紡紗 賣身葬父孝為一 為夫債務還甲直 紡紗織布三百疋 某 做一月日 就者夫妻卜分離 相見後日也有時 董永出頭的日子 兮閣下凡送麟兒 江革叉原在後漢 反亂各位不平安 背因母親卜逃難 遇著賊盜乙時間 背因老母到半路 遇著搶劫的賊盜 進前無路退無步 賊人共伊正招呼 賊人卜招伊入火 江革不從一直梯 老母今年真多歲 三當著我皆煮粥 雙腳跪塊一直拜 大王汝看罵兮知 老母無人通奉待 卜是獨身我緊來 賊人听著有實在 知是孝子即無 賞伊銀兩甲米菜 江革拜謝回返來 後漢一 名姜詩 老母交帶因子兒 長江活水好氣味 姜詩挑來敬奉伊 王氏愛飲長江水 一日無飲脾袂開 姜詩取水 到位 興雲布雨塊陳雷 姜詩看著正歡喜 桶內有魚即真奇 簡有這 兮代志 厝後山壁裂一裂 看著鯉魚在水桶 厝後山壁袈一空 甘泉明明是天送 今免挑水去長江 天公卜來賜孝子 即有甘泉甲鯉魚 我塊編歌照古事 二十四孝有上書 後漢一 名丁蘭 每日 柴在山間 看著羊母塊生產 就者改過一時間 丁蘭因母名白氏 汗飲來乎因子兒 丁蘭卜來共伊接 白氏著驚跳落埤 看見因母投水死 摸著柴頭無身屍 刻木為母設做忌 三當零外閣拜伊 (家貧出孝子歌 上本 終) |
| 因某鐵齒無愛信 不識煮拜因母親 丁蘭將某離緊緊 就者設起拜忌神 以後為孝某無愛 將柴刻做神主牌 每年忌神做一擺 就是丁蘭手傳來 漢時一 名黃香 奉父 孝人順從 囝仔這款兮理想 名聲介倒世界中 六月暑天熱氣盛 共父悅扇歸點鐘 悅甲眠床兮涼冷 寒天加治困代先 眠床涼冷那秋秤 即乎因爹去安眠 寒天加治倒緊緊 困燒即換因父親 這款有孝是真小 那暗就去拴被蓆 先倒一困即有叫 騙因父親困袂燒 編歌卜來勸大眾 對待父母著順從 兄弟姊妹愛有量 囝仔著來學黃香 一 王蒲字偉元 心肝愛替父報冤 愛著司馬真不愿 伊著朝內真有權 王蒲有官無愛做 被奸閣害煞加衰 屈守忍耐在草地 奸臣即袂起問題 王蒲因母早過往 在生真正驚雷公 厝搭崁墓恰套棟 通共母親伊遮風 雷公那陳恰大聲 王蒲緊跪在墓 我是汝兮親生子 有通做伴汝免驚 吳國孟宗字恭賦 冬天哭竹 兮浮 真正有孝因老母 全無惜伊兮身軀 因母症頭帶真深 孟宗哭竹在山林 三當兮粥著過朕 愛食竹 群湯飲 跪塊那哭那祈禱 這兮時 竹 無 有 通食病就好 症頭沉重真羅梭 孟宗目屎汁汁滴 忽然塗地裂一裂 斟酌一看即歡喜 浮塗面四五枝 竹 緊帶返來群 天賜孟宗答母恩 現時不即有冬 有孝兮出好子孫 吳郡陸績字公紀 蘆江太守兮子兒 袁術對伊真成意 橘拴二粒送乎伊 陸績見著橘真愛 有食今著恰什來 緊袋人手袖內 橘墜落地人即知 陸績汝來是人客 挽桔乎汝卜準茶 汝那不食真無禮 是塊受氣省麼 卜食想著阮老母 即紅香甲那香茶 我野小歲卜食有 即敢私藏在身軀 陸績汝到我九江 真正有孝示大人 閣挽二粒再相送 比喜二粒也恰香 後晉當時出楊香 十五歲子真英雄 猛虎拿人金金相 驚因老父去受傷 看著猛虎在前面 今日出門 空身 楊香死也無要緊 驚了咬著我父親 一手叉在虎頸滾 也無動起是麼拳 猛虎不敢甲伊棍 知是孝子尊重純 見著孝子不敢動 虎無南滲愛咬人 楊香量情手即放 猛虎驚甲走無空 猛虎朕頭尾那拌 緊逃走過別山 楊香也無閣迫 無愛傷伊 心肝 晉朝一 名吳猛 八歲年紀未長成 脫甲光光巨蚊釘 這平飼飽翻過平 家貧無錢買蚊罩 吳猛兮賢八歲頭 黃昏衫脫塊逞校 倒的飼蚊歸暗頭 將蚊飼甲醉醉醉 即乎因爹去安睡 吳猛身軀專蚊嘴 這 恰食人袂肥 孝子皮肉恰有棟 巨在蚊咬袂發煌 朋友 著听我廣 著學吳猛即有通 吳猛逐暗乎蚊咬 有孝人即袂烏乾 無惜身軀 皮肉 後來變成富戶家 晉朝一 名王祥 老母早死正苦傷 後母福字真不 無甲一糸的天良 王祥真真是孝子 朱氏後母不仁慈 霜寒雪凍叫伊去 叫伊長江去掠魚 王祥不敢應羋項 即時就來到長江 今日霜寒雪又凍 水面堅雪白茫茫 王祥衫褲通無穿 倒著水面巨雪水 孝子神明都欽敬 太白緊奏上天庭 王祥倒在著水面 天賜鯉魚近瓦身 摸著有魚 緊緊 回家奉養因母親 黔婁做官在南齊 知爹得病緊回家 跪落緊問因老爸 煞叫先生來覓 先生廣起症頭重 神仙難救無命人 那是糞苦即有望 糞甜絕對無彩工 試驗糞甜即不允 懇求北斗的星君 阮 賬簿換別本 乎我報答父母恩 星君 著法慈悲 我是做人兮子兒 愿卜替阮老爹死 我 歲壽換乎伊 北斗星君正呵惱 小人生命卜來無 即乎因爹暫暫好 听有入耳 著學 崔氏出生在唐朝 乳奉婆婆食袂 因子小漢也恰巧 無乳通食也袂子 兒無食亦袂討 將乳奉養因婆婆 有孝驚因乾家餓 無齒通食吞袂落 崔氏婆婆孫夫人 多歲無齒食人乳 見食都是滋養品 九十二歲即過身 得卜歸天 時代 說乎大孫小孫知 我乎心婦真奉待 照這 即英皆 崔氏真真是孝女 因子無乳也袂思 這本歌仔那買去 念熟逞好做善書 宋朝一位朱壽昌 因爹的名朱雲從 趙氏大某真無量 心肝無人伊靴雄 雲從壽昌兮老爸 大某小姨娶二 強迫劉氏去改嫁 趙氏不賢愛炒家 想著母子未相認 七歲就無近伊身 日月摧迫簡即緊 棄官來去尋母親 客店神明來點醒 知我離母五十年 那到同洲著相見 果然有影答謝天 母子相認塊大哭 話廣袂得出咽喉 小人壽昌即有孝 跪去真遠兮路頭 宋朝一位黃庭堅 這 行孝是當然 做官也無分貴賤 八十二歲即成仙 做官身份伊無重 不識輕泊下手人 共因老母拼屎桶 湯茶親身著塊捧 屎桶親身共伊拼 閣恰污穢也不驚 哲宗天子煞知影 廣伊有孝甲風聲 有孝通人都恭敬 上司皆奏上朝廷 哲宗知伊做真正 官職隨時就皆昇 哲宗共伊昇官職 人即著學恰忠直 有孝名聲為第一 榮華富貴好過日 二十四孝照古典 尾此 黃庭堅 這本歌仔那勸善 不通十惡淫為先 人廣萬善孝為首 家庭完滿著自由 世間無通帶永久 那做過失愛著收 那做不著通人有 世間是塊借咱 那是有孝咱爸母 永有貴人通相扶 編歌是塊勸大眾 一著有孝二 忠 做人愛著恰有量 越奸越巧天不從 人廣有量著有福 兄嫂小姑恰和樂 有兮欺善驚怕惡 喜 無人卜欽伏 人著學好即是賢 一日無事小神仙 那不改惡來從善 死日換緊在眼前 有 專卜尋死路 呆事做去箱過多 善心兮人有補所 恰廣都著做正徒 乎人騙崁也袂赤 世騙人袂好額 不通肴做煽動者 下去設 加治 我卜改勸老阿伯 子大著緊皆娶妻 娶某子就的受債 咱著捨得一面 勸 姨姆老阿婆 不通雜念賢羅梭 示大那是做去好 心婦無人敢舉篙 閣勸社會眾男女 即是不通想編思 大事著共化小事 心肝不即有仁慈 不通听無落耳空 著恰有孝示大人 老母恩情是真重 帶孝著加四十 老母共咱六屎尿 加四十工無不著 大 恩情也袂小 也識替手共咱腰 子兒通人都是痛 有生得確著罔 我有看見即知影 廣甲分明 下驚一 敢無外多子 罵著應甲大小聲 摸著生鳥痛命命 放屎落學野恰營 家貧孝子上下本 朝地人名通有分 阮編乎 做標準 著學此歌恰單純 此本專廣勸孝義 有孝二字感動天 若有差錯緊改變 流傳世間即達錢 (家貧出孝子歌 下本 終) |